القدر
قالت فمان الله صدت وصديت ،،، والكل منا فقدٍ له ثمينه
ازرت تكف الدمع من يوم قفيت ،،، وانا دموعي فالمحاجر رهينه يا سيدة شعري وقافيت البيت ،،، يا شمعة احساس القصيد وسنينه يا منتي يومي طلبت وتمنيت ،،، جعلك بعد روح التميمي وعينه من عقبها لاني بحيٍ ولا ميت ،،، وش حيلت اللي عاجزاتن يدينه يا وجود حالي كل ما صبحت وامسيت ،،، وجد الضنين اللي مفارق ضنينه عقب الفجر روّح بركب الجلابيت ،،، يبغا يجب المهر ويفك دينه قال الوعد عقب اربع اشهور لاجيت ،،، روّح و ودع من وراه المدينه مرت شهور و عودو بالتوابيت ،،، وكل العلوم اللي لفتهم حزينه معاد تنفع كلمت الناس يا ليت ،،، دام القدر مكتوب زينه وشينه |
رد : القدر
أوقاتك شعر يا احمد
عندك اخطاء املائية تربك القارىء في لفظ ماتقصد وتضعك في حرج الوزن فانتبه من هذه الأخطاء مثلا قالت فمان الله صدت وصديت ،،، والكل منا فقدٍ له ثمينه تقصد فاقدٍ على مايبدو لي يا منتي يومي طلبت وتمنيت ربما تقصد يامنيتي من عقبها لاني بحيٍ ولا ميت ،،، وش حيلت اللي عاجزاتن يدينه عاجزتن وهكذا راجع كثيرا من الكلمات تحيتي لك |
رد : القدر
صح لسانك يااحمد
نص جميل رغم اﻻخطاء اﻻملائيه ولكنها مفهومه ؤاضحه للشاعر اما المتلقي العام فعلا قد تضعف النص ولكن النص جميل ورائع |
رد : القدر
شاكر المرور اخوي عبد الرحمن
صح بدنك ولا هنت |
رد : القدر
اشكر مرورك يالجازي
واعتذر عن الاخطاء هذي الابيات كنت اكتبها وانا في السياره ونزلتها علي طول من الجوال اعتذر للجميع تعلمنا الانجليزي ونسينا العربي تحيتي * |
الوقت المعتمد في المنتدى بتوقيت جرينتش +4.
الوقت الان » 01:53. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع