......((تــحـليــل الــشتــالــي )).........
 

السلام عليكم ورحمة الله وبركاته
أحييكم اخواني واقم لكم هذه القصيده كمصافحه أولي
وتمنياتي ان تصل الى ذائقتكم
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
((تحليل الشتالي ))
ياسقاك الله ياايام الخوالي=يوم قلبي مايهم الحزن سالي
لاذكرتك قمت اغني من عذابي=ياوجودي وجد حالي وجد حالي
وجد من حكمه قصاص وصدقوها=زمرة التزوير ودروب الظلالي
من ولد شيخ تطاول عند عرضه=لين ثار وسل وسيفه والسلالي
وطعنه طعنة شجاع ماتكوده=ضربته ماتنثني يوم القتالي
ماثناها يوم شاف انه توفا=وطاح يبكي من ضياعه وش جرالي
وسمعوا بالحادثه ثم اعلنوها=وجهزوا طاقم مكمّل بالرجالي
وجوّدوه وحط في سجن انفرادي=وعذبوه وكنه يصلا جمر صالي
ماوراه الا اخته العذرا وشايب=وامّه وعين العدا من كل جالي
لاتذكر دمعة امه زاد همّه=ثم جرّ الصوت لا واعزتالي
ذاك وجدي مثل وجده والمصيبه=من خويً كنت أظنه راس مالي
واثره الي كل ماقفيت عنّه=سوّد بوجهي ليا جالي مجالي
كان يا( صدام جاك فقله اني= قله انّي من تفارقنا لحااالي)
اذرف الدمعات وابكي واتذكر=مامضى ويّاه من عذب الليالي
حالف بالله والله ثم والله=مااتناسا عشرته اول وتالي
لو نسا التاريخ سيرة (يام يصبا)=او تناسا الناس ( ابو زيد الهلالي)
مانسيته لكن انه عاب فيني=والجفا هجسي هو ( الحل المثاااالي)
ولاّ انا ماني بناقص كان يجهل=ويتنشّد عن بني عمّي وخالي
كانها ماجاوبت بيض البيارق=نذر لاقطعها يميني مع شمالي
وادري انها لاحكمت ماهي تغره=معتقد يخفاه ذربين الفعالي
لكن انّك نبهه من شان يدري=وسلّمه هذي الرساله من خيالي
دام صارت خوتي ماهي تهمه=يتقي شر الحكا ( ماله ومالي )
ولايعذربني وانا اللي في سبيله=بعت كل اللي معي بالي وغالي
ولااعدّه كون واحد من اخواني=ولابعد قاسمتله [ ذا لك وذا لي ]
باتنحّا عن معاطينه وابقفي=دامها رغبته باقلقل رحالي
ياعسا يلقي من الاجواد صاحب=واهتدي في مرقب بين العوالي
يعرف الرجال مايلحق خويه=مايحدّه للمهونه والهزالي
وان سمع كلمة غوى عن طيب نيّه=لايحلّلها ( بتحليل الشتالي )
وايتصفّح في المجلّه والجريده=زوجوا ( احلام من سواق رالي )
هذا كل الي بباله حسب فهمي=وكان ماصوبت قله قالهااااالي
( ياريالي كان مابه من يعزّك=لااا أجل خلك في جيبي ياريالي )

والعذر على التقصير / علي بن مشرف
[/poet]

علي بن مشرف

صح لسانك شاعر جزل ومسكب جديد لشعبيات فكيف لا ونجم علي ظهر بها


( ياريالـي كـان مابـه مـن يعـزّك لااا أجل خلك فـي جيبـي ياريالـي )

لاهنت وبانتظار جديدك ايها الرائع

ياريالي كـان مابـه مـن يعـزّك لااا أجل خلك فـي جيبـي ياريالـي


علي بن مشرف


يا هلابك

و مرحبا


صح لسانك


دمت بخير


محمد الحراب

[c]
هلا وغلا بعلي بن مشرف

على والروعه وجهان لعملة واحده

تواجدك ايها الرائع معنا هنا اضافة لنا

القصيده رائعه رائعه من شاعر اروع

من اجمل لمفاجآت تواجدك معنا هنا برغم كثرة اشغالك

تقبل مني احر التراحيب


اخيك


سالم بن جلعان
[/c]

يا علي

صح لسااااااااااااانك

قصيـــــدة متميزة وجميــــــلة



لا هـــــــنت


تحيـــــــــاتي،،،

علي بن مشرف

هلا بك والله ومرحبا ...

بدية قوية وقصيدة رائعة تسلم يمينك ..

وان سمع كلمة غوى عن طيـب نيّـه
................................................. لايحلّلـهـا ( بتحلـيـل الشتـالـي )
وايتصفّـح فـي المجلّـه والجـريـده
............................................... زوجوا ( احلام من سـواق رالـي )
هذا كـل الـي ببالـه حسـب فهمـي
............................................. وكـان ماصوبـت قلـه قالهـااااالـي
( ياريالـي كـان مابـه مـن يعـزّك
.................................................ل ااا أجل خلك فـي جيبـي ياريالـي )

ما من قصور يالغالي وصح لسانك مليوون .

تحياتي .

.





.. الرائع /

علي بن مشرف !!

حضور قوي .. وكلمات تنبئ بالكثير ..

ألف صح لسانك ..


ولله درك ..


تحياتي

ياهلا بالغالي ابو نوت تشرفت بانضمامي لهذا الصرح الشامخ





لاهنت على التشجيع والأطراء اللي اسعدني وشجعني :)

لاهنت يامبروك على الأطراء



وصح بدنك واسلم وسلم




ويشرفني الأنضمام لهذا المنتدى

الرائع على بن مشرف

حضور رائع
شاعر متمكن

مـاوراه الا اختـه العـذرا وشايـب
................ وامّه وعين العـدا مـن كـل جالـي
لاتذكـر دمـعـة امــه زاد هـمّـه
................ ثـم جـرّ الـصـوت لا واعزتـالـي

صح لساااانك

تحياتي