|
باقي على شفتك .. روج
<font size="5"><font color="Red"><center>
ياعين من حطيت عيني بعينه .... وابطيت واقف في بحر عينه أموج ابحرت في عينه بليا .. سفينه .... سجيت فيها لين ضيعني الموج حاولت .. الد الشوف عما يهينه .... ولاانتبهت الا وانا فيه ملبوج شفت الفتن في ملتقى حاجبينه .... والسحر في عينه مع الزين مدموج اسود سواده لابسته السكينه .... وابيض بياضه طايش اللون مرجوج زاويه طرف ٍ حاجز ٍ دمعتينه .... لولاه كان الخد بالكحل ممزوج كاسيه رمش ٍ زاد ملحه وزينه .... من فوق متكحل ومن تحت مدعوج بين الرموش السود شفت الغبينه .... واللي رماه الرمش ماعاد له بوج مرت ثواني من حياتي ثمينه .... وانا اتهادى بين الاشواق وأدوج مرت وانا قابض على راحتينه .... واقف مقابل له وساهي ومدلوج مدري وش اللي صار بيني وبينه .... والقلب ماردنه ضلوعي العوج ولا انتبهت الا بسحبت يدينه .... قال انت تبغى الناس تلحقني هروج قلت اعذر اللي شافك الله يعينه .... يبطي ودمعه بعد فرقاك مزعوج عينك بنظرات الغلا مستهينه ؟؟... قال الغلا في داخل القلب منسوج قلت الوعد قال ايه .. كلش بحينه .... الله يفتح لك من الضيقه فجوج قلت آآه .. طيب شف لي الدرب وينه .... قال انتبه باقي على شفتك روج وسلامتكم .. المبدع</font></font> </center> |
<font size="4"><font color="Purple">
اخوي : المبدع ........الله الله... والله مبدع صحيح وين وين ياخوي وش هذا طال عمرك,,,الله خيالي يالمبدع ,,,تسلم يابعدي ,,, زاويه طرف ٍ حاجز ٍ دمعتينه .... لولاه كان الخد بالكحل ممزوج كاسيه رمش ٍ زاد ملحه وزينه .... من فوق متكحل ومن تحت مدعوج بين الرموش السود شفت الغبينه .... واللي رماه الرمش ماعاد له بوج تسلم والله يعطيك العافيه,,,,, :D :D :D :D :D :D :D :D :D :D </font></font> |
قلت الوعد قال ايه .. كلش بحينه
الله يفتح لك من الضيقه فجوج قلت آآه .. طيب شف لي الدرب وينه قال انتبه باقي على شفتك روج وسلامتكم .. المبدع )))) 1 انت مبدع على اسمك 2 بعدين وسالفت على شفتك روج \\\ على طول اشهد ان العالم بتلحقك وتلحقها هروج \\\\ خيال واسع اخوك ماجد |
المبدع
هههههههههههههههههههههههههههههههههههه روج روج روج روج روج روج روج روج شاعر متمكن تعسف القوافي كيف تشا اعتقد ان الفكره ناتجه عن انتبه باقي على شفتك روج لذا عسفتها عسف المهره ياماهر مبع دايما وصاحب خيال واسع جدا صح السانك*****وتقبل تحياتي استاذك الحادي |
السلام عليكم
اخي الكريم الشاعر المبدع اسعد الله اوقاتك بالخير وكل عام وانت بالف خير رائع دائما ابياتك تسرق العقول وتنتزع الاعجاب بقوه لما تحويه من عذوبه مرهفه وتميز يفرض وجوده وبقوه تحياتي لك |
أخوي .. المبدع ،،
ابداااااااااع بحق .. صح لسانك .. قصيدة مميزة وجميلة جدا تشد قارئها للحظة الأخيرة .. ويالها من لحظة !!! كلماتك عذبة وسلسة وتصوير رائع وقافية فريدة وعموما الحمدلله على السلامة .. لأول مرة أقرألك .. ولكن اعتبرني من قرائك منذ الآن .. كل عام وانت بخير .. وبالتوفيق .. |
المبدع
مبدع تسلسل قصصي فريد وخصوصا ذلك الروج :) صح الله لسااانك ملاااايييين ولو لا الرقابة لقلنا المزيد ;) لاهنت |
اخوي المبدع
كل عام وانت بخير الله عليك روعة بالفعل . قصيده ولا أجمل من شاعر كبير جدا . لا هنت طال عمرك وتسلم يدينك وبيض الله وجهك . قلت الوعد قال ايه .. كلش بحينه .... الله يفتح لك من الضيقه فجوج قلت آآه .. طيب شف لي الدرب وينه .... قال انتبه باقي على شفتك روج اي والله انتبه ....... :D |
ياسلااااااااااااااام على الروعه والابداع
صح لسانك ومن غير مجامله قسم بالله روعه تحياتي |
المبدع
المبدع والله ان لقب لايليق الابك . قصيده جزله جداً ومفرده جميله . صح لسانك الف مره قلت آآه .. طيب شف لي الدرب وينه .... قال انتبه باقي على شفتك روج ;) على طاري الروج بيتك هذا ذكرني ببيت لي واحسْدْ الشال والبرقع وقطعه لفت خصيره ....... واحسْدْ الروج الى مني رأيته طابع بثغره لاهنت يالغالي تقبل تحيات ... *** الطارق *** |
"<font color="red"> حاولت .. الد الشوف عما يهينه .... ولاانتبهت الا وانا فيه ملبوج</font> "
"<font color="red"> زاويه طرف ٍ حاجز ٍ دمعتينه .... لولاه كان الخد بالكحل ممزوج </font> " "<font color="red"> ولا انتبهت الا بسحبت يدينه .... قال انت تبغى الناس تلحقني هروج</font> " "<font color="red">قلت آآه .. طيب شف لي الدرب وينه .... قال انتبه باقي على شفتك روج </font> " كعادة الإبداع ... قصيدة مبدعة من الشاعر المبدع ... وصف جميل جعلنا نحلق معك في سماء الخيال ... صح لسانك ... ــــ.. . |
راعي العنود :
صح بدنك .. والله يسلمك .. هذا من ذوقك طال عمرك لاهنت :) ماجد العصيمي : الله يسلمك ياماجد ولاهنت .. واما سالفت الروج .. مغير خيال ;) الحادي صح بدنك طال عمرك وتسلم والله على ماخطت يمينك .. :) :) تلميذك طال عمرك همس النسيم : وعليكم السلام والرحمه .. وكل عام وانت بالف خير .. الله لايهينك وكلك ذوق .. :) علي بن قايض : لاهنت والله وصح بدنك .. والله يسلمك يالغالي واتشرف بمتابعتك طال عمرك وقرائه رايك .. :) الشمري : لاهنت والله يالشمري .. صح بدنك مليون .. لاتطري علينا الرقابه يشليونها :) :) عبد الرحمن الربيع : كل عام وانت بالف خير .. وجعلك والله تسلم ياطويل العمر .. ووجهك ابيض يالغالي .. تقبل تحياتي :) عنود الساحه : تسلمين والله ياعنود .. هذا والله من ذوقك :) :) صح بدنك الطارق صح بدنك وهذا من ذوقك يالغالي .. وصح لسانك على هالبيت القمه بس ليه ماكتبت القصيده كامله :) :) عبير بنت احمد : صح بدنك .. والشعر دايم يحلق في سمااء الخيال ليرى الانسان شي مايراه في الواقع .. تقبلي تحياتي :) :) وشكرا لكل من قرا القصيده :) |
تسلسل رائع بالقصيده وحوار اجمل ومعاني احلى
بالابيات نجد: الابداع في التصوير بجمع الاضداد السواد والبياض والسكينه والطيش ولايظهر جمال الشئ الا بضده<font color="Green">شفت الفتن في ملتقى حاجبينه .... والسحر في عينه مع الزين مدموج </font> اسود سواده لابسته السكينه .... وابيض بياضه طايش اللون مرجوج اما في هذه الابيات التصوير الجميل والدقيق لكل جزء من اجزاء العين زاويه طرف ٍ حاجز ٍ دمعتينه .... لولاه كان الخد بالكحل ممزوج كاسيه رمش ٍ زاد ملحه وزينه .... من فوق متكحل ومن تحت مدعوج بين الرموش السود شفت الغبينه .... واللي رماه الرمش ماعاد له بوج تسلسل الحدث وتصوير الحوار بسهولة لفظ وابداع قافيه يكمن بهذه الابيات: مرت ثواني من حياتي ثمينه .... وانا اتهادى بين الاشواق وأدوج مرت وانا قابض على راحتينه .... واقف مقابل له وساهي ومدلوج مدري وش اللي صار بيني وبينه .... والقلب ماردنه ضلوعي العوج ولا انتبهت الا بسحبت يدينه .... قال انت تبغى الناس تلحقني هروج قلت اعذر اللي شافك الله يعينه .... يبطي ودمعه بعد فرقاك مزعوج عينك بنظرات الغلا مستهينه ؟؟... قال الغلا في داخل القلب منسوج قلت الوعد قال ايه .. كلش بحينه .... الله يفتح لك من الضيقه فجوج يكمن هنا الابداع لقفلة القصيده وخاتمتها حيث ان كثير من الشعراء يحرص على الابداع في المطلع ولكن الاخ مبدع مبدع دائما فابدع في الخاتمه وصاغ المفاجأه بالنهايه للقارئ وللحدث نفسه قلت آآه .. طيب شف لي الدرب وينه .... قال انتبه باقي على شفتك روج اخ مبدع / اهنيك على القصيده الرائعه. |
اخوي جمر الاهات ..
الله يسلمك ويطول عمرك اطراء اشكرك عليه وهذا دليل طال عمرك على ذوقك الرفيع وقراءه الشعر بتمعن وتذوق .. تسلم يالغالي .. :) :) وشكرا لكل من قرا القصيده :) |
المبدع
رائع ومبدع كعادتك صح لسانك0 |
| الوقت المعتمد في المنتدى بتوقيت جرينتش +4.
الوقت الان » 16:44. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع