تكفى يابن لادن
تكفى يا بن لادن نصيتك وناخيك = والشعب كله جاك ينخاك تكفى من حاجةٍ ماهي بتخفى معاليك = والعلم واضح حالتي ما تخفى انت الكريم اللي وصوفك تحليك = وانت الطبيب اللي بك الجرح يشفى مطار جده صار في قبضة ايديك = والعقد بين ايديك كفى ووفا مدري يا ابن لادن اذا كان يمديك = تحط باطرافه للاخوان مشفى نوبات قلبيه وهم ودواكيك = وقلوبنا زادت مع العقد رجفا حاول تطور جده اللي زهت فيك = وابن المساجد خلها تكون وقفا وجنوب جده والقويزه تناديك = وبحره واهل بحره تبي منك عطفا بو شقره وشامي وابو زيد والبيك = حتى المطاعم دخلها اليوم خفا راحوا زبينها عبيد مماليك = للفقر وانت العقد وفا وكفا وان زاد كم مليار فارحب تماتيك = حطه ببيت المال فضلا ولطفا وان كان ما وافقت ربي يجازيك = حنا احترقنا وانت مندوب الاطفا باسم الحقيقه جيتك اليوم وارجيك = ( ولولا ظروف الوقت ما قلت تكفى) التوقيع يحيى ابن فالح السريحه الاحمري |
رد : تكفى يابن لادن
ومنا الى بن لادن طوّل الله عمره واعانه على الحق
لاعجمت ولاهفيت يايحيى |
رد : تكفى يابن لادن
صح بدنك
ابو مقبل وجعلنا ما نعدمك ولا يعدمك الشعر الحقيقي بيض الله وجهك جبرت بخاطري وانا خوك الله لا يكسر خاطرك حسيت من المرور وعدم التعليق اني مذنب يالطيف الروح يازيـن الصراحـه ...................... كلمتين امـا مجـي والأ مراحـي لا تحسب ان السحا سترٍ وراحـه ..................... المحبه والسحا المـوت المتاحـي |
رد : تكفى يابن لادن
صح لسانك يايحي
قصيدة فيها من الترميز الكثير ومنا لبن لادن ايضاً :) رد على مواضيعك السابقه يايحي احيان اذا مارديت عاللي رد عليك يعتبره تهميشاً وبالتالي مايتفاعل معك تحياتي لك |
رد : تكفى يابن لادن
باسم الحقيقه جيتك اليـوم وارجيـك
( ولولا ظروف الوقت ما قلت تكفى) صح لسانك |
رد : تكفى يابن لادن
الأحمري يحيى
صح لسانك ييسر ربك كل عسير ابن لادن تاجر والتاجر يسعى للربحية بالمقام الأول لكن إن كان هو اللي ماسك الحرم إن شاء الله يعمل بإخلاص |
رد : تكفى يابن لادن
قبلَ ادخل الموضوع [ قريت المعوذآت ] . حسبتك تقصد ابن لآدن الثآني .!
صح لسسسآنك يآ ابن فآلح ..! قصيدة رآئعة ومن شآعر مآ يجي منه الا كل رآئع ..! |
رد : تكفى يابن لادن
إقتباس:
ارحب يا بو بدر صح بدنك مرورك وتعليقك شرف وعدم الرد والله العظيم ليس تهميش ومستحيل اترك اي قصيده بدون الرد ولكن لحاجه في نفس يعقوب وانا لان اترك اي رد الا وسارد عليه وانا احب الجميع من كل قلبي والشاهد الله ولاهنت عالمرور العطر |
رد : تكفى يابن لادن
إقتباس:
اخوي مقدور صح بدنك لاهنت |
رد : تكفى يابن لادن
إقتباس:
صح بدنك والله يحييك مرور يثلج الصدر ونقول ان شاء الله اشكرك اخوي |
رد : تكفى يابن لادن
يحيى الاحمري
مقدمه نارية وذكاء وتميز بالطرح بس عاد انه يرجع كم مليار ماظنيت تحية يارجل |
رد : تكفى يابن لادن
إقتباس:
صح بدنك اخوي عبدالله والاروع مرورك طال عمرك |
رد : تكفى يابن لادن
إقتباس:
اخوي الهلالي لاهنت على المرور ولا ظنيت بعد انا بس يمكن ينطق حجر يطير جمل لا تستغرب شي حنا باخر الزمن تحيه يا رجل |
الوقت المعتمد في المنتدى بتوقيت جرينتش +4.
الوقت الان » 12:52. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع