تـمـر الـكـارثـه مـر الـكـرام ويـصدر التصريح=بأن الـسـيطره تمت على الموضوع من بدري
حـلـيـلـك يـا الـمـواطـن دايـمٍ تـتـحـمـل التجريح=مـن الـمـسـئول والاقدار بك من سوءته تجري
تـعـلـم كـيـف تـتـحـمـل وتـفـهـمـهـا بـلا تـلـمـيح=وتـسـكـت وانـت بـالـلي حـطم الامال لك تدري
تـعـلـم كـيـف فـي جـده تعـايـش موجة التسطيح=وتـمـدح مـن قـتـل جـده وسـيـح دمـهـا العذري
تـفـهـم حـالـة الـمـسـئـول لا تـبـحث عن التنقيح=أخـذ غـيـره حـلاوتـهـا وهـو يـتـحمل الوزري
عـبـاره كـرروهـا واصـبـحـت للغش والترويح=غـدت كـلـمـه فـي الـقامـوس لاخفاقاتهم تبري
يـقـول احسـن لي المِّع صور هبت عليها الريح=وامـشـيـهـا عـلى المنهج ما دام إنه غدى مثري
أنـا وش ذنـبـي اتـألـم لـدمٍ مـن زمـان يــسـيــح=مـا دام إنـه دمٍ بـارد فـي الاوداج مـا يـســري
ولا بـه مـشـكـلـه خل المواطن يشتكي ويصيـح=إذا الـلـي قـد سـبـقـنـي بـالـمهمه حاميٍ ظهـري
أنا مالي من الخاسر إذا المنصب فرص تربيـح=ابـاخـذهـا عـلـى الـماشي وبه من يقبل العـذري
ابارحل واترك العكعكه وبابدا منهج التصحـيح=وابـتـظـاهـر بـانـي عـالـمـواطن واضحٍ قهري
شـهـر شـهـرين عالأكثر ويصبح كل شيٍ ميح=وتـبـدأ مـرحـلـة يسري واودع مرحلة عسري
الا يـا زيـن هالمنصب لفى من دونما ترشـيـح=أخـذتـه بـالـكـفـاح وبـانتهاج المنطق الـمغـري
أنـا مـا بـرضي الـكـادح باللوح بالوفـاء تلويح=لمن حقق لي الفرصه وغير وضعي الـمزري
تـمـتـع أيـهـا الـمسئـول دربك للصعـود مـريح=وبـرنـامـج مـهـمـاتـك لـرفع التكلفه حـصـري
حـقـيـقه كـل مـا جـيـنـا بـنـبـدأ بـالقيام نـطـيـح=ونُقْتَّل الف مره والشعار إن الوطن عـصـري
ونغرق في شبِّر مويه ونبدأ رحلة التـصـريـح=بان السيطره تمت على الـموضوع مـن بـدري
أبو متعب ترى الـعالـم تهادى بالنفل والـشـيـح=وشعبك يـأكل الحسره ويقرأ سورة العـصـري
ولـكـن مـا لـنـا غـيـر الـدعـا والذكر والتسبيح=ويـنـصـرك الله وشـعـبـك على دوامة الغدري
نـبـي كـفـة مـوازيـنـك يـرجـح عـدلـها ترجيح=ونـتـبـسـم إذا انـزاح الـظـلام بـطـلعة الفجري
ولـي الـعـهـد يـا بـدرٍ لـحـلـكـات الظلام يزيح=وبـك وبـسـيـدي نايف وبرموز الوطن فخري
نـبـي وقـفـه بـنـائـيـه تـغـيـِّب جـوخة التمسيح=تـبـدد ظـلـمة الـمـاضـي وتـسطع طلة البدري
نـبـي تـحـلـيـل للنكبه ولو تأصل إلى التشريح=وتـجـتـث الـخـلـل كـلـه ويـلـفـي حـلها جذري