يافاتنه (مبْسمك كافر) = وانا على الدّين والملّه
حسبي على صدرك الفاجر = زوّد على علّتي علّه
في وقْفته منفعل ثاير = حتّى العطر فاح من غِلّه
رمّان غالي من الفاخر = مشدود مايعرف الذله
والخصر مايشتكي صابر = إذا انثنى ينثني كلّه
تمشين والردف ياساتر = حمّل على خصرك الغلّه
انتي شعر حيّر الشاعر = وانتي لحن مايجي شلّه
حالي ترى يكسر الخاطر = والطين ماتنقصه بلّه
كفّي أذى رمشك الجاير = وابعتبر ما مضى زلّه
للصّبْر يافاتنه آخر = وإلا ترى باكلك والله