للأهمية ابي رايكم بكل صراحه
 

السلام عليكم كيف الحال


يا اعضاء منتدى شعبيات ابي رايكم بكل صراحه وتكفون بدون مجامله ترا بالعكس النقد البناء دائما ينفع وما يضر وانا اليوم كتبت ها القصيده وهي اول قصيده وابي رايكم بكل صراحه .
وتذكروا بـــــــــــــــدون مجامـــــــــــــــــله :
وهي قصيده قلته برفيقي محمد شراوكم طيب . وماعليكم زود .


اسمعوا :
اقول :

دنياك يامحمد كل يوم بحاله
................ وحنا بثرها بين عاقل ومجنون

مره تجي يمين ومره شماله
............... ومره علي كيفك ومرات مالون

ياحيف ولد اللاش رفرف جناحه
.............. وياحيف عيال الذيب قاموا يهابون

و ياحيف ياناس اول عالي ساسه
............. اليوم تلقاهم بالمراقص يهزون

و ياحيف ياناس اول واطي شانه
............. اليوم في وسط المجالس يحامون

الله يفكك يابو حميد من هالقراده
............ ويحميك ربي من هالمور ويصون .



اهم شي رايكم بصراحه ونقدكم البناء والف شكر لكم



ابو بنـــــــــــــــــدر
najem29@hotmail.com

صح لسانك ياابو بندر



تعال ابسألك

مره تجي يمين ومره شماله
............... ومره علي كيفك ومرات مالون :)

كلمة مالون ... اشهد انك جبته بمحله يالاقشر :)


الف صح لسانك ..
ياابو بندر

أبو بندر...

وعين الرضى عن كل عيبٍ كليلة ! :)

ولاتقول عين الرضى .. مالون !!

صح لسانك..

أجمل تحية

دنياك يامحمد كل يوم بحاله (( مكسور))
................ وحنا بثرها بين عاقل ومجنون (( سليم))

مره تجي يمين ومره شماله(( مكسور))
............... ومره علي كيفك ومرات مالون (( سليم))

ياحيف ولد اللاش رفرف جناحه (( سليم))
.............. وياحيف عيال الذيب قاموا يهابون(( مكسور))

و ياحيف ياناس اول عالي ساسه (( مكسور))
............. اليوم تلقاهم بالمراقص يهزون (( مكسور))

و ياحيف ياناس اول واطي شانه (( مكسور))
............. اليوم في وسط المجالس يحامون (( مكسور))

الله يفكك يابو حميد من هالقراده (( مكسور))
............ ويحميك ربي من هالمور ويصون(( مكسور))



القافيه زي ماقالت لك الاخت ام مشعل
المعنى ماهو مركز واجد

اتمنى لك التوفيق انت وابو حميد :)

اخوك
احمد