الـفــرقــا
الى قلوبكم للتواصل
عزّاه ياقلب ٍ على واهج النار=يزهم ويدعي بس ما احد ٍ يجيبه ذاق بحياته من تصاريف الاقدار=ويزيد همّه يوم يذكر حبيبه ماللمهونه في مراسيه تذكار=نفسه عزيزه والجمايل نصيبه صار الملك والمملكه زين الاشعار=وصار البطل والكاس حرفه يجيبه وصار الصويب اللي به الوقت غدار=يحكي بنبرات الحزن وتحكي به دار الشقى في دنيتي دار ثم دار=والحظ حوّل قلت ربي حسيبه لاهنت ياحزن ٍ توصيت بالجار=وانا اللذي ضاقت عليه الرحيبه من وين ما اجيها تقدم لي اعذار=وتقول : تكفى حبنا وش تبي به؟ الحب في نهج المحبين مابار=لانت له قلوب ٍ لو انها صويبه والحب لاهل الحب به ريح الامطار=تخضر به نفوس العباد العطيبه والحب ساطي ثم ساطي وجبّار=يقلط بلا دستور ويفكّ جيبه نذبح له الحايل ونفتح له الدار=واوسّده يمناي ويزيد هيبه استمتع بوصله واذا بار ثم جار=باندب زماني والحظوظ الحريبه واذا انتهى عصر المحبين الاحرار=ودّعت نزواتي وبادعي النصيبه وباقول : يامولاي يالنافع الضار=تجبر عزى قلبي بفرقى حبيبه |
رد : الـفــرقــا
صح لسانك ياسعيد
قصيدة رائعة وجزله لاهنت على تواصلك لاعدمناك tsh6 |
رد : الـفــرقــا
صح بدنك طااااااال عمرك شاكر لك مرورك واسف على التاخير بس الضروف تجبرنا تحياتي |
الوقت المعتمد في المنتدى بتوقيت جرينتش +4.
الوقت الان » 18:37. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع