|
من حقنا نمزح مع بعض ولا لا ؟؟
نحن والمزاح
خلونا أول شيء نعرف وشهو المزح: المزح الله يسلمكم هو أنك تطيب خاطر اللي حولك وتدخل عليهم السرور بالملاطفة والميانة، وهذا ما فيه شيء مستحب ولا عليه خلاف كما أستدل البخاري في باب الإنبساط وذلك بحديث النبي عليه الصلاة والسلام (يا أبا عمير ما فعل النغير) وكذلك أنه عليه الصلاة والسلام كان يقول لأنس ( ياذا الأذنين)، كما أن هناك الكثير من الأحاديث التي تدل على ذلك. لكنا يوم أنا فضينا وكثرة روحاتنا وجياتنا وكثرة تجمعاتنا الفاضية مع خويانا وأخوانا بالإنترنت وبالشارع ... ما عاد صار فيه حدّ للمزح اللي بينا ... وصار لا قدّر الله يقلب المزح إلى مطاقة وكره بينا وبين بعضنا (الله لا يجيبه). وأنا أأكد لكم أنا لو عرفنا حدود المزح زين كان ما وصلنا للمواصيل الشينة والنتائج الماصخة، وبالنسبة لحدود المزح فأنا أبسردها لكم حسب معرفتي وإطلاعي وهي: - في المزح وأنا أخوكم لا تقربون الدين ... كل شيء يمزح به إلا الدين. - أمزحوا الله يسلمكم ولاكن بدون تخويف الناس بالسلطة اللي تملكونها أو التهويز بالسلاح أو أي شيء يسبب الخوف والخطر على اللي أنت مازحٍ معه. - وش فيها إذا مزحتوا وأنتم صادقين ... ترى الكذب حبله قصيّر ... وإذا أكتشف خاب كذابه. - لا يصيّر مزحكم ذبٍ على الناس الثانية ... ولا غيبةٍ فيهم. - لا تخلون المزح على ناسٍ الله عيبهم أو نقصهم بإرادته عنكم ... فخلق الله دائماً حسن. والله يهب ويمنع سبحانه. وتذكروا أن الله يمهل ولا يهمل. - لا تخلون عاد المزح حلى ... كل من قام وقعد ... راح يمزح (كثرة الشيء تمصخه). - تعرّف أول على اللي أنت تمزح معه ... اللي ما تمون عليه خلّه .. لا يقلب عليك. - لا تصير مزّاح ... تعلم متى تمزح ووشلون تمزح ... مهب مثلاً في العزاء تمزح. - بعض المزح زين ويجب فايدة، إذا عرفت تسيّره صح ... وبعضه اللهم يا كافي ما يجيك منه إلا المشاكل اللي ما تنحل. . . . . . . هذا ما قدّرني الله عليه اليوم ... وعساكم دائماً بفرح وسعادة ... بدون مزح زيادة. هالمرة ما فيه حارس الديوانية ... علشان ما أمزح معكم ... بس هالحين. حمـــــــــــادة الحــــــــــــــلو |
مشكلتي اني مزوووح :'( يعني مالي حدود في المزح :what: وفي نفس الوقت اتقبل المزح :bozo: يعني لو تجي تلبخني بأصكك على وجهك :D كلامك ميه ميه يا حماده واسمح لي اسجل بعض ملاحظاتي من تصرفات بعض الناس في المزح ... الاحظ والعهده على الراوي :ha: ان فيه ناس تجيبها مزحه برزحه :": يعني حركات انتقام بشكل غير مباشر .... مع ان لكل شي له حدود في جميع التعاملات وتصرفاتنا واللي تحمينا وتحمي اللي حولنا من الوقوع في الزلل وشي ما يختلف عليه واحد بأن كل شي اذا عرفت حده بأذن واحد أحد ما يسببلك مشاكل نهائي هذا والله يوفق الجميع شـــــــــموع |
المزح ميّزة وليس عيباً ...
.
. أخـــتي ( شمـــــــــوع ): من المؤكد أختي بأن اللي يمزح ( المزوح ) يتقبل المزح ( المردود له بشكل أثقل ) وإلا لا يمزح من أصله. بعدين تشكري على ملاحظاتك السنعة ... وبالفعل ... إذا عرفنا حدودنا زين ( ما يعرف حدّه إلا العاقل ) ... عرفنا كيف نرسم الضحكة على شفاه من نمازحهم. . . بارك الله فيك ... . . أخـــــــوكِ: حمــادة الحــلو |
إن شاء الله أن كتبك كلّه .. ممتاز
.
. أختــــي ( طبــــشوره ) : شكراً لكي أختي على إثراء بعض النصائح بتعليقاتك المفيدة .. بإذن الله وأنا واثق كل الثقة بأن الجميع هنا يعرف كيف يمزح ... ولكنني أذكر فقط ! . . . أختي ... إطلاعك ومشاركتك تعني الكثير ... . . أخـــــوكِ: حمـــادة الحـــلو |
[c]
وئّـف تئلك [/c] [c] اخوي حماده الحلو ماقصرت على كل ما كتبت وقدمت وأبشرك أن حدود المزح والعياره في الديوانيه ماتتعدا حدود الدين [/c] [c] وياليت أقول يالييييييييييييت تاخذ لك كم لفه على المواضيع السابقه في الديوانيه وتعرف أسلوبنا وحدودنا في المزح [/c] [c] معليش ترى توّني قايم(ن) من النوم يعني متغلّق مرررررررررررره وخشتي صايره كنها مروحه قعاديّه :'( :'( الماصخ مستكه :bozo: :bozo: :bozo: :bozo: :bozo: :bozo: [/c] |
مضغة ... بعد مضغة ... وتصبح مدمن مغض
.
. . الأخ/ المستكاني . . أنشهد أنك توك قايمٍ من النوم ... ولا لو قريت كامل الموضوع والردود اللي جت بعده ... لأدركت بأنني لم أقصد أعضاء شعبيات ... ولكنني أذكر ... والذكرى تنفع المؤمنين يا أخي ... بعدين إن النفس لأمارة بالسوء... . . . أرشق عليك ماء ... ولا يالله خلنا نروح نسبح شوي ... . . . لو أنهم حطو لنا نادي ... مهب أحسن . . . صباح الخير ... . . حارس الديوانية: حمـــادة الحــــلو |
[c]
ومن اللي قال انك تقصد الديوانيه واخزيآآآآه بس :what: :what: واكرر ياليت أقول ياليت تاخذ لك كم لفه على المواضيع السابقه في الديوانيه وتعرف أسلوبنا وحدودنا في المزح :? :?<<= وش يبي ذا [/c] |
الأخ/ علكه .......................................
لقد قمت ولمدة يومين بالدوران على كل المشاركات ولم أجد ما تقصده أو تلمح له ... لذا أنا برضه أكرر وأقول حدد موعد (Date) علشان نروح مع بعض ونشوف اللي تقول عنه... مع العلم أني مشغول هاليومين بكتابة الحماية القانونية لتوقيعي الموقّر وذلك مع المحامي ( هديان )... شكراً لك ولدعوتك للدوران في حارتكم ... حـــــارس الديـــــوانية: حمادة الحلو |
[c]
حماده أقول أترك عنك اللقافه وأنتبه تبحبش في المواضيع القديمه <<= ماضيه أسود:": تحياتي لك الشبهه مستكه :ha: :ha: [/c] |
مهب أزين لك إن لقينا شيء ! !
[c]المستكاني ... تهدد أنت وخشتك [/c]
. . [c]وبعدين أنا وراي ناس يأكلون الأخضر واليابس ... [/c] . . [c]وكل اللي أسويه قانوني .. عند المحامي (هديان) [/c] . . [c]ومنيتي أنك تكون شبهة علشان ندخلك الأحداث وتستقيم بإذن الله [/c] . حـــــــــــــــــــــــــــارس الديــــــــــــــــــــــــــــــوانية: حمـــــــــــــــــــادة الحــــــــــــــلو |
[c]
المستكاني تهدد أنت وخشتك وبعدين أنا وراي ناس يأكلون الأخضر واليابس [/c] [c] حماده وأنا اقرا هالحتسي أتخيل :rolleyes: :rolleyes: :rolleyes: أن معك ددسن مصدّم وموقف عند رصيف ومعك زمزميه معفّطه ومنسدح والورقه متناثره حولك :D :D :D [/c] [c] إلا على طاري الورقه ودي تقابلني في سكة سد واصقّعك في الأونو واسحّبك على اذانك بأم أربع :": :": :": :": زكرتي الديوانيه الأشهب مستكه [/c] |
.
. . [c]ذكرتني بما قد مضى ... خلني أسترجع بعض الذكريات [/c] . . هذا الله يسلمك ... كانت لنا مميزات وكان لنا هيبة مهب مثل عرابجة الحين .. كنا الله يسلمك: - نص أزرة الصدر مفتوحة ... الجيّد الله له شعر بالصدر. - سروال السنة أطول من الثوب، ولازم يغطي نص الزبيريات المتسحكة من كثر المساحب. - ما نمشي إلا بسلاسل فيها مفتاح أو مفتاحين بس. - اللي يقولنا وشلونك وهو ما يعرفنا نتجمع عليه ونتهاوش حنا وياه. - القطاوة تشتكي منا ... ربع القطاوة مفضخة عيونها. - ما أحد يدخل حارتنا ولا يجي حولها ... تسفل فيه ونفقع وجهه. - اللي معه سيكل تلقاه حاطٍ له نسافات ولافٍ عليه شطرطون. - لا والعجرا دايمٍ معنا ... والله من راسٍ لمسته ... الله يكفيك شرها. . . [c]أحمد ربك أنك ما لحقت علي وأنا عربجي ... ولا كان علووووووم [/c] ******************************** أييههههههههه ******************************************** عربجي ســـــابق ... حــــــــارس الديوانية حالياً: حمـــادة الحـــــلو |
إقتباس:
[c] حماده الله واكبر ياشيخ الغفر نسينا ماكلينا إييييييييييه نسيت أيام البربسه يوم كانوا عيال الحاره ينادونك (( برعي )) نسيت أيام طلعاتنا للبر إذا قلنا لك وين قطتك قلت إذا رجعنا عطيتكومياها ومن باب (( عقوبة لك وردعاً لأمثالك )) كنّا نخليك تسبّع المواعين وتسّفط المراقد ماتذكر ثوبك الزّري أبوخبنه (مصفّر من النظافه) والشماغ البرتقالي والمشق والشطوب اللي لاعبت(ن) في خشتك تحياتي لك الفضيحه مستكه :ha: :ha: :ha: [/c] |
دام الذكريات الشينة جت ... خذ عندك
[c]دنيا يا (علكه)
. . ألله وأكبر ... وأنت نسيت سبب تسميتك بـِ ( علوك مستكه) ما تذكر يومنا طالعين للبر وقلت وقفوا خلونا نعبي الجراكل مويه وأثرك مدمن علك ... وتبي علشان تروح وتشري من العلوك السالفة مهب هنا السالفة أنه في ذيك الليلة أكلت من زود الشفاحة ربطة علك أم ربع ريال (5) حبات وقعدت تعلك فيها لين جاك النوم ورقدت ويوم قمت الصبح لقيت العلك متلصق على خشتك ورقبك ورابطٍ شحمة أذنك وذاك اليوم عانينا لفك العلك من الخشة ... عاد من زين هالبشرة الناعمة اللي بيطلع منها العلك تذكر كم علبة فليت رشيناها عليه ... وكم ملعقة قمنا نقشع فيها العلك ... وكم كف جاك علشان يتكسر العلك لا والأدهى والأمر أن يومٍ طلع العلك ... بحلنا بخشتك اللي كلها محافر ملاعق ورايحةٍ بنفسجية من الفليت وهاك يا لطخ بالودتس .... طول الرحلة وأنت .... تعاني من العلك ... العلك عندك ... نكهه ... تسلية ... وألم أيييييه ... صحيح أنك (علوك مستكه) مهب علكه واحدة بس ....... وش تدور بعد ... مافيه إلا حـــــارس الديــــــوانية حمـــادة الحــــلو [/c] |
8 8 :eek: يــــــــالله انك لا تفضحنا :what: عاشت فضايح العرابجه رمزن لتطورات منفوحه :ton: يااااااا عيش يااااااااااا عيش يااااااا عيش :o :corn: عيرتني بالمشق وهو وقارو ليتها شافت خشش اللي فوق :D |
| الوقت المعتمد في المنتدى بتوقيت جرينتش +4.
الوقت الان » 19:06. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع