|
مها
اخواني
ارجوا ان تقبلوا مشاركتي _________ يامها يوم الامل قرب حصوله ودنا ننصب خيام الاحتفال ما ادعي يانور عيني للبطوله بس انا وياك حققنا المحال يوم جربنا الهوى على اصوله وارتشفنا حالي الطعم الزلال لك طموح بمالكن كل الرجوله ولي طموح بمالكن زين الدلال يا مها مبروك لي باللي بنوله شوفتي للحلم من كبر المنال عاشقك بالبدء جابه لك فضوله لين ذوبه اتصافك بالجمال عاشقك يفداك لاجل الحب زوله وفدوتن لعيونك اعمام وخوال ياعيونك ماخذه بالروح جوله جولة عنوانها السحر الحلال قد وعدتك بالقصيداني اقوله فيك شوفي عاشقك وش فيك قال وقد وعدتيني بما قرب حلوله يا دفا وعدك مع برد الشمال حققي وعدك وحاسدك بغلوله يا مهاوي حاسدك ماله مجال وقفوا بوجيهنا العذال دوله خلي العذال ينفعها الجدال _________ ودمتم اخوكم ماجد [ نوفمبر 25, 2001: تم تعديل الموضوع بواسطة : ماجد العصيمي ] |
قد وعدتك بالقصيداني اقوله
فيك شوفي عاشقك وش فيك قال عز الله انك وعت واوفيت بوعدك من خلال هذه القصيده الرائعه وصح لسانك اخوي ماجد [ نوفمبر 25, 2001: تم تعديل الموضوع بواسطة : جذاب ] |
<font color="green"> <font size="5"><font face="georgia">ياعيونك ماخذه بالروح جوله
..........جولة عنوانها السحر الحلال قد وعدتك بالقصيداني اقوله ..........فيك شوفي عاشقك وش فيك قال</font></font></font> :) :) :) <font color="blue"> <font size="4"><font face="georgia">اخوي الغالي ماجد العصيمي .. حضور عذب ومميز ومصافحة جميلة من شاعر قادم بلهفه .. قصيدة رائعة وشاعريه مفرطه وحضور نتمناه يتواصل ومدد نتمنى ان يستمر .. وصح لسانك وبيض الله وجهك وهلابك يالغالي</font></font></font> :) :) :) |
الأخ العزيزماجدالعصيمي هلا وغلا ومرحبابك في محلك
صح لسانك على هذه الأبيات الجميلةالمليئة بالدفء تتهادى بلطف وتتوشح برداء الوقار متزينة بأروع مشاعر محب احب بصدق هنيأ لك مشاعرك هذه وهنيألمجلسنا شاعر متألق بقامة ماجد العصيمي وتقبل تحيات اخوك ابو نوت |
تحية عطره ايها الشاعر ماجد العصيمي
صححححح السانك ياماجد وبيض الله وجهك لك طموح بمالكن كل الرجوله ولي طموح بمالكن زين الدلال الله يسعد ويهنيك اخووووووووك فيصل |
ماجد العصيمي صح لسسانك والله على هالقصيده
|
اخوي
جذاب: سلمت من وعد لازم يوفي وهي تستاهل الابيات اللي قلت فيها وانت تستاهل الشكر \\ اشكرك على كلماتك المميزه - - - - - الاخ ولهان: حضورك انت المميز وافكارك هي المميزه ومصافحة مثلك هي الجميله وقدومي بلهفه بسبب وجودك انت والاخوان الاخرين ذوي الحضور البهي - - - - - الاخ ابونوت: اعذب الشعر اصدقه وانا اخوك والحقيقه اخجلتني بكلامك الطيب وان شالله اكون عند حسن ظنك والاخوان وانا اذا قامتي بتطول فهو من كلامكم العذب واذا كان قي الابيات شئ من الحسن اتمنى ان تكون بقامة من قيلت فيها كذلك تكون عند حسن ظنك انت والاخوان - - - - - - اخوي فيصل (الجن الازرق) الله يسعد ويهنيك يافيصل والتحيه العطره لك ايضا ودمت ولانك جميل فانت ترى الابيات اعلاه جميله - - - - - - غزالان: دمت وعشت وشكرا على كل كلمه قلتها [ نوفمبر 25, 2001: تم تعديل الموضوع بواسطة : ماجد العصيمي ] |
الاخ/ مـــــــــاجد العصيـــمــــــي
ياهلا فيك صدقني من امــــــس وانا ابغى ادخل القصيده ولكن ما كتب الله اما يعلق معي الاتصال او يقطع واليوم اشوا وفقنا الله بقراءة هذه الرائعه من جميعا النواحي بداية بالوزن اللي يدل ان ورى القصيده شاعر متمكن 000 وذلك بنهجه لهذه الطريقه في الوزن اللي ما ينهجها الا شعار كبار كبار على العموم تستاهل كل خير ياوجه الخير واعتقد انا وياك قد تقابلنا في موقع ثاني اذا تذكر ;) اللي اقوله صح لسانك وبيض الله وجهك والله يحيك بين اخوانك في منتدى الجميع لك تحياتي |
العزيزعكاشه
ياهلا فيك الحمد لله ان الاتصال شبك معك علشان اتشرف بقرائتك للابيات المتواضعه واذا كانت الابيات رائعه كما قلت فلانك تقراءها بعيون رائعه وسالفة نهج شعار كبار هذي كبيره على ولكنى والله سعيد لكلامك وانا كان في بالي ان الوزن خفيف والقافيه دارجه ايضا وانت شاعر وتعرف ان البيت الاول هو اللي يحدد ومابعده يتم تفصيله على نفس النهج لك تحياتي اخوك ماجد |
اخوي ماجد
والله انشالله مايغرني شي وانتظر مني رساله خاصه بعد خمس دقايق ابين لك اللي انا لاحظته وانشالله انك تبي تقول لامك الا ول في محله لك تحياتي |
عكاشه
وصلت رسالتك ومشكور على كل شي والله يحقق اللي في بال الجميع |
تنبيه فقط
اخوي عكاشه وصلت الرساله |
عكاشه
الحقيقه عذرا للتاخير ماهو مقصود وصلتني اكثر من رساله يمكن ارسلتها مرتين ماقلته عن البحر والطاروق المستخدم اثلج صدري انا والله اقوله على السليقه والحمد لله على كل شي اخوك ماجد [ ديسمبر 20, 2001: تم تعديل الموضوع بواسطة : ماجد العصيمي ] |
الاخ ماجد..
قد وعدتك بالقصيداني اقوله فيك شوفي عاشقك وش فيك قال وفي ومبدع..اسعدتنا بهذه الكلمات العذبه.. تسلم يمينك والله يوفقكم ويسعدكم والفال للجميع.. لك طموح بمالكن كل الرجوله ولي طموح بمالكن زين الدلال يا مها مبروك لي باللي بنوله شوفتي للحلم من كبر المنال عاشقك بالبدء جابه لك فضوله لين ذوبه اتصافك بالجمال عاشقك يفداك لاجل الحب زوله وفدوتن لعيونك اعمام وخوال ياعيونك ماخذه بالروح جوله جولة عنوانها السحر الحلال قد وعدتك بالقصيداني اقوله فيك شوفي عاشقك وش فيك قال وقد وعدتيني بما قرب حلوله يا دفا وعدك مع برد الشمال حققي وعدك وحاسدك بغلوله يا مهاوي حاسدك ماله مجال وقفوا بوجيهنا العذال دوله خلي العذال ينفعها الجدال لا هنت ويعطيك العافيه... [ ديسمبر 21, 2001: تم تعديل الموضوع بواسطة : ضمير ] |
| الوقت المعتمد في المنتدى بتوقيت جرينتش +4.
الوقت الان » 20:12. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع