|
ملف الشاعر / بدوي في امريكا
:)
|
<center>
<font color="Green"> ( 1 ) (اهداء للشعراء والقراء...واعضاء المنتدي ) --------------- 0 0 امن الـــدروس اللي تزاحــــم والاوراق...غــــدا عـــليه تالي الليل بـــدري وناديت عــذب الشعر من قــلب مشتاق...مدري كتبت الشعر من ضيق صدري بـس المــهم يلوح في الشــرق بـراق...وانا بواشنطن وهالبرق حــدري وقــلت ابتـداء الاقـلاع والقلب خفاق...مدري وش الاسباب واللـه مـدري وارسلت غــال الجـوهـراللي بالاسواق...وعن الرخيص ابعدت ماهوب قدري ايـضـا ولاهـو قـدر وافـين الاعـمـاق...اللي مشـو بالطيب من غيرغدري اهـل الادب والشـعر عـذبيــن الاذواق...في منتدى لطيب ماهـوب كــدري وانا لياغــنـيـت خـاطـبـت الافــاق...نجم الجدي وسـهيل يمشون حدري جــت مـوهـبه مـن عنـد قسام الارزاق...وشيـدت بالسيسان عمـران جدري اصـوغـها مثـل القـلايد في الاعــناق...لاجات من فكـرن كماالنيل يجري والهـم من بعـد الـنوى يحـرق احراق...والشوق في قلبي على نجد عذري وانا بــدار الـغرب وابعـاد وافراق...واصبح صريخ معذب القلب شـعري واصـبرلعين اللي زرع حـسن الاخـــلاق...فيني وانا لازلت في ايام صغري واخـتار لي من منسـب الخــال ميثاق...يصبح على الامـال فيني ويسـري عـودن شــهر بالطيب واغـرقني اغراق...لو انحرف عن سـكته ويش عـذري واللـه لقـاسيـها ولو خاطـري ضــاق...ودرك لبوي رضاه لو زرت قبـري ولاتنزل الــهامـه ولو يكـسر السـاق...ومانظر حدرفي كسر ساقي وجبري مــدام رفـع الــراس عـــزن للعناق...الله خلقني عــــــــالـي فـوق قـدري الشاعر / بدوي في امريكا --------------- 0 0 0 ( 2 ) ( يـامن يواسينا على فوز شـارون ) --------------- 0 0 يـامن يواسينا على فوز شـارون ... اللي تسـلم منصبه عقـب بـاراك كنا نتابع في الصحف والتلفزون ... ونقول هذا لوحكـم خيـر من ذاك ماكنهم عدوان وعيـــال ملعـون ... واطيبهم اللي لا ضحـك معك ذكاك نطلـب متى يمكن علينا يحنــون ... ونقـول ياباراك شــارون يفـداك كأنا نسينا في العرب وش يسوون ... صــادو باهل غزه مثل صيد الاسماك واليـوم ياشـارون حييت ممنـون ... اخوك قدامك نقا الـدرب واكفاك ما عـاد فيـه الا عجايز وزيتون ... وياسر يمر وحرمته عنـد شيـراك افعل على كيفك واقول لك مضمون ... ايـاك تخشى كود تخشى من انثاك لا يرعبـك تاريخ عمـرو وهـارون ... والمعتـصم بعده صـلاح وتعـداك كان فعـل ماضي وناقـص ومدفـون ... واليوم حنا ندفع المال لرضـاك قلنا عرب والنا منارات وحصـون ... واثـر الحصـون ملغمات بالاسـلاك وقلنا لنا نخوة ليا قيل ياعون ... وصرنا نقـص لسانا كـان عـاداك مـادامنا نلقا مفاطيـح وصحـون ... لو جيت عند اطرف هل الحي عشاك مادام بوش وشـلة معـه يرضــون ... عنا ترانا مانبـي درب الاشـواك نسـمع بناس بالحجـاره يحذفـون ... ونشـوفهم ونقول سوو لنا ارباك وام تصيـح وطفلها طـاح مطعـون ... ونقـول دوك ريال وش عـاد بكاك ونقول من ينشد عن القدس مجنون ... من يرتجي مافـات ماعنده ادراك راحت ورحنا ياعرب وش تقـولـون ... نبي التـفرغ للتجـاره والامـلاك ونسمعك ياطفل من الوقت مغبـون ... تومي يداك وتزعـج الاذن بنـداك لكن اخوك اللي تناديه مســجون ... ويبي يموت بداخل السـجن ماجاك نصرتك يقدرها من الناس دنـدون ... ماحب في الدنيا قضيب من الراك ولاحسـب الاموال عشـره ومليــون ... رصيده اللي يطلبه نصـرة اقصاك لكن ماهو عندنا اليوم فالكـون ... اطلب يخــلقه لك عـــلى الكيف مـولاك الشاعر / بدوي في امريكا --------------- 0 0 0 ( 3 ) ( يهـــزني هـــز القنابل لبيــــروت ) --------------- 0 0 اللـــــــه واكبر معذب النطق والصـــوت....همس الشـــفايف خافقي منه مـذهول ســـــرحت معه وهمت والفكر مشــتوت....وعـــزف عليه ايقاع قلبي على طول يهـــــــزني هــــــز القنـــــــابل لبيروت....وافز فزت صارم(ن) شـــــاهد الجول همس هتف من شرق ســـكر على توت.....بالهرج يســــقيني من الحب معسـول لكن نوالي مــــن بعض هرجه امــــوت....وده يجي ويروح ويصير مجهــــــول حاول يقول وبدل الهــــرج بســــــكوت....وده يقــــول وراح مـــا كمل القـــــول يقــول واخــــــــر كلمته طحت مبهوت....اصــبر وتســـمعني بعد داير الحـــول وســـألت نفســــي هــل حقيقه ومثبوت؟....قالــــت حقيقه بس ماهــــــو بمعقول! ولوكان الي قلب(ن) من الصـخرمنحوت.....يذوب منــه ويصبح القلـــب محلــول واونسـت ما صاب العواجي على نوت....واخـذت عن ما قال: ابن برد.. مدلــول وش عـــــاد ينفعني بعد فايت الفــــوت....انهى كلامه واصبح الخط مشـــــــغول وغديت مثل اللي نزل في براشـــــــوت.....بنص المسافه شاف في ســـقفها فلول لا عاد بـــه رجعه وقادمه المــــــــوت.... وقام يتخيل لــه على النعــش محمول الشاعر / بدوي في امريكا --------------- 0 0 0 ( 4 ) ( الصيف جانا وفصخن الغنادير ) --------------- 0 0 الصــيف جــانا وفصـــــــخـن الغنادير....بانت فـخوذ البنت والصـدر كله. شــفنا العجــــايب مـقبلات ومـدابير....مـاطـبت يالمجــروح عـلتك عله. كــم زينة يسجــد على صـــــدرها الطير....فــي عـينها سـيف عـلينا تسله. ســود العـــيون الناعســـات المخـــادير....تلقاء لها في القلب دربن تدله. يازين جلستها بي ســايدعــــلى التشــــير....الــدرس لو مــع بربرا ماتمله. وبعــض الشـــباب يــــركـــزون المناظير....هــذاك من ســد الستـاره وصله. وصــــرنا ســـواة اللي يكثــــــر من البير....يـموج بـه مثل البحـر في محله. والديـــن يمنعنا وفيــها محــاذيــر....يقــول غـض الطـرف والفرض صله. وصــــــرنا مابين منازع الشــر والخـير....يالله عـبدك لـلــهــــــدايـه تــدله. الشاعر / بدوي في امريكا --------------- 0 0 0 ( 5 ) ( شـــفتها باجمل صــورها ) 0 0 شفتها باجمل صورها الجادل المزيونـــه.....كل شـــــي بان منها بالجمال ينـــــــــــادي الحور من عينها رمح شــــــكيت طعونه.....والخجل في خدها وردي وعطره كـــــادي رمشها يظرب بحد الخنجر المســـــنونه.....اعربــــــــيه والجمال الي بها بغـــــــــدادي لعن ابوها قتل الانفــــــس عندها ياهونه.....هرجها اعذب ما سمعت ومنه جرحي زادي في شفايفها ورودن بالشــــــــهد مدهونه.....لو سقت منها الشـهيد يســل ســـــيفه عــادي حركت بين الضلوع الجمــــره المدفونه.....من لهبها في ضلوعي يغلي البــــــــــــرادي رقصت قلبن منول ما تهز ركونـــــــــه.....والله اني قبلها رايـــق وجــــوي هـــــــــادي قلت كفي عن عذاب الروح يامفتــــونه.....ولحظتني بالعيون الســـــود قالت عــــــــادي مرحبا بك في محيط العالم المجــنونــه.....واعتبر نفســـــك مثل غيرك قتيل عنـــــــادي النهــــايه كلبدايه قصةمظمــونـــــــــه.....مثل يومنا تلاقينــــــــــــــا بلا ميعـــــــــــادي والله عارفن ســــــــــلم الهوى وفنونه.....جيت بتبعها وناداني ظمــــــــيري غــــــــادي قلت روحي يافتاه ارواحنا مديونــــــه.....حافظين الســـــــنه اللي ســــنها النا الهــــادي بين عادات الجدود وسنة مســـــــنونه..... طيب عطرك ما يغير في طيب اجــــــــدادي قالت اتبع من يحطك في سواد عيونه.....قلت انا يابنت في الغــــربه ســــفير بـــــلادي الشاعر / بدوي في امريكا --------------- 0 0 0 ( 6 ) ( بنــــــت العــــــــــــــــــرب ) 0 0 مــرت ســـوات العروس بليلة الزفـــه *** بين البني كــــن نور الشــــمس مطلعـــها تموج في كفة والــناس في كفــــــــه *** وشلون ابي اروى العيون العطش واشبعها بنت العـرب توجـت بالزين والعفـــــه *** .يوم عرضـــت كل نفحـــــة ورد تتبعـــها حـــــييتها يالســـلام وجـــات ملتفـــــه *** يوم اقبلت لــــي كان الريـــــح تدفعـــــــها ومــدت يمينن يطـيب الجـرح في كفـــه *** كفـــــي بها ســـــمرت وازريت اطلعــــها تقـول ومن الخجــــل حـرجه ومــرتـفه *** حـــــق التـــحيه لــمن ســــلم نرجعــــــــها وغــديت ما بين سـحر العين والشـــفه *** اســــــقبل الـــروح في لحظه واودعـــــها وفي خــدهـــا بين ثقل الــدم والخـفــــه *** نارن بـــــها ثلج يا ســـــبحان جامعـــــها الشاعر / بدوي في امريكا --------------- 0 0 0 ( 7 ) ( تعــــــــــاتبني ) تعاتبني تقول اني بلا شوق وبدون احســــــــــــــاس....تورينــــي زعلها ثم تجــــــــــرحني وترضــيني اقول الها احبك حب يفرق عن جميع النـــــــــــــاس....تقول انته جحــــــــــودك زاد ما تقــــدر تدفــيني اسوق الها الغلا من خافقن اصفى من الالمـــــــاس....وترجع لي تقــــــول انا اعرفك بكــــــاش ياعيني تثور جمرة الغيره وتقدحها من المقبـــــــــــــــاس.....وهــــي تدري وتـعلم بانها بالنــــــــــــار تكويني تعاندني تبيني احترق معها كما القرطـــــــــــــاس.....بعد ما صارت اغلا النــــــــاس تذبحني وتحييني بعد ما حطمت عرش الغرور وطاحت الاتــــراس....بعد ما جيتها مشـــــــتاق بالخنجــــر تنــــــاجيني تجرعني غلاها من لسان فيه خمـــــــــــر الكاس....من اغلا حب واعذب قلب بالهمســــــات يسقيني ولا جيت ارتويها قالت ابعد بينا مقيــــــــــــــــاس.....ليا ولعت منها شــــــــــــــوق تجحدني وتطفيني حرام اللي تسوينه حرام يجرك الوســـــــــــــواس.....تراك اغلى حبيب لي بها الدنيــــــــــا مصافيني ترى جرح الحبيب احمى على قلبي من المحماس....يحـــــــرق خافقي ويقص شــــــــرياني ويبكيني الشاعر / بدوي في امريكا --------------- 0 0 0 ( 8 ) ( مشكله نعاني منها ) --------------- 0 0 مشـــكلتنا انا عرب شي(ن) قديــــــم اتفقنــــا لـلأبـــــــــــد مــــا نتفــــــق ما بعد شـــفنا الطــريـق المســــتقيـم فــ المعـــــاند والمخــــاصم نســـتبق عندنا مبداء على الشــــــرع الحكيـم بس ما نـدري بـــه انـــه ينـــــطبـــق من نصحك يصير في عينك خصيـم ومن مدحك بكـــــذب من قربك وثـق المنــــافق عندنا دايـــــــــــم حشــيم يصـــدق الكاذب ويكذب مـن صــدق نرفض الفـــــاهم ونســمع للغشيــــم لين مركبنا مـــــــع الغـبه غــــــــرق الحكيم يعيش معنا في جحيــــــــــــم بيننا عايـش وكنــــــه ما انخلـــــــــق والمظاهـــــر عندنا شــــي عظيـــم بالمواتــــــر والملابـس والشــــــــقق نلبس العطـــار وشــــماغ الوسيــــم ونبتــــخر بالعــــــود حتــــى نـخـتنق وهمنا بس المغازل والحــــــــــريم الحســـــوفه كــــــان احـــد منا عتـــق وكــان مالك واسطه ما انت بسـليم ضـــاع حقـك واحتـرق كـــل الـــورق من جهلنا دايما في الجــــو غيـــــم غيــــــم نســمع له رعـــود ولا بـــرق كل واحــد وده يصير الزعيــــــــم ونتصـــــادم لاتـــــلاقــن الطــــــــرق وان حكينا مـــــــا طلع فينـــا فهيم وان ســـــكتنا كــل ثـــــوب(ن) ينفتـق وان غلطنا ما طلع فيـــنا حليــــــم نجــتمع حتى نضيـــــــــق ونفتـــــرق غاز تحت الضغط محفوظ وعديم ان طلــع مـن علبتــــه بــراء احتـــرق لامتى نبقي كـــذا الـلـــه عليـــــم حلهـــــا بيديـــــك يــار ب الفــلــــــــق الشاعر / بدوي في امريكا --------------- 0 0 0 ( 9 ) ( تعــــــــــاتبني ) -------------------- تعاتبني تقول اني بلا شوق وبدون احســــــــــــــاس تورينــــي زعلها ثم تجــــــــــرحني وترضــيني اقول الها احبك حب يفرق عن جميع النـــــــــــــاس تقول انته جحــــــــــودك زاد ما تقــــدر تدفــيني اسوق الها الغلا من خافقن اصفى من الالمـــــــاس وترجع لي تقــــــول انا اعرفك بكــــــاش ياعيني تثور جمرة الغيره وتقدحها من المقبـــــــــــــــاس وهــــي تدري وتـعلم بانها بالنــــــــــــار تكويني تعاندني تبيني احترق معها كما القرطـــــــــــــاس بعد ما صارت اغلا النــــــــاس تذبحني وتحييني بعد ما حطمت عرش الغرور وطاحت الاتــــراس بعد ما جيتها مشـــــــتاق بالخنجــــر تنــــــاجيني تجرعني غلاها من لسان فيه خمـــــــــــر الكاس من اغلا حب واعذب قلب بالهمســــــات يسقيني ولا جيت ارتويها قالت ابعد بينا مقيــــــــــــــــاس ليا ولعت منها شــــــــــــــوق تجحدني وتطفيني حرام اللي تسوينه حرام يجرك الوســـــــــــــواس تراك اغلى حبيب لي بها الدنيــــــــــا مصافيني ترى جرح الحبيب احمى على قلبي من المحماس يحـــــــرق خافقي ويقص شــــــــرياني ويبكيني الشاعر / بدوي في امريكا --------------- </center> |
اختي نادره طابت اوقاتك وسلمت يداك
وصح السان شاعرنا الكبير والقدير بدوي في امريكا والله كلها كايفه نايفه من راسٍ عالي وهامه عاليه بالشعر اكرر شكري لك يااخت نادره تقبلي تحيات اخيييك فيصل |
اختي نادره تسلمين على العمل العظيم اللي سويتيه فشاعرنا بدوي هامه في الشعر و من يحهل شعره فقد جهل الشعر.
بصريح العباره انا لا استطيع ان انصف هذا الشاعر الكبير بمفرداتي كلها لاذلك الزم الصمت . . .و تقبلو تحيات...... <<<<<هالاطخم |
<font color="green"> <font size="5"><font face="georgia">الاخت الكريمة والمميزه
نادرة الابداع .. الحمدلله على السلامة وكل عام وانت بخير وشهر مبارك علينا وعليك ومن طول الغيبات الحمدلله انك في اتم الصحة والعافيه وجهودك مميزه وواضحه وملموسه وهي جهود كبيره امتداد للساحة الام ساحة الاقلاع وهذا عهدنا فيك الملفات الانيقة تسلمين على تواصلك ولاتقطعينا وهلابك</font></font></font> :) :) :) <font color="blue"> <font size="5"><font face="georgia">رغم ان شهادتي مجروحه بالشاعر المميز بدوي في امريكا الا ان قصائدة ذات خصوصية وتفرد مطلق فهو صاحب شاعريه كبيره ومن اميز شعراء النت على الاطلاق وهذا الرجل بصدق احبه في الله وهو اخ عزيز جدا وبيني وبينك يانادرة بدوي هذا يحتاج اننا ندبسه في ملف متميز لان كل مايصدر عنه روائع شكرا على تقديم مدد بدوي الانيق وبدوي يستاهل بالفعل</font></font></font> :) :) :) |
اذا غابت الاخت/ نادره 000 فتوقعوا ان فيه مفاجاءه في الطريق
الاخت نادره0000 طابت اوقاتك وكما عودتينا دائما بالاهداءات الطيبه هذه المره كانت الهديه قيمه وخصوصا انها لشاعر من احد الشعراء اللي يعتبرون من ركائز ودعائم هذا الموقع شكرا شكرا شكرا ياخت ناده ******************************** الاخ بدوي 000000000 هلا فيك تستاهل والله من يحتفظ ويتعب علشان هالقصيد الطيب اللي يعتبر بالصراحه نوادر شعريه مبرووك اخوي على هالملف وانشالله نقراء الثاني والثالث والرابع 0000 والميه انشالل وانا لي هنا عتب بسيط من اخ لاخوه 00 وهو اننا من زمان ما شفنا لك مشاركه ولو اني ادري ان الاشراف ماهو مخلي لك وقت 00 لكن اقول الله يساعدك ولا تقطعنا من هالقصايد الطيبه لك تحياتي |
اذا غابت الاخت/ نادره 000 فتوقعوا ان فيه مفاجاءه في الطريق
الاخت نادره0000 طابت اوقاتك وكما عودتينا دائما بالاهداءات الطيبه هذه المره كانت الهديه قيمه وخصوصا انها لشاعر من احد الشعراء اللي يعتبرون من ركائز ودعائم هذا الموقع شكرا شكرا شكرا ياخت ناده ******************************** الاخ بدوي 000000000 هلا فيك تستاهل والله من يحتفظ ويتعب علشان هالقصيد الطيب اللي يعتبر بالصراحه نوادر شعريه مبرووك اخوي |
الجنّ الازرق بسم الله الرحمن الرحيم
:confused: 0 0 ياهلا ثم هلا بخوي فيصل 0 بيض الله وجهك ياطويل العمرالف مره على حسن مشاعرك تجاهي اما عن شاعرنا الكبير مثل ماذكرت الله يعطيه الف عافيه ويرده الى بلاده مرفوع الراس 0 تحياتي 0 |
اختي النادره :)
تسلمين يالغاليه على امتاعنا بروائع الشاعر المتمكن البدوي.. الف شكر ولا هنتي.. :cool: |
حموووود الفلته
مشكورعلى مرورك وردك الذي اعتز فيه وما قصرت اما شاعرنا الكبير انا اعتبره سيد الابداع بالاجماع الله يعطيكم الف عافيه 0 |
ولهان-1
الله يسلمك ويطول بعمرك 0 وكل عام وانت بالف خيرانت وجميع افراد اسرتك 0 كما ارجو من الله ان تكون بصحه 0 الله يسـلمك 00 ولا عدمناك اخو 0 كله وفاء كلامك صحيح وانا بعد شهدتي مجروحه بالبدوا ؟ وزود مع هذا 00 الشعار 0 اخونا البدوي مثل ما انت ذكرت قصيده كلها ابداع 0 وما عليك زود الله يسلم لنا الجميع 0 اما اننا ندبسه في ملف متميز اتمنى هذا 00 بس اختك ما تعرف الاخراج المميز مثل اخرا جك اذا ودك نتعاون 00 وربعن تعاونوا ما ذلو00 انا اجمع القصيد 00 وانت عليك الاخراج 00 ولا علمني وشلون الاخراج وانا اعمله ولي الشرف 0 اخي الكريم اكـــرر شـكري وتقديري على الاطراء لاهنت 0 |
عكاشه
الشكر لربنا الذي انعم علينا بهذه الساحه الذي عرفتنا عليكم ثم الشكر لك على جهودك وردودك لان كل ما يصدر منك رائع الله يوفقك 0 |
ازرق وابيض
الله يسلمك والشكر لك على حضور ومشاركاتك لاهنت |
<font color="Blue">أختي نادره
والله انك اسم على مسمى...وأنك فعلا نادره اشكرك من صميم قلبي على هذه القصائد للرائع المبع دائما أخوي بدوي لأن معضم هذه القصائد جديده على ..وانا فعلا أستمتعت بقرائتها كثيرا مرة ثانيه اشكرك أختي....وأشكر أخوي بدوي على حضوره القوي دائما أخوكم....سعود </font> |
مشكوووره اختي نادره
على جمع هذي الدرر لاخ بدوي والله ماقصرتي وبيض الله وجهك |
| الوقت المعتمد في المنتدى بتوقيت جرينتش +4.
الوقت الان » 22:42. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع