لو إنّ في شرع المحبّين مفتي=يكون له من ماقفك فِيّ وقفات
ما ودّي آقول انتهيتي و طُفتي=حتى ولو قلتي زعل..بسّ قد فات
بالله قولي وش لقيتي وشفتي=فيني..وانا كنت اعشقِك صوت و صفات
وألاّ عشقتيني زمان و وقفتي=وأرويت وِدِّك..قلب و عروق و شفات
بدري نقول انّك من الحب عفتي=يادوب ذقت من أول الكاس رشفات
حِفْتِك وجيت أدراك..من يوم حِفْتي=قلبي..وخلّيتيه لعيونك ا رْفات
في ذمتك..مامرّ بك يوم خفتي=يلحق شعوري من تماديك حذفات
تدرين..دامك بأول العمر رُفتي=بأروف بك ما بقي..والوقت صدفات
يمكن يجي حزّة..و ألاقيك ضِفتي=بلاط قصر القلب..و العين شرفات