|
وليااستوت دلتك وقنادها الهيل
على نفس الطاروق
وعلى نفس النفس وعلى وتر غير وتر الغزل هل لكم ان تشاركوني يسعيد قرب لي جميع المعاميل وحط الحطب والنار خله شعايل وليااستوت دلتك وقنادها الهيل تصب لي فنجال بن ن هوايل نبي لياجونا السواري مع الليل عتبان ولا من رجال الحمايل ياما حلا لعيونهم ذبحة الحيل فعلن نماري به لروس القبايل ودمتم جميعا |
اخوي ماجد العصيمي:
صح لسانك وبيض الله وجهك... ابيات كلها رجوله وعزه ونعم فيك والله كفو ومن رجال كفو...عزالله خير الامنيه وخير ما قلت...ونعم في العتبان وباقي القبايل والطيب لمن يسعى له ويستاهله... تقبل تحيات اخوك البدوي |
الاخ/ مــــــــــــــــــــاجــــــــــــد
الثالثه صارت الختام بريح الهيل والبن وشبة النار 00 والله اللي كفو ومن رجال كفو تفعلونها وتفعل لكم وهذي حقيقه ومشاعر حقيقيه خاليه من الخيال والتصنع صح لسانك وطيب الله فالك يالنشمي لك تحياتي |
الأخ ماجد شكري لك في هذه الأبيات وهي بمثابة الرد ارجو ان تقبلها :
اشكرك ياماجد يانسل الرجاجيل اللي لهم فضل وعلم وجمايــل من يزرع الطيب يلاقي المحاصيل يقبل عليه الخير دايم قبـايـل والفضل مايختص جيل على جيـل بابه وسيع بالكرم والفضايــل هذي بداية دربنا والمواصيـل وابدع يجيك الرد مني عجـايل ولك الفضل والتحية،،،،،، بردويل <IMG SRC="cwm15.gif" border="0"> |
بدوي:
عشت وماعليك زود عكاشه: الحمد لله ان الثلاث اعجبوك وانت الشاعر الخبير بردويل: اشكرك على رايك وعلى ابياتك الجميله |
الأخ ماجد صح لسانك وكفو لكل علم(ن) غانم
ونعم بعتيبه وقبايل الجزيرة العربية من البحر الى البحر اخوي تغزلت ولكن هذه المرة بالمراجل وتدركها تحياتي لك واعجابي بالقصيدة والشاعربلاحدود من اخيك ابو نوت |
| الوقت المعتمد في المنتدى بتوقيت جرينتش +4.
الوقت الان » 06:01. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع