متى التقاعد يجي وانحاش من جدّه=وارتاح من همّها واريّح اولادي
ماعاد فيها رخا من عُقْب ذالشِدّه=وقت الرخا راح من جدّه ولا عادي
قالوا عروس البحر بالزين معْتدّه=قلت اسمحوا من سوالف دادي وبادي
هذي عجوزٍ بغت تطْلع من العِدّه=ويوم اطلعت واسْتعدت لبْست حدادي
مدينةٍ عايمه والساس منهدّه=واللي بنا ساسها ماهو من بلادي
اللي تولّوا مصالحها لهم مدّه=واقفوا عليها ولا للقوم نشّادي
العام قلنا قرار الحُكُم من جِدِّه=رقاب بتروح والا تِقْطَع آيادي
لكن راع البلنتي شات فالقدّه=واتلى العَهَد صيحة الجمهور فالنادي
الله يعين المواطن لاوصَل حَدّه=ماعاد يدري مع الما وين هو غادي
لا اقبل عليه السحاب يجهّز العِدّه=ويهجْ للبر بالخيمه والاوتادي
يخاف من سيل جده ينفجر سدّه=والعالم الله لو انها كلّها وادي
ماعاد فيها معك مقْعاد ياجِدّه=لو كان فيك المعاش ولقْمة الزادي