شموخ الخطاوي ..!!
. . . مسـاكم شعر ...
(شمع الرجاء) .. ماهو كما (ظلمة الياس)=تفرق .. ويفرق بينها كل هاوي يوم الدواء .. ياقف على الجرح بالفاس=ماكان عندي .. للجروح المداوي ويوم الطموح بداخلي روح وأحساس=تهدّم على دربي .. شموخ الخطاوي همتك .. ماتقدر على قوة الباس=لكن .. روحك مثل روح الفداوي خليتني في مبسمك طير عساس=أفرد جناحينه .. وقلبه هواوي لـ .. الهم في ذكراك دربٍ ومجلاس=ولـ .. الضيق في وسط المحاني غزاوي ذاب الرجاء بالشمع .. والبوح حساس !!=والدمع .. من حزني غدى .. ذيب عاوي !! ليتك ... تثمن كلمتك قبل الأفلاس=بنك المحبة .. مايعرف العزاوي !! .. ( عيون السحاب = عبدالعزيز العبدلي ) .. |
رد : شموخ الخطاوي ..!!
صح لسانك وطاب بيانك ياعيون السحاب
|
رد : شموخ الخطاوي ..!!
صح لسانك ياعبدالعزيز .. قصيدة بريحة الهيل ..
|
رد : شموخ الخطاوي ..!!
عبدالعزيز العبدلي مطلع مثل الوسم يا شاعر (شمع الرجاء) .. ماهو كما (ظلمة اليـاس) تفـرق .. ويفـرق بينهـا كـل هــاوي الف صح لسانك كل الود |
الوقت المعتمد في المنتدى بتوقيت جرينتش +4.
الوقت الان » 11:48. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع