يالحرامي تب لربك
 

لا ازال اتجول بين المنتديات لأجد في كل مرة ، قصيدة لي مسروقة
وطبعا بالنسبة للكثير من الزملاء ، وبعض المنتديات حصل منهم تجاوب
ولكن هناك من المشرفين أو المشرفين العامين من لايحتمل إثارة
هذا الموضوع في منتداه ، رغم علمه ، بأن به مسروقات ، لتستمر
المفاوضات ، لتأتي هذه القصيدة ، لعل يكون لها جدواها.

[poet font="Simplified Arabic,5,white,bold,normal" bkcolor="burlywood" bkimage="" border="none,4,gray" type=3 line=200% align=center use=ex length=0 char="" num="0,black" filter=" shadow(color=darkred,direction=135)"]
ياقصيـدي انسرقت ولا بقـى منّك بقيّه = وصرت اطارد بالنوادي مثل من ضيّع جنينه

من نشيط ليد نشيطٍ بين جهـلٍ او حميّه = وكلّمـا امسك حرامي قالـوا احذر لاتهينه

اللطش ماهوب سرقه وانت خاسر للقضيّه = اعتـذر له علّ يسمـح فاتهـامك ما يدينه

يا عرب وش لون هذا من طلب حقّه اذيّه = وين ديـن الله فيكـم ووين شـرعٍ عارفينه

كل من يلطش حرامي فالعبـاره هيّه هيّه = وسـارق الديـنار تقطع يده ..ولاّ جـاهلينه

من سرق ماهوب مؤمن .. قايله خير البريّه = ومن لطشني ما ابيحه وادعي الله ما يعينه

وادعـي ان الله يشـلّه بالـرباعي ميّه ميّه = طايحٍ بالأرض خرقه والدمع يجري بعينه

ولو لقيته في القيامه وحالته تصعب عليّه = قلت ياربي سرقني حتى اشعـاري الحزينه

يا الحرامي افتهم لي واستمع نصحي هديّه = حتى لو حطوك شاعر فالشعر عندك رطينه

تخدع لنفسك وغيرك وتتبع النفس الرديّه = وتنكشف في أي لحظه والفشيـله لك قرينه

هذا من غير العقوبه .. فالله اعلم بالخفيّه = يالحرامي تب لربّك واترك دروبٍ مشينه

[/poet]

اخونا الكبير / عثمان العبدالله

تفاعل اكثر من رائع

وفي قلب الحدث ( كما يقولون ) !!

لكني اخشى ان تسرق هذه القصيدة ايضا !!


اخي

في مثل هذه الدنيا الاليكترونية المتشعبة والمتسارعة

لا يمكن لنا ان نحمي نصوصنا من لصوصنا !!


نحن امام امرين احلاهما مر

اما المشاركة والتعايش مع الخوف

واما بقاء نصوصنا في ادراج مكاتبنا ( إن وجدت طبعاً !! )

.
.

تحياتي لك ولاخلاقك العالية

الله يعين ياعثمان!!!
 

صح لسانك ياعثمان




وهذه الظاهره تبي لها وسعة صدر



لان اللي بيضيق صدره بياكل عمره



ولاحد داري عنه



ياخوي هذولا ناسٍ ماتستحي من الله فكيف تستحي من الناس



ابطال الديجتال قصدي ابطال copy و paste



ولي كم بيت بخصوص هذا الموضوع اللي اعاني منه كل يوم




[poet font="Simplified Arabic,5,white,bold,normal" bkcolor="transparent" bkimage="" border="groove,6,skyblue" type=2 line=200% align=center use=ex length=0 char="" num="0,black" filter=" glow(color=black,strength=3)"]
جينا نوسّم ذاهبات القصايد"="ونمسّ حبل اللي على السرق ضاري
لو كان يكتب في جميع الجرايد"="ويصيّد سمان الحجل والحباري
حنا نلبّسه الذهب والقلايد"="لاصار وده بالكلام التجاري
في منتدى ربعٍ تعَرف العوايد"="ولّى زمان البلطجه والحواري
[/poet]





سلمت يمناك ولا عدمناك

اخي الشاعر الرائع عثمان
 

صح لساااااانك لكن مثل ما قال أخي محمد العمري لا تسرق هذي 00

عاد تصدقون 00الأدهى والأمر ان واحد سرق قصيده لي وليتها قصيده غزليه

المصيبه قصيده قلتها مرثيه بوالدتي الله يرحمها 00 شي فعلا مضحك 00لكن لي

رأي ان يكون تعاون فيما بيننا نحن الشعراء بملاحقة كل سارق ودعم بعضنا

البعض فيهذا الشأن لكي نشكل مع بعضنا فريق عمل 00

ودمت اخوي بخير وسلم راسك يا بعدي 00

هلابك ياعثمان العبدالله

قصيده قراتها هنااك وهنا :)

صح لساانك وتسلم يمينك


والله يعين على هالحاله ..

لكن هناك حل ..


حط شفره للقصيده وعساك تسلم .. والامر يهون اذا ماكان فيه الا مثل هؤلاء العابثين .. واقصد اللي عند المواجهه لاتجد لهم اثر .. ولكن المشكله لو اصطدمت بشخص يجادلك عند قصيدتك وينسبها عنوه لنفسه .!!!

في هذه الحاله الشفره سوف تكون طوق النجاة .. صحيح قد تكون ممله في البدايه اثناء كتابتك للقصيده .. ولكن مع الوقت تجدها متعه


لاهنت ياابو عبدالله على هالقصيده اللي تلامس الواقع وبقوووه بعد :)


تحياتي لك

اخي \عثمان العبدالله

صح لسانك وتسلم يمينك اما من ناحية السرقه فهي موجوده من زمان

ولا يفعلها سوى الضعفاء من الناس

ولكن ودي اشكر الي سرقك لانها خلنا نستمتع بهذه الابيات الرائعه :)


صح لسانك مره ثانيه... وتحياتي لك

مشكورين يالغالين وما قصرتوا
واعتقد اقتراح أخي عبد الرحمن المرخان ، جيد ، ويمكن لو كل واحد منا
سوى له ملف ، سماه ملف المتابعه ، وأول ما تنزل قصيدة لواحد من زملاءه
على طول ياخذ منها البيت الأول ، وبيت من الوسط ، ويكتب ، قصيدة: فلان ،
وفوقها رابطها.
وعند دخوله أي منتدى ، ويجد قصيدة يشك في أنها ليست للكاتب او الكاتبه
يرجع لملفه ، وبعد التأكد ، يرد باسلوب جيد ، : القصيدة لفلان وهذا الرابط.
ثم يؤشر علي البيتين اللي في ملفه ، بموقع السرقة ، ويرسل رسالة خاصة لزميله
يبلغه بالموقع ، او وهو يرد على القصيدة نفسها يشير لذلك. يمكن بهذه الطريقة ، نحد من اللي يجري واللي ما يدركه إلا من يتجول في المنتديات .
اما عملية الترميز ، فهي فكرة جيدة ، ولكن تحتاج لخبرة فنية ، في كيفية وضع
رمز ، لايمكن مسحه أو التلاعب به. ولاننسى أن بعض المشرفين ، الذين يستطعيون
التحكم في التعديل في اوقات مختلفة ، هم من نفس الفئة.
كل الشكر والتقدير لكم جميعا.
تحياتي

عثمان

صح السانك

واشهد انك ماقصرت

وهذولا نعنبوهم ماخلوا احد في حاله


جعلنا نسلم منهم


لاهنت فديتك

لك الود

الاستاذ عثمان العبد الله ...

اولا ً القصيده لاتعليق عليها لانها من شاعر عملاق ...

واما السرقات فهذه هي العله اللتي اعيت من يداويها مهما وجد من اقتراحات

فكاتب القصيده ليس شمس شارقه على كل المنتديات .. اذا اخذ بالحسبان ان هناك 2000 منتدى عربي تقريبا ً ..

ولكن نقول حسبنا الله ونعم الوكيل ...

ودمت بخير :)