ياوطن عمري هدى الشاعر ودمه:
مازرع لحلام فيك الاحصدها

مارقافيك السحاب الامهمه:
ولانزل غيثٍ بيدك الا وجدها

قبلك الغيمة تمر بكل قمة:
لين جات بغرّتك وارزم رعدها

ماطلع منك الأريج الانشمه:
ولالقت فيك الجذور الامهدها

جيت لك مولع وماللبرد ذمه:
والدفا بثيابك الله لاحسدها

يووه محلا صدرك الله يسعد امه!:
كم دهاني الوقت لكن كنتي ادهى

من إثارتها لوان ابليس أُمه:
ماستطاعوا مثلما تعمل وحدها

أنظمك وتميل اريكه كيف المه:
قبل تسقط ساعتي من ضعف يدها

ياعفيف الشعر ماخفت المذمة:
من هذيك اللي تغني في جسدها؟

الغزل هاليوم عاف الصمت فمّه:
باح محضور الحكا يامنتقدها

لا. ولابو الشعر واخوانه وعمه:
ولابو ابياتن تميلها عمدها

منبري ويحن والخيرات جمّه:
وديرتي شيخة ويمدحها ولدها

لاحكيته كان وسواس الأئمة:
وان كتبته للقصايد معتقدها

بآتغزل فيك هت صدرك بضمه :
ودي آقبّلك وتقولين اعدها

أنتي يا أبها هوى الشاعر وهمه :
ياهنوف(ن) يخجل الما من رغدها

الغزل في صدرك الوارف مهمه :
قبلها لاشفت شي ولابعدها