|
نقاط الفائزين لمسابقة الألغاز الشعرية (2)
هنا يتم الإعلان عن الفائزين ونقاطهم اللي حصلوا عليها عن جدارة وجمعوها من حل الألغاز وفي النهاية من يحصل على أكبر عدد ممكن من النقاط يعتبر هو الفائز بالجائزة |
رد : نقاط الفائزين لمسابقة الألغاز الشعرية (2)
( اللغز الأول) سلام ياهل المعرفة والعرف والرأي السديد واباتنشّد كل خلق الله من البدو وحضر .. ياويش زرعٍ صاحبه بإيده زرعه من الحديد وان مات جاء زرعه خضر .. وإن عاش جاء زرعه خضر الحل : الوشم الفائز: ترنيمة النقاط : ١ |
رد : نقاط الفائزين لمسابقة الألغاز الشعرية (2)
اللغز الثاني : ابتدت الألغاز والشاعر مع الهاجوس غنّا والثلاث شهور مكسبها اثنين بلاك بيري .. ويش ناسٍ يعرفون دروبهم منا ومنّا قولهم ماهوب من قول الفرزدق او جريري الحل : اهل مكّة ادرى بأشعابها الفائز : سولافة نقاط : 1 |
رد : نقاط الفائزين لمسابقة الألغاز الشعرية (2)
( اللغز الثالث ) ساريه .. ياساريه قولي اذا إنك داريه ياويش بنتٍ عاريه لكن كست كل البشر الحل :الإبره الفائز: سولافه النقاط: 2 |
رد : نقاط الفائزين لمسابقة الألغاز الشعرية (2)
( اللغز الرابع ) ابغى الصحيح بلا زياده او نقص ومن عقبها ابشر يافطين بكل خير وان كان تقدر تحبس الطير بقفص عندي قفص ماينحبس فيه اي طير الحل : القفص الصدري الفائز : بلاتس بيري النقاط : 1 |
رد : نقاط الفائزين لمسابقة الألغاز الشعرية (2)
( اللغز الخامس ) بانشدك عن كلمة تجي يمّا حلالٍ او حرام حروفها وحده ومعناها حسب تشكيلها .. اللي (يشدّد حرفها الأوسط) يجيه احلى كلام واللي (يضم الحرف الأوسط) يستحي من قيلها الحل : كلمة ( سكر ) الفائز : فنن النقاط : 1 |
رد : نقاط الفائزين لمسابقة الألغاز الشعرية (2)
(اللغز السادس ) ياويش بنتٍ خابرين دقّها وجلالها ماتغيرها الليالي .. مايغيرها الزمن بنتٍ صليبة راس ويله من يطيح بجالها وشعارها كل راسٍ فيه حبّ ينطحن الحل : الرحا الفائز : البتار رصيد نقاط 1 |
رد : نقاط الفائزين لمسابقة الألغاز الشعرية (2)
اللغز السابع بنْشدْك عن حاجه ونفسك فيها اللي تمنّاها ولاهي جتلك لقيت حاجه يمْكن توازيها لكن ماهيب اللي رسمها عقْلك الحل : العوض ولا القطيعه الفائز : سولافا النقاط :1 |
رد : نقاط الفائزين لمسابقة الألغاز الشعرية (2)
اللغز الثامن بأنشدك عن بنتٍ وساع ردونها وعاقله مربوطةٍ بحبالي بعض العرب مادونه ولا دونها ماتسكن الا المهمهان الخالي الحل : الخيمة الفائز : سولافا النقاط : 2 |
رد : نقاط الفائزين لمسابقة الألغاز الشعرية (2)
اللغز التاسع بأنشدك عن بنت تعدل مايل في بيتها ماتطلع الاَ حاجه تاكل حجر بارد وتشرب سايل والفيل مهدي للزرافه عاجه الحل : الشبرية او الخنجر الفائز : البتار النقاط : 2 |
رد : نقاط الفائزين لمسابقة الألغاز الشعرية (2)
اللغز العاشر بأنشدك ياراعي السفر والسفيرة ياويش بنتٍ مير ماهي من البشر بنتٍ وتعرف كل دربٍ وديرة ولاهيب عسّاسة ولا قصّت الأثر الحل : الخريطة الفائز : انوار النقاط : 1 |
رد : نقاط الفائزين لمسابقة الألغاز الشعرية (2)
اللغز الحادي عشر المؤمنين موثقين عراها اللي حكاياهم مع الطرقيه .. ماحسبوا لسنينهم وعناها والكار غربية مثل شرقيه الحل : اصحاب الكهف الفائز : انوار النقاط : 2 |
رد : نقاط الفائزين لمسابقة الألغاز الشعرية (2)
اللغز الثاني عشر قولٍ يقولونه هل الفكر والعرف واستشهدوا بالقول راعيين الألباب يعني اذا حسيت بـ إنك على جرف ريح دماغك من التعب واقفل الباب الحل : باب يجيك منه الريح سدّه واستريح الفائز : البتّار النقاط : 3 |
رد : نقاط الفائزين لمسابقة الألغاز الشعرية (2)
اللغز الثالث عشر احلامهم ماهي من اضغاث الأحلام احلامهم حق وصارت حقيقه اللي قفاه الطير مرقمه بـ رقام واللي توفق سهل الله طريقه الحل: نبوا ومجلث اصحاب سيدنا يوسف عليه السلام بالسجن الفائز : البتار النقاط : 4 |
رد : نقاط الفائزين لمسابقة الألغاز الشعرية (2)
اللغز الرابع عشر بأنشدك ياراعي المعرفه والفكر عن اليدين ام الأصابع وينها هذي ايدين ماهي ايدين البشر وبعض البشر يمكن تصير ايدينها الحل : القفازات الفائز : سولافا النقاط : 3 |
| الوقت المعتمد في المنتدى بتوقيت جرينتش +4.
الوقت الان » 00:00. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع