سمعت واحد يقول لصاحبه طعني
السلام عليكم ورحمة الله وبركاته
للتواص معكم
سمعت واحد يقول لصاحبه طعني=كلٍ يدور لرزقه عند رزاقه لاتعتذر عن خطاك ولا تكلمني=جعل الذي يعتزي بك تنكسر ساقه إما اشلع السالفه دغري وعلمني=واقلط مع الباب لا تدخل مع الطاقه ولا الزم الصمت واركد لا تعاتبني=لا خير في واحدٍ ما صان ميثاقه حبرك على هامش الوجدان يكتبني=وخطاك دايم على الهجران سبّاقه ماهي كذا يالسنافي هات والحقني=موترك شبهه وعشرين الف لحّاقه قدامك الفين بالسكة تزاحمني=والفين نسمع بواريها على الساقه وانا على خبرك اقشر ما يناسبني=إلا الذي ما يسوقه غير سواقه تمر البواسق وشوفه فوق يعجبني=ما تصله السايبه ويدين بواقه لو طاح من فوق لايسمن ولا يغني=تقتشه الطير والرعيان تحتاقه وانا غروري وشفي عذق يشبعني=ما ناش يعسوبه الطرقي ولا ذاقه انا كذا هكذا طبعي وتعرفني=راقي وما احب صحبة ناس هبّاقه غصنٍ قوامه وظلّه كان يجذبني=حوّل عليه الدبا واستيسر اوراقه شفتك بالاوصاف لا تنكر وتجحدني=تمشي ورى مهرةٍ شقرا وعملاقه يا لعنبو فيس بوك اللي شعا سمني=غش الغلابه وعلقهم بعلاقه لا شفت ابو سلسله والجنز تنكرني=اللي تفنن براسه موس حلاقه راع الصديري على الجنبين والمتني=مكشوف ماله سوى خيطين وبناقه إن سمع طبلة رباب وفرقة اجرحني=ولا تقاسيم جوهر لأجل عشاقه قام يتناقز ويرقص رقصة الحصني =كنه خرز فتخةٍ في كف طقاقه انشهد ان الزمن فعله يروعني=قيد بعير الحمول وهمّل الناقه ارض الوفا عشبها ريحه يشوقني=لاهبت النود صوبي ريحة اشواقه اعيش فيها وادوف القاف واغني=واتبع وفاها ولمعة نوض براقه ولابد يا صاحبي بالخير تذكرني=لا شح ميصالهم تاتي بك الفاقه |
رد : سمعت واحد يقول لصاحبه طعني
أرحب أرحب
جدا جزلة ووافية محمد الأجدل أبدعت، وحبكت وسبكت ، وأسكت.. أخوك. |
رد : سمعت واحد يقول لصاحبه طعني
هنا شعر حقيقي لايمكن ان تقاومه اي ذائقه
فووووووق ياشعررررررر |
رد : سمعت واحد يقول لصاحبه طعني
محمد الأجدل
صح لسانك ملااااااااااااااااااااايين ودمت بالف خير تحياتي و احترامي |
رد : سمعت واحد يقول لصاحبه طعني
الله الله يا الأجدل ....
هنا نص جززززل شعر حقيقي ... وقصيده قرأتها مرتين وساعود مرارا فهي تستحق وانت تستحق .... <TABLE dir=rtl style="BORDER-TOP-WIDTH: 4px; FONT-WEIGHT: normal; BORDER-LEFT-WIDTH: 4px; FONT-SIZE: x-large; BORDER-LEFT-COLOR: gray; BACKGROUND-IMAGE: url(none); BORDER-BOTTOM-WIDTH: 4px; BORDER-BOTTOM-COLOR: gray; COLOR: black; BORDER-TOP-COLOR: gray; FONT-STYLE: normal; FONT-FAMILY: simplified arabic,simplified arabic,tahoma,ms sans serif,verdana,arial,helvetica; BACKGROUND-COLOR: transparent; BORDER-RIGHT-WIDTH: 4px; BORDER-RIGHT-COLOR: gray" cellSpacing=0 cellPadding=0 width=1 border=0><TBODY><TR><TD style="PADDING-RIGHT: 15px; PADDING-LEFT: 15px; FONT-WEIGHT: normal; FONT-SIZE: x-large; COLOR: black; FONT-STYLE: normal; FONT-FAMILY: simplified arabic,simplified arabic,tahoma,ms sans serif,verdana,arial,helvetica" vAlign=center noWrap align=middle> انا كـذا هكـذا طبعـي وتعرفنـي راقي وما احب صحبة ناس هبّاقـه </TD></TR><TR><TD style="PADDING-RIGHT: 15px; PADDING-LEFT: 15px; FONT-WEIGHT: normal; FONT-SIZE: x-large; COLOR: black; FONT-STYLE: normal; FONT-FAMILY: simplified arabic,simplified arabic,tahoma,ms sans serif,verdana,arial,helvetica" vAlign=center noWrap align=middle>غصنٍ قوامه وظلّه كـان يجذبنـي حوّل عليه الدبا واستيسـر اوراقـه </TD></TR></TBODY></TABLE>وانت راقي شعر وشعور ... تقبل تحياتي اخيك سالم |
الوقت المعتمد في المنتدى بتوقيت جرينتش +4.
الوقت الان » 22:06. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع