شعبيات - النار توقد على عودين .. لـ جلاجل الجلاجل

شعبيات (http://www.sh3byat.com/vb//index.php)

- قوافي البوح (http://www.sh3byat.com/vb//forumdisplay.php?f=13)

- - النار توقد على عودين .. لـ جلاجل الجلاجل (http://www.sh3byat.com/vb//showthread.php?t=19943)

النار توقد على عودين .. لـ جلاجل الجلاجل

السلام عليكم ورحمة الله وبركاته

احييكم وامسيكم عسى الله يمسيكم بكل خير

واهديكم هالبويتات

يا صـاحـبي خـذ كلام زيـن
مـتـوسـط مـزحـه وجِـده

إيـاك تـمشي عـلى الجاليـن
خـلك وسـط و اضبط الـقده

احسـن مع الله سـلوك الـدين
اللــي لـك مراخـي يــده

يازيـن للعبـد همـل الـعِـين
مـن خـشـية الله عـلى خده

وامـك وابـوك اول الحَـقيـن
والـحق لـلجـد والــجَــدة

الــجـنة مـلازم الـرِجـلين
من خـذ رضـاهـم فـلا قَـده

واللـي كفـوفـه لك مـحنيـن
بـالك يـجي عـودهـا شِـده

خـلـك وفـي باسـط الكـفين
طـيبـتك تـكسـب بهـا ودّه

وان صرت للناس فَـأبـدَ الزين
والـفـضل من صاحبـه عِـدّه

وبعض العرب وان بدالك شـين
بعض الـخفا يَـظهـر بنِــده

وايـاك ومصاعـر الـخـديـن
واحـذر مـن الـقرب والصـده

الشـي لاجا بوقــتـه زيـن
والـوقـت خـله عـلى حـده

النار توقـد عــلى عـوديـن
والـثـالث اطـيب عـلى المده

وما زاد عـن ذا تـراه الشـين
الزود يقلـب عـلى ضـــده

وسلامة الجميع