|
لب الحب
محدن ملك القلب غيرك بحبه = ولحدن سقاني الحب ياكود يمناك poem]قلبي لغيرك لايمكن فيوم اذبه = .. لوصار ماصار لايمكن انساك الياطفى فيني الحب انت تشبه = ......تشتعل فتايله بوقت ليقياك صبيلي من ريقك العذب صبه = او قربيلي مبسمك ..لطعم اشفاك ان كان للحب قشر... فأنت لبه = انت اساس الحب و الحب مبداك احبك حب صادق ماهوب خبه = ومن زود حبك ابتهج لاحل طرياك انت علاج القلب وانت طبه = ونت الوحيده بقلبي وينبض بذكراك واذا برد فيك الحب اخذيني جبه = اشب ضوء الحب والمشاعر بمحياك/ |
رد : لب الحب
ابغى رائيكم فالقصيدة واذا في نقد اتمنى يكون نقد بنى
|
رد : لب الحب
التزامك بالقوافي في الصدر والعجز صحيح وجميل ومنظم ياخالد لكن خذلك الوزن في القصيدة لا اعتقد ان هناك مشكلة ستواجهك مع الوزن مع التزامك بالقوافي بهذه الطريقة سأشرح لك الطريقة واتّبعها وسترى الفرق وتتخلص من عقدة الوزن بإذن الله: خذ البيت الأول وبالتحديد الشطر الثاني : ولحدن سقاني الحب ياكـود يمنـاك هذا موزون حاول ان توزن باقي القصيدة على نفس وزن هذا الشطر ولكي اسهل عليك الأمر لحّنها على نفس شيلة ( البارحة يوم الخلايق نياما ..) هكذا يستقيم معك الوزن : ماغيرك اللي يملك القلب حبّه ولحدن سقاني الحب ياكـود يمنـاك واكمل بقية الأبيات على نفس لحن الشيلة اكثر من القراءة ايضاً بالتوفيق وننتظرك في كل جديد ياخالد |
رد : لب الحب
اشكرك ياابو بدر على النقد وانا مااشتركت في المنتدى هذا الا عشانك فقط ودي استفيد منك ومن خبرتك في الشعر تمنيت اوصلك وقابلك شخصيا وتعرف عليك ولاكن الله ماكتب ولمى عرفت انك متواجد في هذا المنتدى علطول اشتركت فيه مندون تردد انا لي حوالي 7 اشهر من بديت اكتب شعر ولاكن الي واقف في طريقي الوزن وانا ماعرفت كيف اوزن القصيدة لني شفت بحور الشعر لها تفعيلات وماعرفت كيف اوزن على التفعيلات هذي وحاولت الحن كطريقة سهلة ولاكني فاشل في الحن لني لست من محبين الفن والغناء والمشكلة مافي احد شاعر في المجتمع الي عايشه انا لا ابوي ولا عمامي ولا خوالي ولا اخوياي ايضا .... ولاحصلت احد ينتقدني اويوجهني عشان استفيد وارقى بشعري الى الافضل فأنا حاط املي في الله سبحانه وتعالى ثم فيك ياأبو بدر انك تفيدني بنقدك وخبرتك حتى ولو نقد قاسي اوجارح معليش بتحمل المهم اكون الافضل وانافس الشعراء ويكون شعري جزل فأرجوك أرجوك أرجوك لاتبخل علي ياأبوبدر بعلمك وثقافتك الشعرية........وشكرا
والى الامام يامتنبي الشعر الشعبي انا احد جمهورك ومتابعينك بقووووووووووووووووووووووووووووة |
رد : لب الحب
شرفتني ياخالد واكرمتني شخصياً وارحب بك بين اخوانك في شعبيات
شوف ياخالد : ماهو شرط اساسي انه يكون احد اقاربك شاعر الشعر موهبة والموهبة ممكن تورث وممكن توهب وهذا شي معروف ومفروغ منه واعلم انا من تلقائية شطر البيت الأول اللي ذكرت لك انه موزون انها موهبة فقط اعرف كيف تتعامل معها خصوصاً انك في بداياتك وسأذكر لك اهم النقاط لكي يسهل عليك التعامل مع موهبتك طبقها فقط وسترى الفرق ان شاء الله: اولاً: انت مانت محتاج تعرف بحور الشعر واسمائها واللي يقول لك لازم عشان تصير شاعر تعرفها ماصدقك لأنك ماانت مطالب ولا انت بحاجة انك تتخصص في قراءة الشعر انت بحاجة لتعلم الوزن فقط بأسهل الطرق لكي تتمكن من كتابة الشعر على اي بحر لايهم الوزن ياخالد فقط على اي بحر تجي لا تهتم اهم شي تكون موزونه ثانياً : لازم تلحنها وتركب مفردات الفكره في شطر البيت على اللحن ماهوب شرط يكون اغنية فيه شيلات معروفه - الحان القلطة - العرضة - الحدا - اي لحن تحفظه جيداً ويعجبك حاول ان تجاريه بكلمات من انشائك على نفس اللحن. ثالثاً : اكثر من قراءة الشعر بكافة مجالاته ولا تجعل ثقافتك في القراءة تقتصر على المجلات الشعبية فقط . ونحن بإنتظارك ان شاء الله:) |
رد : لب الحب
شكرا لك ياأبو بدر وكلامك تاج على راسي ووسام على صدري ....وراح اطبقه واحوال بكل ماأستطيع وأن شاء الله الجاي يكون اجمل
|
| الوقت المعتمد في المنتدى بتوقيت جرينتش +4.
الوقت الان » 12:56. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع