|
افريقيا والمحيط الا طلسي دونه
خارطة مهترية .....عبثا علقت على الجدار....مفتاح (Z)...ماهوب لى. :) ....صور لطايرات شبح فىالتلفزووون
من بين هذه المتتفرقات وعلى اخر ماتبقى من اخر صفححة في تلك النوووته الممزقة .المليئه بالخرابيط......... هناك في تلسا.......اوكلاهوما .......ولدت هذه القصيدة اسكن ابتلسا وخلي يسكن ابجده افريقيا والمحيط الا طلسي دونه اناظر الخارطه يازين الي مده واحسب مسافاتها بارقام مجنونه يابعد دار اريش العينين يابعده وانا عيوني على لقياه مفتونه والله لولاالبحر والموجه اترده لاكفخ علىال(Z)ثم اعد طبلونه اما نشوف الوليف ونرتشف وده ولا نموت وعسانا فدوة عيونه .......? .......? وش حيلة اللي زمانه واقف(ن)ضده غير العزاوي يجر اصوات ملحونه ياطايرات الشبح طيريبي ال قده خلي جريح المشاعر يبري طعونه [ نوفمبر 10, 2001: تم تعديل الموضوع بواسطة : الزاحف2000 ] |
الله يعطيك العافيه
بيض الله وجهك اسكن ابتلسا وخلي يسكن ابجده افريقيا والمحيط الا طلسي دونه ياوالله اللي بعيد وش حيلة اللي زمانه واقف(ن)ضده غير العزاوي يجر اصوات ملحونه يصبر وبتزين انشا الله تسلم على القصيده الطيبه وترجع سالم غانم انشالله اخوك ابو محمد |
اخوي الزاحف 2000
ياصباح الخير مدري يا سلالالالالالالالالام (Z) و(صور)و(شبح) و(تلسا)و(اوكلاهوما) و(جده) زحفففففففففففففففففففففففففففففان اسكن ابتلسا وخلي يسكن ابجده افريقيا والمحيط الا طلسي دونه اناظر الخارطه يازين الي مده واحسب مسافاتها بارقام مجنونه يابعد دار اريش العينين يابعده وانا عيوني على لقياه مفتونه اخوي صحححح لسسسسسانك |
اخوي الزاحف
صح لسانك ولاهنت...قصيده رائعه..واسلوب منفرد للزاحف... اما نشوف الوليف ونرتشف وده ولا نموت وعسانا فدوة عيونه .......? .......? وش حيلة اللي زمانه واقف(ن)ضده غير العزاوي يجر اصوات ملحونه ما اقولك..الا الله يحفظك ويخليك...... تقبل تحيات اختك المحبه لأبداعاتك :rolleyes: |
اخوي ابو محمد صح بدنك ......وتسلم على ردك ودعوتك لي يالغالي...وابشرك رجعنا من تلسا .... والحمدلله...,....
|
اخوي الغالي غالي الاثمان....مرورك وقراءتك للقصيدة شرف... وتعليقك عليها وسام .....يااخوي اعذرني على تاخري في الرد عليكم ....مثلك خابر هاالدوام ومشاغله......
عموما هذي تحذيفه مثل تحذييفات ابو مهنا خابرك تحبها حيل...بس انا باسميها زحفااان: يالطيف الروح ليتك عسكريه.....تلبسين البنطلون وتفصخينه صفة الضباط تضربلك تحيه.....والعبيط من الجنود تهرولينه...(واحد زااحف) |
ياريش العين اشكرك على مشاعرك تجاه القصيدة......وصح بدنك...وانشالله نكون عند حسن الضن.......والف شكرعلى المرور....ولك خالص تحياتي...الزاحف...2000
|
......
|
الزاحف 2000
صح لسانك وبيض الله وجهك وقصيده رائعه ومالوم بعض الاخوان اذا حطوا من ابياتك تواقيع لهم اهنئك على هذه الشاعريه الفذه لك تحياتي |
عكاشه ماني مصدق صح بدنك يالغالي ولاهنت يابعدي على مرورك-----واعجابك بالقصيده وسام على صدري------ :cool:
|
| الوقت المعتمد في المنتدى بتوقيت جرينتش +4.
الوقت الان » 14:06. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع