الصمت في بعض المواقف شهامه.......
جتني تسلم في سلامه عمى عـين = ياليت ربي فـكـني من ســلامـــــه مدت يمينٍ ساعـدتها الشياطــــــن = وزودٍ على ضغط اليمين ابتسامـه ثم اكـشفت وجهٍ حوى كامل الزين = بدرٍ تجـلى عن سواد الغمـامــــــه وقالت بصوت بحه الهـــــم والبين = والحزن واضح في ثنايا كلامـــــه وينك ثمان اسنين مالك عـنـــاوين = ولا لقينا بالوطن لك عـلامــــــــــه درت البلاد ودرت كل الـميـــــادين = ودرت الشمال ونجد واعلى تهامه تركـتني واقـفيت مثل الشيــــاهين = حـطمت قلبي واسود الوقـت ظامه لازال حـبي لاجـيٍ بالـشــراييـن ؟ = والا خـذا قلبك فــريد الـعـــدامـــــه وتبسمت والدمع وصل الشفـاتيـن = والحزن ركز بالضماير سهامــــــه وسحبت انا يدي وقفيت بالحيــــن = وابعدت عن درب الخطا والندامــه حـماني الله في ثلاثٍ مع الـــــدين = العقل والعـفه وخوف المـلامـــــــه احمد بن عبدالرحمن العريفي (نديم المجره)ffice:office" /><O:p></O:p> |
رد : الصمت في بعض المواقف شهامه.......
حـماني الله في ثلاثٍ مع الـــــدين = العقل والعـفه وخوف المـلامـــــــه
الشاعر احمد العريفي: اخترت من قصيدتك هذا البيت والذي انسبه لبيوت الحكمة الجزله . بيض الله وجهك وزادك من فضله .. |
رد : الصمت في بعض المواقف شهامه.......
الله عليك يا نديم المجره
نص جميل من شاعر عذب سمو الخلق ينعكس على النص سرني مروري اخيك سالم |
الوقت المعتمد في المنتدى بتوقيت جرينتش +4.
الوقت الان » 02:18. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع