|
يامشرفين اعذروني: ادري ان طلباتي واجد..لكن هالطلبين وبعدها التوبه..
السلام عليكم ورحمة الله وبركاته..
يامشرفين ويا أعضاء ارجو منكم العذر والسموحه على طلباتي الزائده.. لكن تعرفون احيانا في طلعات البر ومع شبة النار والحليب اللي يجيب العافيه تطري على الواحد احياناً بعض القصائد القديمة ويتغنى بها بأعلى صوته لذلك عندما طرت علي هالطواري ذكرت لي قصيدتين ولكن للأسف لم أحفظ منها إلا ابيات معدوده وقد تكون ناقصة .. فياليت اللي يعرفها إنه مايبخل بها علينا وهاتين القصيدتين هما : البارحه في عفيف وعندنا نوره ... واليوم ماعندنا ياكود طاريها والأخرى هي : مرت ثمان سنين حل وترحال .... مـــرت ثمانٍ كلها مدلهمه.. فياليت تفزعزن لي بها.. وأوعدكم اني اتوب عن كثر الطلبات.. |
الهوى شرقي
اررررررررحب غالي والطلب رخيص واللي يعرفها ان شاء الله ماهوب باخل عليك تحياتي لك:) :D :D :) |
غالي والطلب رخيييييييييييييييييص
بالنسبه للبيت الاول اللي ذكرته.. 7 7 7 7 7 دق التلفون بالصدفه وشليته......الو ..نعم..مين قالت لي انا نوره من فرحتي طحت حتى الخط سديته....مالوم انا قلبي لو زادت به سروره 7 7 7 والبيت الثاني: 7 7 7 مرت ايام السعاده مادريت....انها لحظات في عمر السنين 7 7 ان شاء الله اني اعجبتك ... لااكيد بعجبك صح!! سلام |
اهلاً بك أخي الفاضل ومرحباً بعودتك ...
بالنسبة للقصيدة الثانية المجهولة الهوية فكلماتها هي / مرت ثمان سنين حل ٍ وترحال ..................... مرت ثمان ٍ كلها مدلهـمه أو ((غابت ثمان سنين حلٍ وترحال . .................... غابت ثمان كلها مِدلهمّة )) . .سألت عنها سنين وشهور وليال . .................. ولا فيه فجٍ غير وجهت يمه . .وبعدالثمان اللي تعبهاشقى الحال . ............... جاب الزمان الكارثة والمطمة . .جاني ولدها يبتسم بين الأطفال . .............. ومن بسمته عرفت أنا بسمة امه . .شفته وصاحت داخلي كل الآمآل . ............... وصوتٍ عجزت بكتم الأنفاس ألمه . .واستلهمت نفسي مقاديم الأهوال . .................. وتم الضياع ووكدتلي متمه . .ساعة حضنته والطفل في يدي مال . ............... وشميت ريحتها على أطراف كمه . .والحين بنت الناس في بيت رجال . ................. حبٍ على غير الشرف به مذمة . .وارجع غريبٍ مسكنه بر ورمال . ................. يموت , يحيا, يندفن, مايهمه . . . تحياتي ... ــــ.. . |
هلا بك يالهوى شرقي
اخوي الهوى شرقي ابشر باللي نقدر عليه
بالنسبه للبيت الاول اعتقد اللي قاله بدر بن سلطان بن ربيعان وفيه بعض الرواة يقولون انه لبندر بن سرور والحقيقه ان الشاعرين قمم وتتشابه قصائدهم وشاعرية بندر بن سرور اشهر لذا بعض قصائد ابن ربيعان نسبت خطأ للشاعر بندر عموما انا ماسمعت من القصيدة الى بيتين هما البارحه في عفيف وعندنا نوره @@@@@@ واليوم ماعندنا ياكود طاريها والله يلولا السست بالجمس مكسوره @@@@@ يالقابله مانبات الاّ نحاكيها واعتقد ان هناك ابيات اخرى ولكنّي لم اسمع بأكثر من ذلك ولعل هناك من يفيدنا اكثر بالنسبه للبيت الثاني فهو من قصيده نشرت في احدى المجلات وهي مشهوره لعلي آتي بها كامله قريبا امّا بالنسبه للتوبه عن الطلبات لا تتوب دامنا مع بعض لعلنا نفيد بعض واسأل على راحتك تفيد وتستفيد تحياتي وتقديري واعجابي بحرصك على معرفة القصائد الجميله اخوك ابونوت |
الله لايخليني منكم جميعاً.. ... قولوا آمين..
وبصراحه ماقصرتوا وخصوصاً انت يافارس تميم.. وبكذا نكون لقينا القصيده الأولى .. ومشكوره يامشرفتي العزيزه... اما القصيدة الثانية فنحن بإنتظار من يكمل ما قاله المشرف ابو نوت.. فروعه هذه القصيده لاتكمن في قرآءتها فقط وإنما في اختيار اللحن المناسب ثم ارفع صوتك ولايردك إلا السحاب .. لأن نوره مقطعه قلوب الكثير... وتقبلوا تحياتي وشكري .. |
شكرا من الاعماق
((غابت ثمان سنين حلٍ وترحال
. .................... غابت ثمان كلها مِدلهمّة )) . .سألت عنها سنين وشهور وليال . .................. ولا فيه فجٍ غير وجهت يمه . .وبعدالثمان اللي تعبهاشقى الحال . ............... جاب الزمان الكارثة والمطمة . .جاني ولدها يبتسم بين الأطفال . .............. ومن بسمته عرفت أنا بسمة امه . .شفته وصاحت داخلي كل الآمآل . ............... وصوتٍ عجزت بكتم الأنفاس ألمه . .واستلهمت نفسي مقاديم الأهوال . .................. وتم الضياع ووكدتلي متمه . .ساعة حضنته والطفل في يدي مال . ............... وشميت ريحتها على أطراف كمه . .والحين بنت الناس في بيت رجال . ................. حبٍ على غير الشرف به مذمة . .وارجع غريبٍ مسكنه بر ورمال . ................. يموت , يحيا, يندفن, مايهمه . . عبير بنت احمد"مشرفتنا الرائعه شكرامن الاعمااق على هذه الرائعه سمعتها قبل كذا وتمنيت اسمعها اكثرواكثر واتمنى اعرف شاعرها اتحفتينا فيها ماقصرتي اخوي الهوى شرقي شكرا من اعماق الاعماق لذوقك الراقي وطلبك لمصافحتنا هذه الرائعه تقبل تحياتي ليالي نجد" |
مساء الخير ...
((غابت ثمان سنين حلٍ وترحال . .................... غابت ثمان كلها مِدلهمّة )) اعتقد انها للشاعر .. محمد البلاهدي ( العليل ) وهو اردني الاصل .. والله اعلم |
ياجماعة ..
وش العلوم..؟ |
| الوقت المعتمد في المنتدى بتوقيت جرينتش +4.
الوقت الان » 09:17. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع