الشعب والدوله بني عم واخوان=في صف ابو متعب قبيله قبيله
مترابطين كنهم عقد مرجان=دون الوطن بالواجده والقليله
يا شعبنا رزوا على الدار بيبان=تعصى على خطل اليدين العميله
كونو لعبدالله نواجذ ونيبان=لا غوي راع الدرب جرة دليله
لا هان ابو متعب سلايل كحيلان=صقر العروبه لاتعزوى نجي له
مدة يمينه كنها سيل ودان=عم الديار وربعت عقب سيله
رجل يخاف الله وفي قلبه ايمان =نطلب من الله يحفظه لا يزيله
ولاهان ساعد قايد الشعب سلطان=سقم العدى طب القلوب العليله
ويعيش نايف محتمي كل ميدان=عين الوطن زند الحمول الثقيله
الله زرع بقلوبنا حب الاوطان =ما زاغ عن مهاجنا الا خطيله
ياللي تسوم ارضك على فلان وفلان=السود فالك يا حزام الفشيله
يا ابو قناة طيرها سود غربان=انشهد انك لاش وانك هتيله
وينك عن الخفجي وعن ريع دخان= يوم المشوّك والثميدي هميله
مثل الحصيني زاع صوته ولا بان=وليا غزى يمتط فرث الهزيله
منت بنديد للبطل يا سعيدان=كلٍ على قده يدور زميله
لا بالله اما عالي القدروالشان=عبدالله اللي ما ندور بديله
كله وفا كله صخا كله احسان=كله على بعضه صفاتٍ جليله
غيره على وجهين شابع وجيعان=يبلع غناة ارضه ويلعب بذيله
من قال عن طلابة العدل جرذان=يجيه يوم اسود منيل بنيله
لبسه من اشجار البحر ياخذ الوان=يصلح على الكورنيش بايع بليله
لابد يجرع كاس حسني وسوزان=كاس يفرق بين خل وخليله
ماهي شماته لكن الصدر مليان=والشعر غايه بررتها الوسيله
سد اليمن ما خلخله غير فيران=واركانه انهدت وراحت عبيله
ما دامت الدنيا لكسرى وهامان=كم ظالمٍ خطط وابت تستوي له
نسمع على باب اليمن حذف غيران=ونشوف عمدان الدبى في نخيله
والشام يطبخ قدرها فوق نيران=والزاد عكرة ظب واسلاب فيله
هذي هي الدنيا منازل وميزان=كل على ماقيل يكتال كيله
سعر الوطن في مهجتي غالي اثمان=سامي وقطرات الولا من دمي له

الرسالة الأصلية كتبت بواسطة سعيد بن مقبل الأكلبي (مشاركة 318861) ارحب يامحمد والله يحييك في شعبيات وباكورة الشعر هذه خير مصافحة وخير بدايه يستاهل الوطن والملك كل هذا الولاء والعطاء لاعجمت ولاهفيت

الرسالة الأصلية كتبت بواسطة علي الأسمري (مشاركة 318946) محمد الأجدل مرحبا تراحيب الحيا صح لسانك و علا شانك احتراااااااااامي

الرسالة الأصلية كتبت بواسطة محمد الدحيمي (مشاركة 318948) اهلاً بك يامحمد بيننا واهلاً بكل هذا الشعر الفاخر والثري

الرسالة الأصلية كتبت بواسطة ابوسعدعبداللطيف (مشاركة 318951) محمد الأجدل ارحب ملاااااااااااايين حياااااااك الله في منتدى شعبيات وصح الله لسانك والله يوفقك وننتظر الأكثر منك .

الرسالة الأصلية كتبت بواسطة نجلاء الشريف (مشاركة 318953) شعور مزهر بالشعر وممتع معنى ومبنى محمد الأجدل أهلاًبك وبالشعر المُضيء بين يديك

الرسالة الأصلية كتبت بواسطة سالم بن جلعان (مشاركة 318976) هلا بك يا الاجدل مرحبا ومسهلا وصح لسانك على هذا النص الثري والذي استعرضت فيه حال الوطن العربي من المحيط للخليج وابنت الفارق بين العظماء .. واللصوص لله درك من شاعر تحياتي اخيك سالم