"بعد الغياب"
عُدت عسى أن يكون العود أجمل ..

.
.

حي السنين العجاف وكبوة حصاني
........................ لا صرت ماني بطيق الطيب .. والمده


الطيب موروث من "بويه وعماني"
........................ رفيق دربي .. واخوي الثاني اعده..!

<O:p</O:p
وان جات للمده الجزله .. فلا امداني
........................... أصير حاتم .. فلا به حاتم قده..!!
<O:p</O:p

اعز لحية رفيق الطيب .. لا جاني
............................ أخذت منه الجميل .. وعقبه أرده
<O:p</O:p

أفخر ليا صرت له مسنده والعاني
........................... يرتاح له خافقي .. ويبيح ما سده
<O:p</O:p

ياصاحبي .. لا هفيت ابمنطق اللساني
......................... فأدمح خطا صاحبك ..لاشك ما وده
<O:p</O:p

يامسندي .. وان غدت ساقي ماتقواني
........................ أعدك الساق .. وقت الضيق والشده
<O:p</O:p

وأنا مثل منت خابرني وتهقاني
............................ خويك ان طالت الأيام .. والمده

<O:p</O:p
لايغرك ان الدروب العوج تعصاني
..................... والحظ الأقشر كسرني .. نعنبو جده!!
<O:p</O:p

اجود باللي معي .. وازبن الجاني
................... مسلم .. وأصلي .. ولاني من هل الرده

<O:p</O:p
اصبر على كل مخطي .. واقبل أعاني
..................... أقبل مدام الخطا ماقد وصل حده..!!
<O:p</O:p

الا .. "غياب الغلا" أللي ماحشم شاني
.................... ماني بحمل الجفا .. ياصاحب الصده

<O:p</O:p
وش كان ذنبي نسى .. ولا تناساني؟
................. قطّع كفوف الوصل .. وش باقي أمده؟!
<O:p</O:p

كم سقت لجله فريد القاف .. باللحاني
................... كم قد بنيت الحلم .. واشوفه ايهده!!
<O:p</O:p

روح .. واخذ فرحة اسنيني وخلاني
................... روح .. عساه الغياب اللي بلا رده!!
<O:p

وإن كان أباروح له ... فالله ينعاني!!
.................. عساني افقد وصال الطيب والمده..!
<O:p</O:p

.
.

محبكم/
عبدالرحمن بن علي آل مغني الشهراني,,