مشاركه ثانيه
 

هذه القصيده هي مشاركتي الثانيه واتمنى ان تحوز على رضاالجميع :

طير ياللي في السماء دايم تحوم
واهنيك دام تكفخ بالجناح

ان بدى لك حاجة منتب تسوم
تعتلي من فوق وديان وبراح

الهوى والحب له طبع وسلوم
ولي وصيه قبل ماتنوي المراح

خذ سلامي والسوالف والعلوم
صوب دار يسكنه سيد الملاح

غصب عني يوم اسافر لا يلوم
الزعل منها وله مني السماح

قلها مغليك يشكي للنجوم
في المساء ويجر وناته صباح

وقلها خلك سهير ما ينوم
وصدره الضايق نساه الانشراح

والفراق ان طال عله ما يدوم
عل وصله عقب هالفرقا تباح
=========================
اخوكم السعد
tair_alsaad@hotmail.com

اخوي السعد:

صح لسانك على القصيده الجميله...استمتعنا بقراتها .... ونتكلع الى المزيد من هذا المعين العذب.

تقبل تحيات
اخوك البدوي

صح لسانك
والله يعطيك العافيه
ونبي منك المزيد
تحياتي

الاخ المشرف العزيز
بدوي في امريكا
تحياتي لك وكل عام وانت بخير وعساك من عواده وشكرا جزيلا على ردك الجميل ولا عليكم زود

وتقبل خالص تحياتي
اخوك - السعد

الاخ العزيز

fallaj

ومن يقول صح لسانه

واللع يعافي الجميع

وابشر بالمزيد. وتقبل تحياتي
==================
اخوك السعد