شعبيات - مصافحه اولى (ثورة الهامي)

شعبيات (http://www.sh3byat.com/vb//index.php)

- قوافي البوح (http://www.sh3byat.com/vb//forumdisplay.php?f=13)

- - مصافحه اولى (ثورة الهامي) (http://www.sh3byat.com/vb//showthread.php?t=18062)

مصافحه اولى (ثورة الهامي)

السلام عليكم ورحمة الله وبركاته

هذه اول قصائدي المنتدى الشامخ واتمنى ان تنال اعجابكم

(...ثورة الهامي...)

كتبت اعذب حروفي لك ..وعشتك اجمل احلامي = يااول من عشق قلبي ...واغلى من سكن فيني
نثرتك في شراييني ...وشلتك باالسما السامي = شكيتك يااعذب جروحي ...ولاغيرك يواسيني
تمنيتك تجي لحظه ....ولكن عشت باوهامي = تحديت الخطر لاجلك ...وشفت الموت في عيني
سهرت الليل من شانك ...وزادت لاجلك الامي = كسرت الحاجز اللي حال مابينك ومابيني
عشقتك وابتدا مشوار حبي وسارت اقدامي = على ذاك الطريق اللي على بيتك يوديني
امرّه ...واذكر اوقاتٍ مضت لي ذيك الايامي=واحس اني بها اسمع صدى صوتك يناديني
سمعته ....وارتمت صحف الغرام وخطّت اقلامي=عليك اعذب قوافي شعر ظمتها دواويني
نسيتك ؟ كيف انا بانسى؟ وطيفك دوم قدّامي =يجي اقرب من ظلالي ..ولاتاصل له يديني !!!
على ذكراك ياروحي تفجر ثورت الهامي =بابياتٍ تذكرني بها لاصرت ناسيني

محبكم /عادل سليمان المخلفي

رد : مصافحه اولى (ثورة الهامي)

ما اجملهااا من مصافحة حياك اللخ اخي الفاضل صح لسانك وسلم قلبك ...على ثورة اللهامك ..

تحياتي

رد : مصافحه اولى (ثورة الهامي)

صح لسانك اخوي وياهلابك

رد : مصافحه اولى (ثورة الهامي)

إقتباس:

الرسالة الأصلية كتبت بواسطة موضي الهذلي (مشاركة 284781)

ما اجملهااا من مصافحة حياك اللخ اخي الفاضل صح لسانك وسلم قلبك ...على ثورة اللهامك ..

تحياتي

صح بدنك

ويسلم قلبك

واتمنى لك التوفيق

رد : مصافحه اولى (ثورة الهامي)

إقتباس:

الرسالة الأصلية كتبت بواسطة الشيهانة (مشاركة 284783)

صح لسانك اخوي وياهلابك

صح بدنك

وبارك لله فيك