شعبيات - بصمات ناعمه (الجزء الثاني)

شعبيات (http://www.sh3byat.com/vb//index.php)

- قوافي البوح (http://www.sh3byat.com/vb//forumdisplay.php?f=13)

- - بصمات ناعمه (الجزء الثاني) (http://www.sh3byat.com/vb//showthread.php?t=242)

بصمات ناعمه (الجزء الثاني)

اغليك واللي كوّن الكون اغليك
..........حب الغلا ماهوب حب المزوحي
ياغالي دمعات عيني تناجيك
..........عباير من فوق خدي تفوحي
(غيوض)

:) :)
 هو كل حاجه في عيوني جميله
..........مدري حقيقي أو حلاوة عيونه
من رق طبعه كن روحه خميله
..........يزهر بها ورد الندى في غصونه
(ريميه)

:) :)
 قصة شقا ماهي سواليف ومزوح
..........ليت القدر يومه كتبها محاها
هذا النصيب وماكتب لي على اللوح
..........قصة عذاب تبكي اللي قراها
(أغاريد السعودية)

:) :)
 اقفل ابواب الحزن والجرح باب
..........انكسر قفله ومفتاحه معي
ظاميه والما على كف السحاب
..........لاقدرت اوصل ولافايد سعي
(ظمأ)

:) :)
 عزالله اني على لاماك مربوكه
..........وقلبي بكفي سواة الخايف الوجلي
امسيت شيخه وقمت الصبح مملوكه
..........لعيون خل كريم وافي جزلي
(النوري)

:) :)
 لاقلت: أحبك ..ولااحد غيرك بعيني
..........قالوا: غريره ..ضعيفة راي وبنيه
يامكتشف منجم للعاطفه فيني
..........وطيت فيضه مهي قبلك بـ ماطيه
(دارين)

:) :)
 اصدق حواراتي معك تنتهي فيك
..........ويضيع في زحمة معاتبك حذري
قلبي زرعك احساس مرهف يناغيك
..........وازهر وجودك في مساحات عمري
(تغريد العبدالله)

:) :)
 مافي الهوى ياصاحبي حب هادي
..........نار الى شبّت بقلبك تجننّت
نار لاجل عينك تزيد اشتدادي
..........وانت مع نيران قلبي تعاونت
(ريح الجنوب)

:) :)
 لاماافكر كيف احيا بلا حب
..........لكن افكر كيف تحيا بدوني
ان كان لك قلب فانا كنت لك قلب
..........احلا حياة شفتها في جنوني
مااقول عن فعلك وعن غيبتك تب
..........بالعكس جرب كيف تحيا بدوني
(غريبة الدار)

:) :)
 ذوبت شمع الشعر واطفاله تغني
..........لين انكتب بالشعر اسمك وحبيته
ثوبي الى من حكى ماعاد يسعني
..........كني ملكت القمر عندي وشديته

:) :)

عافااك الله يا ولهان اختيارات ممتاااازه

(( مجموعة روائع ))

اخوي : ابونواف .....تسلم والله روائع روائع

حيرتني أيها أفضل فجميعا روائع ...

صح الله لسان شاعراتنا وفخر الشعر النسائي..

ص/ مع التحيه ....لمن شكك في الشعر النسائي..

ص/ مع التحيه ...لكل محب للشعر النبطي ...

تسلم يابونواف والله يسلمك يالحبيب .....

سلطان القصيد(ولهان-1)

اسعد الله مساءك بالخيرات

اسعدتنا ايها الرجل الكريم

مثل مالك اسلوب فريد بصراحه حتى اختيارك للابيات فريد

سلمت وعشت

ماشاء الله عليك قبيله من الشعر والاخلاق والادب والثقافه

هنيئا للشعر بك وهنيئا للشعبيات بمشرف بمثلك

بصراحه حتى اختيارك للابيات فريد
بصراحه حتى اختيارك للابيات فريد

ابيات متالقه لشاعرات متالقات

اخوي الغالي غزلان
تسلم يابعدي على تواصلك
وهلابك يالغالي

:) :) :)
 اخوي الغالي راعي العنود
تسلم يالطيب على حضورك وتواصلك
وتشكر على كلماتك الرائعة
وهذا من طيبك ولطفك وذوقك
الف شكر وهلابك يابوصالح

:) :) :)

 اخوي الغالي
الدكتور فيصل الروقي
..
لاشك اعتز بهذا التواصل
وهذا الاهتمام
واعتز بهذه الرحابة الرائعة بنفسك
واتشرف بصياغتك الفاخره والتي
تعبر عن نقاء سريرتك وذائقتك
المميزه
بيض الله وجهك وهلابك يابعدي

:) :) :)
 اخوي الغالي ماجد العصيمي
..
تسلم يابعدي وهذا من طيبك وذوقك
الف شكر على تواصلك وهلابك

:) :) :)

اخوووووي ولهان

الله يعطيك العافيه على الاحتيارات الرائعه

تقبل تحياتي