|
اللي يبينا عيّت النفس تبغيه *** واللي نبي عيّا البخت لا يجيبه
القصه لـ نوره بنت حوشان بن علي بن دخيل الله بن مدعث الحوشان من العونه من بني رشيد عاشت مابين اول اواخر الف وثمانمائه الى اوائل الف وتسعمائه
ونوره الحوشان شاعره معروفه ويشهد لها بكرمها وعطفها علىالفقراء والمساكين بشهادة كبار السن ومايتناقلونه من اخبار عنها وقد تزوجها عْبود بن علي بن سويلم الشلواني العازمي ورزقت منه بولد اسمته حوشان على ابيها وابنةً اسمتها سارها والفنان عبد الله هو حفيدها ابن ولدها حوشان من قصائدها المشهوره وقصتها كانت تعيش مع زوجها عْبود بن علي بن سويلم وقد وقع بينهما خلاف ادى الى طلاقها طلاقاً لا رجعت فيه وبعد طلاقها تقدم الكثير طالبين الزواج منها حيث انها امرأه جميله ومن عائله معروفه ومحافظه وقد رفضت الزواج بعد زوجها عبود وذات يوم كانت تسير على طريقاً يمر بمزرعة مطلقهاوبصحبتها اولادها منه وعندما مرت بمزرعته رأته فوقفت على ناصية المزرعه وانطلق الاولاد للسلام على ابيهم وبقيت تنتظرهم الى ان رجعو من ابيهم فأخذتهم واكملت مسيرها وقد تذكرت ايامها معه وتذكرت من تقدم الى خطبتها بعدطلاقها ورفضها له فقالت هذه القصيده الّتي تحتوي على اخر بيت اصبح مثلاً دارجا يقال على السنة الكثير من الناس ياعين هللي صافي الدمع هليه &&& واليا انتها صافيه هاتي سر يبه ياعين شوفي زرع خللك وراعيه &&& شوفي معاويده وشوفي قليبه امـنـولٍ دايـم الـ رايــه انـمـالـيـه &&& والـيـوم جـيتهـم عـلينا صـعـيبه وان مرني بالدرب ماقـدر احاكيه &&& امصـيبتٍ يا كبـرها من مصـيبـه اللي يبينا عـيّـت النفـس تبغـيـه &&& واللي نبي عيا البخت لا يـجيبه { وعلى فكرة تراهي نوره الحوشان مو الهوشان :D عــن الشكه:D ْ} وسلمتوااااااااا. فتى الوادي |
تسلم فتى الوادي
على التوضيح |
|
حيـــــأك الله ياليالي جيزان
واشكرك على ردك ومشاركتك. ================================================ حيــــأك الله ياعادل الضويان ترا المقصد من ذا الموضوع هو توضيح القصه للقراء بشكل عام وبس. وارجوا ان تكون فهمتني. تقبل تحياتي. فتى الوادي |
اخوي فتى الوادي
يامال العافيه مواضيعك رايقه وتخلي الواحد غصب عنه يكمل الموضوع ونوره الحوشان شاعره معروفه وشعرها قوي وقصتها بعد تبكي وعندي اضافه وهي احدى قصايدها كانت الشاعره مع امها وقت الضحى(والظاهر ياكلون كراث وخبز بر) ومير تتذكر رجلها وتحن له قالت امها يابنيتي يوم انتس تحبينه وشو له طلبتي الطلاق منه؟؟ قالت احبه لو يطبخن ثم يشوين ............................... يازينه ويازين لمه وظمه ويازين قوله (هيه ويش تبغين)؟ ............................. احلى من الورع المغاغي على امه وسلامتكم واسف على الاطاله وماقصرت يافتى الوادي |
حيـــــأك الله ياعزيز وانت عودتنا على كل شيء طيب.
واشكرك على ذا الاضافات الطيبه وهي من عوايدك الطيبه:D والى الامام دائما. تقبل تحياتي. فتـى الوادي |
| الوقت المعتمد في المنتدى بتوقيت جرينتش +4.
الوقت الان » 08:14. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع