|
تجديد عهدٍ بكم وسؤالاً عن صحتكم
السلام عليكم ورحمة الله وبركاته....واسعد الله جميع اوقاتكم بكل خير....يسرني ويسعدني الالتقاء بكم مرة اخرى وفي هذا البيت ( شعبيات ) بالذات الذي ارجو من الله العزيز الكريم ان يديم اجتماعنا فيه على العز والطاعه...وكما يقول الشاعر ( والله اني ما اعتذر من لزوم الطيبين.....وان عسرني فالمطاليق دايم يعذرون )....والعذر من الله ثم منكم انتم يا اصحابنا القديمين الي اعرفكم من زمان ومن الاخوه الاعضاء الجدد ايضا ...والحقيقه ان اول اسباب الغياب هو عدم التمكن من الدخول الى شعبيات عن طريق اليوزر والذي تعطل بعد تحديث المنتدى ثم بعد ذالك اشتريت ابشركم بيت وقعدت اشل واحط وليت اليوزر عندي شغّال والله ان اعزمكم على الشل والحط والشحم بعد ذالك....واليوم يا طوال العمار وصلت وانا في غاية الشوق للبيت الي عساه ما ينهد ( شعبيات ) ولا انسى ان ابارك للمشرفين الجديدين علي طبعا بالنسبه للاشراف اما متابعتهم من قبل فحدث ولا حرج عبير بنت احمد... ومن يجهل هذا الاسم النسائي الجميل والجميل جدا في اسلوبه الشعري المنفرد...عبدالله مران والله والنعم شاعر وخلوق ومتجدد واذكر جميع مشاركاته القديمه الي يستاهل بها ان يكون مشرفا واخا عزيز.....واقول لهما الف مبروك الاشراف...ولا انسى بالطبع شايبنا العزيز بدوي امريكا عسى الله يوفقه والقارين والشايفين...فهو بالطبع مشرف المنتدى من يوم بدا وهو والله يستاهل التقدير ومواقفه عندي تعلي مقامه....ولا انسى الاخوه الاعضاء الاعزاء من عرفت منهم ومن لم اعرف الي لهم كل المحبه والتقدير والاحترام.والسلام
|
مرحباااااااااااااااا
شاعرنا الأكلبي ...!
وأخيراً ...! حمداً لله على سلامتك أيها الوفي ... طــــــــــــااالت غيبتك ولا زالت دارك تذكرك كما تذكرها ... من طول الغيبات جاب الغنايم :) ورؤيتك مجدداً أكبر غنيمة سيدي ... بارك الله فيك و لا غاب من حضر ... ألف مبروك مسكنك الجديد جعله الله منزلاً مباركاً ... بإنتظار روائعك فلا تطل علينا ... تحياتي الجزيلة ... ــــ.. . |
يالله حيه هلا ومرحبا يالكلبي
هلا هيل ومطر سيل هلا وغلا يا راع القصيد التصويري <<< من وين جبتها التصويري حرام انك على البال ماغبت ومبرك والمنزل الجديد كانه دورين باقٍ عليك واحده همهمهمهم وعساه بيتٍ على العز من عز اهله حنا طيبين انت وش لونك عساك بخير ما نشدة عني يا شايبك بس اعرف مانت رايحٍ تعدد العرب كلها والاشراف مناني ابه المراقب العام وزعل ههههههههههههه وحط ابن مران فيه ويا معدل الحضوض عدلها وابن مران لحيتٍ غانمه ويستاهل مار هوه قاطعنا الظاهر مسافر وعبير اشهد انها كفواً للشراف وكفواً له وكفواًله ما سويت في حطك وشيلك تصويريه ههههههههههه ترانا نتحرى الجزلات يا الجزل إسلم عسى عمرك طويل وقبل تحياتي اخوك ابو مهنا |
الله يحييك في محلك يالاكلبي
يا مرحبا فيك يالغلي ومبروك المنزل الجديد ويجعله دالٍ بالبركه
اخوي اشتقنا لك وكان الحديث عنك قبل ثلاثة ايام والحمد لله الطيب عند طاريه ولو درينا تطارينا فيك قبل اخوي انت كريم وحنا نستاهل ولا تبخل فالجديد 000 والله يحييك مرة اخرى وتقبل تحياتي وتقديري واحترامي لشخصك الكريم اخوك ابونوت |
ارررررحب يالاكلبي
ومنزل مبارك انشالله وحياك الله بعد عودتك 00 بين اخوانك وربعك وننتظر قصيدة البيت الجديد :) وياهلابك في بيتك الثاني لاعدمناك |
- اررررررحب يالالكلبي مرحبا والله بخوينا وشاعرنا الغالي
- ومن طوّل الغيبات جاب الغنايم - ونصيحة لاتسمع كلام ابومهنا يبي يوهقك ;) ;) اخوك/ عبدالهادي |
ارررررررررررحب يالأكلبي
مرحبا مليون غيبة مثلك والله انها تحز في الخاطر لكن المشكله ماعرف لك عنوان يالغالي وبارك الله في المنتدى اللي عرفنا على بعض لو من ورى شاشه المهم انك رجعت والله يحيك وبانتظار القصايد الاجتماعيه النادره وعفاك |
مرحبا بالشاعر المعجزة سعد بن جدلان الاكلبي
جيت اسلم عليك واقول لك منزل مبارك سعدت جدا جدا عند انضمامي لاخوة رائعون في هذا المنتدى الشامخ وما زادني سعادة هو وجود اسمك ضمن رائعي هذا المنتدى من جد فرحت اني اتواجد في منتدى يوجد به الشاعر الفحل سعد بن جدلان ولا تحرمني من ردودك على محاولاتي يالغالي فرأيك يهمني كثيرا مهما كان بلا قصور في المبدعين الآخرين http://www.sh3byat.com/vb/showthread...&threadid=2530 اخوك الصغير ناصر |
تصحيح....تصحيح !!
الاخ ناصر ... اسعد الله جميع اوقاتك بكل خير....والله لايهينك على الردود الطيب ايها الطيب...واريد توضيح شئ مهم الا وهو اني ما نيب سعد بن جدلان انا طال عمرك سعيد الاكلبي واحد على قد حالي وعضو قديم في شعبيات ولكن انقطعت لفتره والان ارجو ان تكون الصوره قد اتضحت اما من ناحية سعد بن جدلان الاكلبي فهو من الجماعه وانا انشاء الله بااوصل اعجابك له وكلنا معجبين فيه وفي شعره واما القصيده فسوف اراها انشاء الله واعطيك رايي المتواضع وتقبل فائق المحبه والتقدير
|
هلا والف هلا بخوي الاكلبي
يا هلا والف هلا وغلا بخوي ....بالله انك تحيي الاكلبي..والله فاقدينك ولك وحشه..وانت من الناس اللي ينفقدون..
اخو عزيز وغالي...وعرفنا عنك العلوم الغانمه في تعاملك مع الاخرين وكتاباتك الشيقه من شعر ابداعي مميز الى مخاطبة مع الاخرين تثبت طيب راسك وساسك يا بعدي. استلم الابيات التاليه وتراها على الكي بورد وسامحنا على القصور لكن والله انها من الفرحه بشوة موضوعك.. شوفة الطيب بعد طول غيابه...عندنا مثل المطر لا هل وبله قمت اهلي يا هلا يامرحبابه...كن ما جا في البلد بعده وقبله فزله قلب ن فتح مزلاج بابه...فزة الجمس الحمر مع خط عبله او كما عنتر اليا جرد حرابه...وانتخى وسط الوغى لعيون عبله بالصديق اللي نعرفه يعتزابه...فاتحن بيت الكرم للي تعب له اكلبي حاز المراجل في شبابه...والنعم بالاسم واللي يبنتسب له اشهد انه كل علم ن زين جابه...قاله اللي قد قراله ثم كتب له وسلامتك... تقبل تحيات اخوك البدوي |
السلام عليكم ............
ياهلا ياهلا ياهلا ياهلا ياهلا ياهلا والله ومسهلا بالأكلبي .. أخونا وحبيبنا واستاذنا الأكلبي يامرحبا بك والله ومسهلا ووالله لك وحشه يالغالي وصدق ابونوت يوم يقول بطاريك الله يبيض وجهك والله جبناك والله بالذكر الطيب والحسن الله يحفظك ولاخبرنا منك إلا كل طيب .. عدت يالأكلبي لشعبيات فعادت لنا روح التواصل والمحبه ,,, مبروك عليك المنزل وياعساه منزل مبارك عليك يابعدي ,,, وارحب والله تراحيب المطر .... وتسلم والله .. مع تحيا1111111111تي .. :) :) |
هلا حتى يسقط المطر على ترحيبنا بك وتنبت في قلوبنا المحبة التي تعرفها أنت من زمن , عدت الينا ففرحنا بهذا الاسم الذي نذكره دائماً كما قال أخي أبو نوت , ولم ينقطع ذكرك من الذاكرة التي لازلت نشيطة بما أن الحب يغلف هذا الاسم الكريم . كلمة وتأكد بمصاقيتها وهي أن لك نهج اختلفت به عن الآخرين , نحن هنا ان ذكرنا الاسم فلابد ان نذكر بأن الأكلبي ترك لنا مساحات هذا النهج فارغة حتى عودته والتي أتباشر وعي الجميع بهذا الاسم الكريم ,, الآن أقترب هذا العقد على الأكتمال فقبلك عادت اسماء لها مكانتها وهاأنت تقرب أكتمال هذا العقد ,
سعيد الأكلبي ... يسعد مسائك بكل حب ويسعد مسائك بكل سعد ويسعد مسائك بكل أخوة تربطنا بك هنا . فأهلاً بك في مكانك والذي أقسم لك لك بأنه لا يليق الا بوجود الانقياء أمثالك . عذراً على تأخري في الرد . وأعرف بأن حتى لو لم أحظر فلن يذهب فكرك بعيداً فأنت تعرف ما لك عندي وعندي الآخرين من قدر ,,,, شعبيات أنوارها زادت بوجود علم من أعلامها . وسمائها شعر وأرضها محبة فهنا عرفنا المحبة ومتى ما قلت أو اختفت فنحن معها ذاهبون ... وبوجود الرجال أمثالك فهذه المحبة باقية ولن تزول .. عسى السعد فالك يا سعيد الأكلبي , هلا ولن تكفي ,,,,,,,,, أخوك / عبدالله مرّان |
سعيد الاكلبي
هلا بك يالغالي ... وفاقدينك يالسنافي وفاقدين ابداعك ومبروك البيت وعساه منزل مبارك ... حضرت لترحيب بك وبعودتك ولسلام عليك اخوك الطارق |
[moveup]ياهلا ويامرحبا أنا عضو جديد وأول مشاركاتي هذي وياهلا بك أخوي [/moveup]
|
هلا وغلا بالغالي سعيد الاكلبي
والمعذرة يالغالي والله يوم شفت الاسم الاكلبي والتوقيع موجود فيه ابن جدلان والله توقعتك هو فالمعذرة ويشرفني ويزيدني شرف معرفتك يالغالي واكرر اعتذاري اخوك ناصر |
| الوقت المعتمد في المنتدى بتوقيت جرينتش +4.
الوقت الان » 11:27. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع