|
8 / 10 / 1429
السلام عليكم . . انا والمدعو / كيبورد ثالثنا الشيطان لا يحق لنا الخلوهـ ببعض لكي لا نندم إنتقدوني لن أرتقي سوا بـ نقدكم وذآقاتكم . . . ماجيت أدور في /// مكانك بقاياي ـــــــــــ جيتك أدورني ....... ترى ضعت كلي شفني مشيت هناك مارحت وياي ـــــــــــ كلي غفا عندك .. أنا فيه / .. قلي ؟ لو كنت نايم طالبك قوّم .. أعضاي ـــــــــــ لو تدري أني موت / محتاج ضلي !! ماكنت خليت العشق يسكن أقصاي ــــــــــــ ولا كان سقيت العشق / في محلي آسف أبآخذني .. معي بآخذ أشياي خذها ملامح .. بوهتي لو تسلي كني وطن ينقص من عروقه الماي ـــــــــــ كني شجن عايش على جور غلي ياهي قساوهـ ضيم تستعذب الناي ـــــــــــ صاير أنا بين المخاليق .. خلي ! . . أحضن دموعك وسافر ! لاتجففها عليك ! هو صحيح الدمع كافر ! إيه .. وش ذنبه يبيك !!!! , , قلبي أصحك .. لايجي حبٍ جديد ـــــــــــ مافهمت ألحين وش هو الإنكسار ؟ يعني : .. التغريب والحظ العنيد ـــــــــــ يعني .. الله لا يوفق ... : هـ المطار ياخذ أطهر ناس بالحجز الأكيد ! ـــــــــــ ويرجع أخبث ناس في وضح النهار يالله نسأل يالوطن هل من مزيد ـــــــــــ أقفوا الغيّاب ..... والشوق إحتضار والحزن عايش على قلبي .. رغيد ــــــــــــ والشجن يجتاح نظراتي .. بحار ! داخلي .. صرخه تطرزني .. نشيد ــــــــــــ ربما .. تشبه .. معاني .. الإنصهار تسحب اللهفه علي ثمن .. تعيد !!! ــــــــــــ داخلي // .. كل .. التناهيد .. الكثار أدري أنك كنت .. فـ الماضي حديد ــــــــــــ لكن اللي مادريته ........ بإختصار : . . . صرت تنبض داخلك حبٍ .... / جديد ـــــــــــ الله يستر ..... هذا ثآني .... / إنكسار . . وبرحل .. ! في سما .. زرقا هناك : بعييييييييببببببيد وإذا هـ العيد سأل عني : قل له أول الغيّآب ! رفض نفسه .. ! تجارب .. تشبه / أوقاته وحسراته لآخر حب وآخر صرخه نادت له من الأحباب . . أشوف الهم .. لحظاته .. كسوله ــــــــــــ تطوّل .. والمدى يبعث .. جروحي تعالي للتعب شوفي .. / هطوله ــــــــــــ مللت أجلس هنا وأثري .. بروحي بزوغ الضيم مستشرق / بدوله ــــــــــــ يشابه فـ القدم .. معنى .. طموحي يفارقني الفرح وأبطى حلوله ــــــــــــ يشردني .. الألم .. هدم صروحي غديت ألحين واحد من فصوله ــــــــــــ إذا جيتي .. ذهب حزني ونوحي لعب .. فيني وأخذ فيني بطوله ــــــــــــ وهاجرني .. وهاجر نبض بوحي . . خروج : العيد ! للتنهيد . . العيد للتنهيد . . العيد للتنهيد . . عمر |
صباح الشعر ..~
\tsh6 مختلف مساء الأربعاء بـ أحساسك .. نتنفس شعراً بـ قرائتك يـ المسفر .. يعني : .. التغريب والحظ العنيد ......... يعني .. الله لا يوفق ... : هـ المطار ..! ياخذ أطهر ناس بالحجز الأكيد ! ......... ويرجع \ أخبث ناس في وضح النهار ..! \ غير هالبيتين ..::heart:: : |
رد : 8 / 10 / 1429
كني وطن ينقص من عروقه الماي ـــــــــــ كني شجن عايش على جور غلي صح لسانك ياعمر شكراً على هذا الحضور ود و ورد tsh6 |
رد : 8 / 10 / 1429
الله الله يا عمر المسفر ... من أي مدن الحب اتيت..! صباحك شعر فاخر يا عمر مررت ولم اكن اتوقع كل هذا البذخ الشعري وهذا النبض المختلف ... هم دائماً المميزون هكذا ... يجبرونك على التصفيق لهم يبهرك نتاجهم قبل ان تحفظ اسمائهم وهنا الفرق ... بين الجيد والعادي وانت أبداً لم تكن عادي مررت يا عمر وسأمر كثيراً تحياتي / اخيك / سالم بن جلعان |
رد : 8 / 10 / 1429
|
رد : 8 / 10 / 1429
صح لسانك يا عمر
نص / نصوص مشبعه بالكثير من الشعر سلمت يمناك |
| الوقت المعتمد في المنتدى بتوقيت جرينتش +4.
الوقت الان » 15:54. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع