عقب الفجر ضايق ولا حولي رقود=حزين وآهوجس على كل ملة
مغير اسندها على سهود ومهود=واضحك على نفسي وانا اقول يله
يمكن يطيب الوقت ويصير به فود=ويجي زمانً يعكس اللي وصل له
وارجع واطالع كلمتي بعين منقود=ويضمني الهوجاس كلي وكله
ليه الذي يعطي وفا يقبل جحود=هذا سؤالً صعب نحتاج حله
يجوز هالوافي غباءه بلا حدود=يوم ان طيبه راح لانسان عله
والا الردي لاصار موجود مفقود=لارتفعت العالم مكانه نزل له
وقف معاد ابغى تفاكير وشرود=صدري كلاه الضيق مما حصل له
النوم فارقني ولا ظني آنود=وهوجاسي بحظني وضيقي محله
واسج بالدنيا وباحوال الوجود=وبافحص الموضوع بعضه وجله
فاحيان توصل للسما دون مجهود=حتى ولو تخطي يقولون زله
واحيان ماتنعد لو كنت موجود=لاقلت ودي جاوب الوقت لله
اتعبني الهوجاس والوقت محدود=وكان الردي مبسوط باقول خله
وقله ترا مع كل مذموم محمود=واذا بغيت آبشخله وآبزله
ولاطالني ظمن المقاريد مقرود=يمناي تبطش دون سيفً اسله
دام العدالة ماتجي دون بارود=انا دليلَه خل غيري يدله

فاحيان توصل للسما دون مجهـود
حتى ولو تخطـي يقولـون زلـه
واحيان ماتنعد لو كنـت موجـود
لاقلـت ودي جـاوب الوقـت لله










حمد المليحي











ما أجمل أن يأتيك الرجل على سجيته المعهود عليها

فيبوح بما يكنه قلبه

فهنا يكمن الوضوح ويقف الشموخ شامخا" ضد عوامل

التعريه ويصبح الصحيح حقا" لا بد منه .


في زمن عز الوضيع و الحقير أو بمعنى أصح


عز الهلامه






يشرفني ان اكون أول من صافح هذه التحفه وأمعن فيها الى حد الثماله.

صح ألسانك




وتقبل مروري المتواضع

الرسالة الأصلية كتبت بواسطة علي مشعل اليامي (مشاركة 250980) فاحيان توصل للسما دون مجهـود حتى ولو تخطـي يقولـون زلـه واحيان ماتنعد لو كنـت موجـود لاقلـت ودي جـاوب الوقـت لله حمد المليحي ما أجمل أن يأتيك الرجل على سجيته المعهود عليها فيبوح بما يكنه قلبه فهنا يكمن الوضوح ويقف الشموخ شامخا" ضد عوامل التعريه ويصبح الصحيح حقا" لا بد منه . في زمن عز الوضيع و الحقير أو بمعنى أصح عز الهلامه يشرفني ان اكون أول من صافح هذه التحفه وأمعن فيها الى حد الثماله. صح ألسانك وتقبل مروري المتواضع

الرسالة الأصلية كتبت بواسطة ملك الورد (مشاركة 251010) صح لسانك اخوي حمد وان شاء الله اخر الغيبات

الرسالة الأصلية كتبت بواسطة سعيد المري (مشاركة 251523) وارجع واطالع كلمتي بعين منقـود ويضمني الهوجـاس كلـي وكلـه ليه الذي يعطي وفا يقبـل جحـود هذا سؤالً صعـب نحتـاج حلـه حمد المليحي صح لسانك ونبضك .. تقبل مروري المتواضع

الرسالة الأصلية كتبت بواسطة جبران (مشاركة 251832) المليحي صح لسانك اعجبني البيت الي تقول فيه : واحيان ماتنعد لو كنـت موجـود لاقلـت ودي جـاوب الوقـت لله ياسلام عليك عن جد جميل