من الهم اجيب الشعر في غير حزته***واخليه لامن جات لي حزت الشعر
 

السلام عليكم ورحمة الله وبركاته،،،
هذه الابيات لواحد من الربع الله يصلحه
يقول انشر هذي القصيدة في شعبيات ابي اشوف ردودهم على
ذي القصيدة لأنه حسب ماقال: قصايده من هذي و اردى
ويا الله عاد لا تفشلونه
:) :)
:)
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
على (الشان) اسلي خاطري كل ما كدر=ولوّه يخوض البحر نصّيته البحر
حصانٍ عزومٍ كل ما شفت دمعته=اعرف السبب وادري سبب دمعته قهر
بعد شاف حال الخيل تالي زماننا=تسام العذاب وتعتلى بارخص السعر
صهيله يترجم لي مكانين دجته=وكنه يقول الصبر طول على الجمر
وكنه يقول الوقت واهله عثوا بنا=وكنه يقول النور ما عاد فالقمر
وانا اقول يا(الشان)ان توحيت هرجتي=همومي كثر مافي سبيبك من الشعر
هموم"لها فالجاش منزال تنزله=هموم"تخلي الراس يسكر بلا خمر
من الهم اجيب الشعر في غير حزته=واخليه لامن جات لي حزت الشعر
واكنّ الهموم وكن ماناب اكنّها=شعور البشر لازم يعرفونه البشر
وياطيب رجال"ليا شاف علتي=يقول انت وش قومك من الهم منكسر
صديق"صدوق"يعرف العرف والسنع=ولابه صديق"صادق"غير ماندر
وهذي بيوت ملفقة جبتها كذا=كما اللي يمتر مير ما في يده متر
هواجيس فاضن من ضمير" لهى بها=يلالي بلامعنى ويشبح بلانظر
تغاظوا عن الاخطا ولا احد" يلومني=كمن العرب من سلمها تقبل العذر
[/poet]

طبعا الشان=اسم حصان

صح لسان ابن عمك ياطويل الباع والله يعافيك على حسن الروايه
 

عز الله ما قصر ابيات رائعه ومناجات تستدر الشعر 00000

من ناحيتي انا اكتب شهادتي المتواضعه واقول شاعر ما عليه كلام 000

ولا هوب يجمعهن مثل ما يقول ولا هوب يشبح بلا نظر ولا يمتر بلا متر 000

الاّ يكتب بعنايه واقتدار تحية تقدير له ولك يابن غشام 0000


اخوكم ابونوت

صح لسان الشاعر والراوي
 

الاخ طويل الباع يطيب لي ان تكون اولى حروفي على متصفحك الرائع قصيدة جميله وشاعر رائع ولم تقصر في روايتها ومثل ما قال ابو نوت ، نشهد انه شاعر فحل

لك تحيه شكر وله تحية اعجاب


اخوك زيــزوم

صح بدنك بالنيابة
 

حياك الله يبو نوت
وتسلم على كل حال
وانت ان شاء الله من الناس اللي يفتخر بشهادتهم
وتحياتك مقبولة

صح بدنك بالنيابة
 

الأخ زيزوم

حياك الله ونتشرف بوجودك معنا في شعبيات
وآتشرف ان اول مشاركة لك هي في موضوع لي
والتحايا مقبولة