أحبه ولازالت هي النيه النيّه=فلابعدها بنتٍ ملت قلبي او عيني
برت جسمي الناحل بكثرت طواريّه=خذتني معه ولدري وينه توديني
جمر غيرها رمّد وهي جمرته حيّه=من اللي لقيته في غيابه مكفّيني
هي الكيّه أو هي اللي ألعن من الكيّه=هي اللي ليا من نمت جت لي تصحيني
أنا اعطي لها الحسْنه و وتعطيني السيّه=وأنا أسعى على وصله وتسعى تجافيني
اذا صارت العالم بعينه سواسيّه=ياكيف ارتجي قربه واخيله تهنيني
أنا مَحتمل كبره ولَرضى تعاليّه=سوى الخافق اللي كل مبعدت يدنيني
ترى الحب عله والعواذل عليميّه=تقطّع بنصحه مثل قطع السكاكيني
ألا يالرفيق اللي هروجه تجاريّه=مانقبل بها الأصلي تبين أقبل الحيني
أحبه ولازالت هي النيه النيّه=تموت الخلايق ما عن الزين تثنيني

الرسالة الأصلية كتبت بواسطة سالم بن جلعان (مشاركة 293464) هلا يا العمريني وصح لسانك على النص الجميل والحضور الشعري المميز سرني تصفحي لهذا النص اخيك سالم

الرسالة الأصلية كتبت بواسطة غارم العمري (مشاركة 293592) اسامه العميريني نص رائع ولا غريبه غليك فانت شاعر مبدع لك كل التقدير