لاتحسب اني على الشهره واهلها شفوق=لوّ. لي بها شف قبلك كان مريتها
الله يعينك عليها يا الحصان السبوق=اهم شي الدعاية يوم سويتها
دنياك مرٍ تغيّب بك ومرٍ تفوق=الله يعينك على نفسك وتثبيتها
عليك لله حقوق ولك عليها حقوق=حاول تناسا العلوم اللي تمنيتها
الحد في ديننا يقطع يمين السروق=عسى صلاتك على التوقيت صليتها
العقل نعمة وكل له من الناس سوق=احدن طمن سوقها واحدن رفع صيتها
ان كان ما للشعر حكمه ومعنى وذوق=جنبت روحي عن الساحة وخليتها
اهل المهمات دايم صيتها فوق فوق=ماهي بمحتاجة الفزعه وتصويتها
ان وقفوا في المحافل شاقوا العين شوق=اطرب لوقفاتهم واشوش لاوحيتها
ان واعدت ما اخلفت وان عاهدت ماتبوق=ربعن على الطيب والناموس لاقيتها
اللي تربّع غلاهم فوق عرش الخفوق=ليا دُعت شرّفت وليا دْعت جيتها
ولا انت حطك زمانك غصةٍ في الحلوق=ابلشت ليلى بصوتك يوم لاحيتها
وتسوق لك موترٍ بين الحساء والفروق=واصحابك اللي معك ماعاد حاكيتها
ماتدري ان المره قد هي تطير وتسوق=تاخذ ثلاثين يوم ماتجي بيتها
مضواح بن شتوي=

الرسالة الأصلية كتبت بواسطة محمد مدران اليامى (مشاركة 269006) ان كان ما للشعر حكمه ومعنى وذوق=جنبت روحي عن الساحة وخليتها . صح لسانك يامضواح ..قصيده فيها حكمه ومعنى وذوق..

صح ابدنك يامحمد

وشرف لي مرورك من هنا ياوجه محلف جعلك تبطي حي يالوافي



لاهنت وتقبل خالص تحيتي

تسلم ياغالي والله يطول عمرك ... حضور جميل يامضواح .. ! =

اشكرك واتمنى لك التوفيق .. وصح نبضك وسلمت يالغالي=