|
ثوب الغرام
مكتوب في دنيا العنـاء والمقـادير
مكتوب لي ثوب الغـرام ولبستـه مع حبيبٍ صور القـلب تصويـر حبه سكن بين الضلـوع ودفنتـه صار بحياتي كل شئ صار ويصــير أمل حياتـي يوم عمري عرفتـه صارت علاقة حب من غير تزويـر ما مر يـومٍ في زمانـي جرحتـه كان الوفاء رمز الغلا رمـز تقديـر أسعد سنيـني يوم أنا فيه زرتـه إذا سمعت صوتـه من الأرض بأطيـر من فرحتي ما صار بيدي نثرتـه واليوم وقتي جـار من دون تـبريـر من يوم غاب الزين تـهت وفقدته أنا أشهد إنـها من كبار المخاسـير خسرت منهو في زمانـي قصدتـه من غير ذنبٍ في الليالي المعاســير أمر الفراق بالغصب منـه قبلتـه بالغصب عنه رغم كثر المشـاويـر راح ودمـوعه يوم دار ونشدتـه قال الرحيـل وقلت يالله عسى خـير قال الأمر عندي فراقـك كتبتـه خايف عليك أضرار تحدث من الغـير أمري مع أمرك أنكشف وأختصرتـه البعض حذرني ويـعطيـك تحذيـر حاولت أطالب وارفضوا ما طلبتـه قلت خافي الله ويش هاذي الأساطير ويش ذنب في هذا الزمان أرتكبتـه قالت لقـانا في الليـالي المساهـير عرفوا حقيـقة أمـرنا وأعـترفتـه هلت دموعي وأشغلتـني التفاكـير يا ويل قلـبي لو بلحظـة ذكرتـه حنا أفترقنـا والضمـائر مخـاطـير أمرٍ مقـدر غصب عـني حمـلتـه واليوم قلـبي كن فـيه الدوافـير وجرح الغرام أزداد فيـه وقدحتـه بعد الحبيب اخطاي ظلّت وأنا أسير وبـحر العناء يـمه نصيت ووصلته والحال به من واقع الـهم تقريـر وجرح العمر في وسط صدري كتمته ويلاه يا دنيا العنـاء فـيك تغيـر أحلامنا ضاعت وظلـمك نطقتـه لبست ثوب الصمت والحزن وأديـر خطوة ورى خطوة وخلـي عذرتـه تبقى على الدنيـا يا سِيد الغناديـر لك خافقـي بالشوق زاد وحضنتـه ما أنساك يا عمري ولو غبتي اكثـير تبقين حُبٍ في فـؤادي رسـمتـه واليوم في دنيـا العـناء والمقاديـر ثوب الغـرام اللي لبستـه خلعتـه |
الله
الله صح لسانك اخوي ابو أثير:) |
الأخ / طـــــراد
صح بدنك طال عمرك لك خالص شكرى وتقديرى |
ابو اثير
صح قلبك جدا جميله وصادقه مكتوب في دنيا العنـاء والمقـادير 0000000مكتوب لي ثوب الغـرام ولبستـه يعطيك العافيه تحياتي وتقديري |
الغريبة
شكرا لك طال عمرك مرورك على هذه الكلمات المتواضعه أسعدني تحياتي لك |
ابو أثيرر
مبرووووووووووووووك ثوب الغرام لا عدمته 00
رووعه برووعة ثوب الغرام00 صح لسانك اخوي ولا هنت000 تقبل تحياتي واعجابي |
الأخ ساحر الشعر
مساء الخير شكراً لمرورك على هذه القصيده ولكن مبروك على ( What) اقرأ القصيده بتمعن فضلاً وليس أمراً واليوم في دنيـا العـناء والمقاديـر ثوب الغـرام اللي لبستـه خلعتـه تحياتي وتقديري لك |
أخووي ابو أثير
الثووب اللي انت لبسته ما زال بقلبك والدليـــــــــــــل :
ما أنساك يا عمري ولو غبتي اكثـير تبقين حُبٍ في فـؤادي رسـمتـه واعتقد هذا هو لذة الحب ولولا كذا ما ستمتعنا بمجنونيات قيس بن الملووح فأنت لبست ثوبااااا لا يمكن خلعه 00 وتسلم حبيبي00 |
ساحر الشعر
تحياتي وتقديري لك |
| الوقت المعتمد في المنتدى بتوقيت جرينتش +4.
الوقت الان » 23:38. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع