يازجاج الوقت لا تجرح مناي=مابقى لي شي غيره أرتجيه
هودواي اللي وقف في وجه داي= هومصبرني على اللي ما أبيه
أذكره لا جيت أبستجمع قواي= وان نسيته معطف الضعف ارتديه
ما أفرط فيه يبقى في حشاي= وان تأخر في وقوعه باحْتريه
لاجْله امضي واترك العالم وراي = واغلق سْموعي عن اقوال السفيه
السفيه اللي ضحك ساعة بلاي = ضحكي ان حققت حلمي يبتليه
حلمي المبصر رفع عني عماي = واطلع عْيوني على الدرب النزيه
درب حلمي في بداياته ضماي =والمخاطر حفته من جانبيه
فوْسطه أحس لحظة منتهاي= لكن اصبر وانتظر ماذا يليه
لين تتساقط نجومي من سماي=نجم يسقط واخرٍ يبكي عليه
معهم ابكي غير من يسمع بكاي؟؟=درب حلمي ضاقني من ضيق فيه
بعدها اقرب من وصولي مبتغاي= وانظر لقصرٍ شموخه معتليه
شوفته تمحو من دْماغي عناي=واتلهّف لاجْل شي ٍ بلتقيه
شي ملكي ما بلحدٍ سواي=تاج حكم القصر احط اسمي عليه
ذاك في دنياي هو أقصى مناي= جعلني ما موت لين اوصل إليه