انت من جابك للحكم؟
 

[c]السلام عليكم ورحمة الله وبركاته


وصباحكم ورد انشاءالله .. يا اعضاء وزوار

(( شــعــبــيــات))

انت من جابك للحكم؟؟؟

اربع كلمات فقط من ابو متعب كانت كفيله بان يتسمر المعتوه الليبي

في مقعده ((الذي استـثـقله))وكفيله بأن تجعل وجهه يتلون بعدة الوان

ابتداءً بلون الخزي ومنتهيةً بلون العار قبحه الله


المعتوه الليبي / متعمر القذافي( لا اعتذار عن زيادة حرف في اسمه ..

اجد لي الحق في تحريف اسمه.. فهو قاتله الله حرّف ايات القران

الكريم فلا اعتذاااار لإ شباه البشر ) حاول المساس بكيان هذا الوطن

الشامخ .. وكان له بالمرصاد ابو متعب عسى ايامه طوال على العز

والطاعه والنوماس


تفاعلاً مع هذا الموقف كتبت هذه المتواضعه اتمنى ان تنال بعضاً من

استحسان اذواقكم الراقيه.. [/c]


[c]http://www.nnjj.net/flag_anim.gif [/c]


[poet font="Arabic Transparent,5,darkblue,normal,italic" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
للولي..للدار..للحكام.. سمع وطاعه= ولك يابو متعب من الشعب الوفي.. مقدوره

حكمكم ثابت ولاتقدربه الشفّاعه= ولا نبا.. فالحكم من لايعتزي في نوره

وسط شرم الشيخ والهيكل بكل انواعه= السياسه كلها.. وإعلام طبق دوره

اجتماعاً يبحث احوال الوطن واوضاعه=والمساعي من بعضهم مااعتقد مشكوره

راس متعمر بوجهه شايفين اصداعه=والبلا كله بطاسة راسه المشعوره

من بدايتها تبجح( عادته واطباعه)=نفس متغطرس ورؤيا بالغباء ممهوره

قال له هرجه ونفسه للهوى منصاعه=يوم ينطقها يورالي بدون شعوره

من هنا!!فتّح جميع افكارك اللماعه= ( قرن جاه اغبار..! ماغبر له الا ثوره)

الحدث ثلاثة اجزاء ثم طويّ اشراعه=مجّمله:- نفسٍ سليمه عالجت مسعوره
.
.
.
إبتدا من ضغطة (إزرار النداء)باصباعه
.
.
.
.
.
إنفتح..
.
.
.
.
.
صب الكلام ..
.
.
.
.
.
وجثةٍ منحوره
.
.
.
.
.

يا الأمير اللي كلامك رجّ كل القاعه=استفاقت منه روس العالم المخموره

ماتحمل كلمتك شاشه ولا سماعه= كلمتك قصت مجال البث صوت وصوره

هرجتك ماروجوها المرجفين إشاعه= هرجتك خلّته جثه فالكنب مسموره

ومن يمينك وارده..حتى كشفت اقناعه= والله ان يبطي وهي في جوشنه مصروره

النقيصه من متى يهرج مع البتاعه؟= راسه المصدوع جاب إله الدواء دكتوره

الغبي ينشد عن المعنى وهو باسماعه=دايم اعذار المغفل مسحة السبوره

انت فهمك ينحصر فالتبغ والولاعه= انت منها مستحيل اتفيد فالمعموره

انت شرواك العروبه تقذفه في ساعه=مالها حاجه تضم الشله المدموره

ماتحمل للخداع ولعبة الخداعه= ( ضغطّ زرّ) ويخرج العالم سوى من فوره

بس ابو متعب هو اللي رج كل القاعه= اشّرت سبابته واوقظ بها المخموره

وهرجته قفل بها الشاشه مع السماعه=انقطع منها مجال البث صوت وصوره

((سيف السيف))
[/poet]



[c]
وســلامتـــكم,,

واسمحوا لي على القصوور معكم ومع القصيده..


للجميع كل الود :) [/c]

محجوووووووووووووز

محجوووووووووووووز

الشاعر الرائع المبدع

سيف السيف

صح لسانك


الله عليــــك ابدعت وربي.


والامير عبدالله بن عبدالعزيز رجل المواقف التي لاتعد ولاتحصى يستاهل القصيد ويستاااااااااهل البيضاء ابو متعب .



تحياتي.

[c]
مرحبا بك يابوعبيد
وصح لسانك وبيض الله وجهك
وابو متعب يستاهل الطيب والترحيب
..وانت ماترضى الا بالابداع والتميز
جعلني ماذوق حزنك يالغالي

..لك تحياتي يابو عبدالله ..اخوك فيصل .[/c]

الشاعر عكاشة
صح لسانك على هذه القصيدة الوافية
وكلامك في محله عن هذا المعتوه القذافي

اخوي وحبيبي سيف السيف ( عكاشة )

صبحك الله بالخير يابعدي

الله عليك الله عليك الله عليك .....

قال له هرجه ونفسـه للهـوى منصاعـه
يـوم ينطقهـا يورالـي بـدون شعـوره


من هنا فتّـح جميـع افكـارك اللماعـه
( قرن جاه اغبار..! ماغبر له الا ثـوره)


الحدث ثلاثة اجزاء ثـم طـويّ اشراعـه
مجّمله:- نفسٍ سليمه عالجـت مسعـوره


إبتدا من ضغطة (إزرار النداء)باصباعـه
إنـفــتح .. صـب االكلام وجـثـةٍ مــنــحـــوره


لله درك ولله در ابو متعب اللي اثار هذه الشاعرية وجعلها تغزوا افكارنا وقلوبنا .....

صح لسااااااااانك مليووووووون يابعدي وعيني عليك باردة والله لايكتب لك المضرة .....

لك مني كل المودة وخالص الحب .....

اخوك

حسن آل مسفر

الرائع سيف السيف

صح قلبك

قصيده رائعه وجزله ومعانيها وافيه

تحياتي وتقديري

سيف السيف (عطاشه)

لله درك يابو عبيد

وعدت ووفيت بالوعد

لك مني كل الشكر والامتنان على هذه الشامخه

صح لساااااااانك يابعدي



تحيااتي لك
اخوك موعووود

السلام عليكم ,,,,,,,,,

أخوي الحبيب : أبوعبيد ...............................الله الله الله عليك ,,, لله درك ,,

وربي انك رسمت الموقف رسم وأي واحد يقرا ها يعرف الحدث بالوصف ,,

صح لسانك صح لسانك صح لسانك صح لسانك ولاهنت يابعدي ,,


الحدث ثلاثة اجزاء ثـم طـويّ iiاشراعـه
مجّمله:- نفسٍ سليمه عالجـت iiمسعـوره
.
.
.
إبتدا من ضغطة (إزرار iiالنداء)باصباعـه
.
.
.
.
.
إنــــــفــــــتــــــح..
.
.
.
.
.
صـــــــب الـــكــــلام ii..
.
.
.
.
.
وجـــثــــةٍ iiمــنــحـــوره
.
.
.
.
.


يا الأمير اللي كلامـك رجّ كـل iiالقاعـه
استفاقـت منـه روس العالـم iiالمخمـوره


ماتحمـل كلمتـك شاشـه ولا سمـاعـه
كلمتك قصت مجال البث صوت iiوصـوره



يا الله على هالوصف ,,,,,,,,, تسلم الله يحفظك يابوعبيد ,,, دمت بحب أخوي ,,




مع تحيا111111111111تي ,,


:):)

الشاعر الكبير عكاشه
صح لسانك وقصيدة كبيرة من شاعر كبير
اسمح لي بتثبيت القصيدة

الله الله

الله عليك ياعكاشه

أبدعت والله ويستاهل ابو متعب

ألف صح لسانك

تحياتي ومحبتي

النازف

الله الله


ياااالسيف السيف او كما تسمى عكاااشه.





صـــــح لســــــــأأأأأأنك ولأهنـت مليووووون على ذا الجزله .




في ذمتي ذمه ابدعت وابو متعب يستاااااهل وزياااااااده.





تقبل تحياتي.





فتى الوادي

صح الله لسااااانك مليوووووووووووووووون



وبيّض الله وجهك يا سيف



عزالله انك ما قصّرت


كفيت ووفيت



لاهنت يا ذيبااان

بيض الله وجهك ياعكاشه
والله مهي غريبه عليك الابداع
كل قصيد ك يستحق الإعجاب والإشادة
وخصوصا هذي لانها في ابو متعب اسد الجزيره
الله يطول عمره 0


بس ابو متعب هو اللي رج كـل القاعـه
اشّرت سبابتـه واوقـظ بهـا المخمـوره


وهرجته قفل بها الشاشـه مـع السماعـه
انقطع منها مجال البث صـوت وصـوره

خالد العنقررري


هلابك


ويشرفني حجزك اولا لاعدمتك


تحياتي لك