لي صاحب(ن) لو غاب ذبت و سلت شوق=وش عاد لو يبعد و فـرقـاه أحصلت
يجتاحني لو غاب لو لحظات عـوق=و يهدني لـو حبل مـيـعـاده فـلت
وضح" توسم لا مشت بـيـآت سوق= من هـام فيها قيل قـدرتـك أنـزلت
وأن خايلت عيني شعا نوض البروق= كـني بها لا رحبت بي و أقــبـلـت
ما بـيـنها أو بين خلق الله فروق= ألا أنها من فـوق خلق الله عـلـت
يعني مـلاك و حط من نفسه بذوق=من شان حـواء يوم شافتها جـلـت
تمثال جوز وفستق مطوق بـطـوق=فيه أنكتب يا بخت من فيه أبتـلـت
ريم" و طلتها مثل بزغ الـشـروق=يـذير منها ظـلـهـا لا هجولـت
أقفت و دمي ناشف" وسـط العروق= وأرخـت عنان البعد عني وأصهلت
واليوم باقي طيـفـها كلني بشوق=وش عاد لو يبعد و فرقـاه أحصلت

أقفت .. و دمي [ ناشف ] وسـط العروق
وأرخـت " عنان " البعد عني وأصهلت ..!

يوجع القلب هالـ التصوير ..

;

علي اليامي :

حيّاك الرحمن بـ قوافي البوح ..
و دوم ان شاء الله هالتواصل ..
و الشكر موصول لـ آل ذيبان ..

tsh6

علي مشعل اليامي
أهلا بك بين اخوانك وفي محلّك ، شكراً لك لقبول والدعوة
والشكر موصول للغالي حسين آل ذيبان على دعوته tsh6.

" وضحٍ توسّم لا مشت بـ أيات سوق :) "

صحّ لسانك يا علي ولا عدمنا هـ التواجد tsh6