|
منذو نعومة اظافري
منذو نعومة أظافري وأنا احلم بالمدينه مللت الجبال وركوب الوايت مللت الابل والاغنام كما مللت لهيب الصحراء مللت الحل والترحال فقد اتعبني الصهريج(الوايت) بكثرة اعطاله هل لايحق لي أن اعيش حرة في صخب المدينه هل لايحق أن استبدل البرقع باللثام هل لايحق لي أن احمل جوال أريد أن البس البرمودا لاأعرف الكوفير لاأعرف المكياج لاأعرفالاسواق لالالالالالالالالالالالالاالخ. هل يسمى هذا تخلف ؟ أم عادات وتقاليد تفرضها المدنيه منذو أن فقدت صديقتي غزيل بنت هويدي والوحده تكاد تمزقني وتقتلني بأنيابها الــــــى غـــزيل يا غزيل الوقت هو والمور عناني .....................عشرين عامٍ وأنا الاوي دركسونه حب الاباعر على الصمان وداني ...............أمشي على شفها والنفس مشطونه وأنتي تدوجين في قبرص ولبناني .......................عقب الغنم صايره حمرا ومزيونه من عقب خربوش خذتي واحدٍ ثاني ...................فكك من طروق شيخ الجن والحونه لبستي الجنز عقب رعية الضاني .................وسلم العرب عند وجهك ضاع قانونه عمر التنك ما يجي لولو ومرجاني .........................وثريم لوهو ضحك ردنه سنونه |
منذو نعومة أظافري وأنا احلم بالمدينه مللت الجبال وركوب الوايت مللت الابل والاغنام كما مللت لهيب الصحراء مللت الحل والترحال فقد اتعبني الصهريج(الوايت) بكثرة اعطاله هل لايحق لي أن اعيش حرة في صخب المدينه هل لايحق أن استبدل البرقع باللثام هل لايحق لي أن احمل جوال لله درك نزف جميل :D وأحاسيس غير طبيعيه من أرق بدويه <= سجع :D تحياتي وبأنتظار جديدك :D |
. . حب الاباعر على الصمان وداني ...............أمشي على شفها والنفس مشطونه وأنتي تدوجين في قبرص ولبناني .......................عقب الغنم صايره حمرا ومزيونه هههههههههههههههههههههههههههههه والله انك رهيبه ... لايهمونك حقات قبرص ولبنان مافيهم ملح:D . . أختي البدويه تضل المظاهر مكتسبات ثقافيه لاتمثل الواقع تماما ... رغم انها تتخذ سبيلا للحكم على الشخص تشكراااات |
بدويه..
كسرتي خاطري.. بس والله الرياض ضايقه باهلها.. روحي للشرقيه اوسع لك.. |
إقتباس:
الشرقيه مسكره الحدود يقولون وما فيه حجز الا بعد مليون سنه الحقي عمرك على جده فيه لاحلات اضافيه :) |
بدويه يا مرحبا يخيل اني شفتك على ددسن امس بلا وايت بلا نصب يا جماعه الوايت وايت غزيل بنت هويدي ومسويه بدويه زحمه ومصوره هناك والا هي حدها الددسن ومع البر بعد بس منذو هذي مرت علي وكنت احسبها تكتب كذا(منذُ) يابدويه ومع هذا برضه بوح رائع على راي اختنا الغاليه الجازي الظاهر انها فازعة معك على شانك بنت وانتبهي اختي ترى المشرف محصل جمله ومحررها ايه عندنا حريه بس مهوب فوضى تحياتي |
وش هوددسن يابونوت هذي شايفتها على جيب شاص عند بعارينها الدداسن ماعا تنفع وانا اختك بدوية صح السانك راااائعه كفيت ووفيتي عسى تسمعك غزيل وترد |
.
. . خخخخخخخخخخخخخخخخخخخخخخخخخخخخخخخخ عليك حركات يابدوووووووووويه اقول جددتي الرخصة ولا باقي على فكرة ترى التأمين حقكم غالي فيه زيادة علشان الضبان لا الضبان اشتكوا لمنظمة حقوق الضبان واللي موقعها في جنيف اللي جنب عفيف تحياتوووووووووووووووووووووووووووووو سعيدان |
بدوية
مساك الله بالخير يااخت العرب .. الله كل هالاحاسيس مغبيتها يالبدوية .. ورى ما تزورينا في مواسم تراك بتنجحين مليون فالمية <<<< حلو فالمية هههههه والله جمعتي الثنتين كتبة وشعر ماشاء الله عليك .. يا غزيل الوقت هو والمور عناني .....................عشرين عامٍ وأنا الاوي دركسونه حب الاباعر على الصمان وداني ...............أمشي على شفها والنفس مشطونه وأنتي تدوجين في قبرص ولبناني .......................عقب الغنم صايره حمرا ومزيونه من عقب خربوش خذتي واحدٍ ثاني ...................فكك من طروق شيخ الجن والحونه لبستي الجنز عقب رعية الضاني .................وسلم العرب عند وجهك ضاع قانونه عمر التنك ما يجي لولو ومرجاني .........................وثريم لوهو ضحك ردنه سنونه صح لسانك مليوووون ولا يكفون .. تحياتي . |
مللت الحل والترحال فقد اتعبني الصهريج(الوايت) بكثرة اعطاله
هل لايحق لي أن اعيش حرة في صخب المدينه هل لايحق أن استبدل البرقع باللثام هل لايحق لي أن احمل جوال __________________ انا من رايي.. انك تنتظرين اشوي في البر.. كلها سنتين ثلاث.. ويسمحون بسواقة الحريم.. !!؟ وانا متأكد ميه بـ الميه انك تسوقين احسن من راعي الرالي باخشب.. ويسلمووو.. |
صباحك خير ونور بدويه مللت الحل والترحال فقد اتعبني الصهريج(الوايت) بكثرة اعطاله هل لايحق لي أن اعيش حرة في صخب المدينه هل لايحق أن استبدل البرقع باللثام هل لايحق لي أن احمل جوال طيب ممكن اعرف من اللي رادك ومانعك ؟ :D لبستي الجنز عقب رعية الضاني .................وسلم العرب عند وجهك ضاع قانونه عمر التنك ما يجي لولو ومرجاني .........................وثريم لوهو ضحك ردنه سنونه :D صح لسانك لاهنتي ابيات رقيقه وعذبه :D مع ودي واعجابي :D |
وانا وش دخلني فاظافرك وصهريجك عساه يتوطاك:D [poet font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] صوتٍ سمعته معا الاشفاق ناداني=صوت بدويه عسى ماهيب مبطونه ارهق اسموعي كلام الترف واشقاني=كني بدمعه تهله ذبل عيونه زرفيل روًح على اللي وارد الماني=بنزٍ ليا فاع عد ارقام طبلونه نصه عجوزٍ ورى الصمان تشناني=عطها كتابي وعطها ويش مضمونه قل لبدويه تلايط لاتحداني=وان مارضت في كلام الحق ملعونه الجنز لبسي وقبلي لبس جداني=وان جاتس خربوش شبي راس غليونه [/poet] اللي من عام الاول وهيه خارج الوطن غزيل بنت هويدي لبنان_سهل البقاع :p :D :D :p |
إقتباس:
حيالله غزيل بنت هويدي والموضوع المبارك اللي جابك عينتي اهل العبله ؟ سلميلنا عليهم اما قصيدتك ما يحتاج مسكته وشبي راس غليون خربوووووووش والله ومشتاقين عقب البطا والله انه استاسع صدري وهو ضايق :) |
يامرحبا ياغزيل زارتنا البركه :) http://pcs.fares.net/2002/fl002.jpg شكراً يابدويه وهذي لك ولزمي عليها ماتطلع :D http://pcs.fares.net/pcs/images/flow0010.gif http://www.galilea.cz/22/images/1_19.gif |
يالله انه يحيي الجازي ما بغيتي تدخلين موضوعي وانا اختس اجل تقولين سجع والله ومالتس على يمين يالجازي انه لعب بفقرات ظهري هالصهريج الاقشر وذبحني بالمطاب يا اخيتي الاستشاري جون يوم رحت اراجع عنده قال تخلفي الله بالحمل والسبه هالوايت وهالحين اسوي بروفات على سياقة الدنا لين يطيب ظهري وابشرتس البارح تمشيت في المملكه ورقيت السلم الكهرب وعظ عباتي وتدربيت قدام الناس وطاح برقعي يا فشيلتي الانيق سطام العوني أختي البدويه تضل المظاهر مكتسبات ثقافيه لاتمثل الواقع تماما ... رغم انها تتخذ سبيلا للحكم على الشخص ولو وانا اختك الوحده ودها تجي زينه وشكلها ذرب ما تقعد على طول بخلاقينها وكشتها قدام الله وخلقه تسنها خبلة يعني لو تلاحظ يا سطام تجاوز عمري الخمسين وانا في البر لا زوج اشكو عليه همومي واهمس في اذنه لين تنقز طبلته من قو الصوت لي يشعر بما اشعر به @ المرعب وافاقع قلوب الصبايا محمد الحراب بس والله الرياض ضايقه باهلها.. روحي للشرقيه اوسع لك.. ليش ما تجي عندي انت في الصمان اعلمك سواقة الوايت وصيد الضبان وتظير الابل |
| الوقت المعتمد في المنتدى بتوقيت جرينتش +4.
الوقت الان » 11:54. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع