=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=
=

ليت لي حيله واجي واحتال بـك=وليت ما قلت بحياتي ليتنـي !!
يابري حالي ليامـن مـال بـك=التغنّـج والدلـع .. لا جيتـنـي
دوم احس انـه نعاسـك غالبـك=معنّي رموشك ! وانا عنّيتنـي !
بس .. ذا المره ما طاب الفال بك=جيت ولـدرب الجفـا حديتنـي
لكن اسمع هالشعر وش قال بـك=دام صبت اللي تبـي واخطيتنـي
الغـلا حقـك ! ولانـي سالبـك=ابسـط حقوقـك ولـو مليتنـي
شوف عيني يوم دمعي سال بـك=ضمتـك حتـى ولـو ابكيتنـي
وانت رغم اني شغلت البال بـك=سلت مع دمعك ولا ضميتنـي ؟!
كان بـه شـي ٍ عليّـه قالبـك=بطلبـك حـاجـه اذا خليتـنـي
لانويت تحب غيـري .. طالبـك=لا تحبّـه كثـر مـا حبّيتنـي !!

مـرات احـس القصيـد بـدم شريانـي=يضخّـه القلـب ليـن يقولـه لسـانـي
واني كتبـت الغريـب الراقـي النـادر=وانه خلاصـة علـوم الفكـر الانسانـي
ومرات احسّـه شـي لا يمكـن آصلـه=وان الصحافه مجـرد مـدح مجانـي !!
واني ليامن قريت ( لعافت ) و ( مدغم )=زهدت فيمـا كتبـت وشابـت الحانـي
لكّن واللي خلقنـي غيـر عـن غيـري=إنـي أحبّـه واعـده ثالـث اخـوانـي
لذا يا شعّـار جيـل ( الكـل متمكـن )=والكـل مـبـدع ومتمـيـز وفنـانـي
أخذو حقيقـة مشاعـر شاعـر ٍ منكـم=وجهة نظر والصراحـه نبـض قيفانـي
المسألـه كلـهـا .. فـكـره وقافـيّـه=وأبيات مسموعـه مـن فـلان وفلانـي
نفس العتب والغزل واللي قبـل افضـل=ونفس الفخر واطيّب العربـان عربانـي
نقـول شـي ٍ يقولـه غيـرنـا لـكـن=الفـرق بالحبكـه وتوقيـت الازمـانـي
يعني بلاش انتظاهـر ( بالأنـا ) واجـد=ما فيه ( ابو الطيب ) ولابه ( لويحاني )
ماني بعمـم !! ولكـن اغلـب الاغلـب=مستشعر .. مهايطي خلقه .. وقومانـي
لـو انـه يعاتـب الرعبوبـه الحـلـوه=يقول ياطيب ابـوي وطيـب جدانـي !!
ومدام هـذي حقيقـة وضعنـا الراهـن=يمكن مـع الوقـت رب البيـت يبلانـي
فإن كان شفتوا اهياطـي يـا جماهيـري=تجاهلـوا كـل اشرطتـي وديوانـي !!
خلونـي احـس فـي قيمـة تواجدكـم=واتعب على ذوقكـم كـان الله احيانـي
لكم علـيّ اقلـب الدنيـا علـى شانـه=والـي عليكـم تحبونـه علـى شـانـي
وعلى العموم الغريب احساسـي الليلـه=ماهوب باحساسـي ان فارقـت شيبانـي
عوايدي لا تركـت ديـار اخـو مريـم=أشعر بضيقه واحـس الشـوق أضنانـي
لكنـي اليـوم كنـي جـالـس فبيـتـي=مابيـن ربعـي وخلانـي وصدقـانـي
فيا أمـا الكويـت موجـوده هنـا معنـا=يا أمـا دار الخفـوق ديـار ابـن ثانـي
أحبّها من قبـل لاجيهـا وامـوت بهـا=واحسّها غييير فـي فكـري ووجدانـي
واللـي مـزوّد غلاهـا شعبهـا كـنـه=يعطّـر الارض كمبـودي وريحـانـي
من كثـر ماهـو ودود وسمـح ويقـدّر=ماكني بضيـف كـن الشعـب ضيفانـي
والـدار تبـارك الرحـمـن مــا شالله=دره وفيهـا الجمـال اشكـال والوانـي
هنـا التطـور صحيـح بكلبـوا حاجـه=رياضـي وفكـري وفنـي وعمـرانـي
الله يبيـض وجيـه شـيـوخ ديرتـكـم=يشهد لهـم قاصـي العربـان والدانـي
في ضل قايـد مسيرتكـم ابـو مشعـل=وعيالـه وعزوتـه ذربيـن الايمـانـي
امجادكم مـا هـي بسهلـه و حـي الله=لا والله الا بحـد السـيـف شامـانـي
ويكفيكم مـن المآثـر موقـف الخفجـي=يـوم الجمـوع اتداحـم فعلكـم بـانـي
وعمـار يـا ديـرة التاريـخ والطيبـه=في ضل شيخك ( حمد ) وامجاد ابن ثاني

يالله ثبتنـي .. علـى درب الهدايـه والهـدي=واغفر ذنوب ٍ فوق متني .. كـل يـوم أشلهـا
اسألك حسن الخاتمه لا جات لحظـة موعـدي=وأعوذبك من شـر بقعـا والصـدور وغلهـا
واليا اجتهدت بماقفي طالبك لا يضيـع جهـدي=واسألك تمنعنـي مـن الزلـه قبـل لا ازلهـا
وتعين رجليني بطاعـة شايبـي علـى العـدي=وتزرع محبة خدمته فـي خافقـي .. وأجلهـا
فإن طبت في خدمة ابوي اشوف طيبي بولـدي=مثل .. مثل .. ما هيب لحية ليتهـا يـا علهـا
وانك تثبتني .. على نهج المراجل لا .. غدي !!=حنا بزمن !! فيه الرجـال الوافيـه يـا قلهـا
فالرجل لولا الدين والاخـلاق والكـف النـدي=ما كنه الا الشجره اللـي مـا يظلـل ظلهـا !!
والشاعر ان ما راوده الاحساس بانـه مبتـدي=يعمي الغرور عيونـه ويكشـف عيوبـه كلهـا
وانا اعتبرت الشعر دمعه تسكن براحـة يـدي=أليا حزنـت أهلهـا .. وأليـا فرحـت أهلهـا
واليوم هذا غير !! كن الشعر في كـل جسـدي=لا جف ريق أعذب بحور الشعر !! جيت أبلهـا
وفي مدحكم يا أهل الحفل يطيب موال الشـدي=ومن شانكـم تتسابـق بيوتـي عشـان أهلهـا
انا انشهد الجلاّل مـا فيهـم ضعيـف ولا ردي=لهـم مكانـه تبطـي الردّيـان مـا تاصلـهـا
لو كان ما فينا عضو ولا وزيـر ٍ فـي بلـدي=من طيبهـم نعقـد حبـال الواسطـه ونحلهـا
ونيابة ً عن الرجـال اللـي كرمهـا سرمـدي=اللـي جمعتنـا فـي ضيافتهـا وفـي محلهـا
يا مرحبا ترحيبة ٍ مـن بيشـه إليـا الاحمـدي=باللابه اللـي سجلـت كـل الشـرف بسجلهـا
سهول ولاّّ سبيع ولاّ سهيـل وأخـوه الجـدي=ألا الوكاد ان كلهـم واحـد وانـا فطـن لهـا
فالجد ولا فالمكانه .. فوق .. فوق .. ومقصدي=عيينين في راس .. وقلـوب الحاقديـن نعلهـا
نطّاحة القالـه هـل الطالـه كعـام المعتـدي=صفوة رجال اللي حكم شبـه الجزيـره كلهـا
مثل السحاب اللي ترزم واسبـل وهـلّ بـردي=نارد على حـوض المنيّـه والسيـوف نسلهـا
حتيييش لو درب العُلا صلف وصعيب وجرهدي=الله خلقـنـا للصـعـاب وللقـمـم نحتلـهـا
إليا رضينا .. نفـرش الدنيـا بسـاط ٍ أحمـدي=وإليا زعلنـا .. تبكـي عيـون الخليلـه خلهـا
واللـي يبـي يفلـح يقلدنـا وفيـنـا يقـتـدي=يعمل عمايلنـا إذا هـو قدّهـا كفـو ٍ لهـا !!
حنا شرحنا للبشر معنى ( سنافـي واجـودي )=هـذا طريـق المرجلـه ياللـي تبيهـا دلـهـا
قوم ٍ لنا في صفحـة الأمجـاد تاريـخ ٍ مـدي=سلايـل ٍ تغنيـك دق فعولهـا عــن جلـهـا

لا يطـوّل سكوتـك ولا يطـوّل سكـاتـي=تـرى الـدعـاوي بسيـطـه لا تكبّـرهـا
خلـك علـى خبـري وظنـي وهقـواتـي=خابرنـي الضيـق والضيقـات خابـرهـا
وسّـع لـي البـال يـا سيّـد طموحـاتـي=ولا تغيّـر النظـره اللـي كنـت تنظرهـا
تقول : حـب البشـر طـوّق مساراتـي ؟=ابـك انـت حبـك مساراتـي يسيّرهـا !!
ان غبـت عانـت عيونـي مـن معاناتـي=وذكـرك يصبّرنـي وطيـفـك يصبّـرهـا
لا يـا بعـد شهرتـي واعظـم نجاحـاتـي=وكل القصايد مـن ابسطهـا ليـا اشهرهـا
ولا يـا بعـد مـن يــدوّر لانكسـاراتـي=شعّار سبب وجـودي ضيـق خاطرهـا !!
انت اجمـل اللـي تسجـل فـي سجلاتـي=ان جيت : وين البشر ؟ وان رحت : مكثرها
يـا اوّل وآخـر قصيـدي وآروّع ابيـاتـي=محـدٍ يحـب القصايـد كثـر شاعرهـا !!
مـا فـاق حبـي لـك الا حبـي لـذاتـي=يعنـي احبـك محبّـه مــا اتصـوّرهـا
يا اصدق من النشـوه اللـي فـي بداياتـي=لا قلت لي كـم بيـت .. وقالـوا انشرهـا
واغلى من الدمعـه اللـي كـل صدماتـي=تطلـب يدييهـا !! واحجّرهـا ولا انثرهـا
وآحـن منـي علـيّ ان شفـت زلاّتــي=القـاك بررتهـا لـو صـعـب ابـررهـا
واطهـر حكايـة محبّـه فـي حكايـاتـي=مـن قبـل لا عيشهـا حسّيتـك اطهـرهـا
لا تلومنـي لا بديـت آخــاف وآحـاتـي=كـل حاجـةٍ غاليـه مـا ودّي اخسـرهـا
ولا تضـايـق لـيـا كـثّـرت جـيّـاتـي=ضيّعـت فيـك السنيـن وجيـت ادوّرهـا
تـعـال رتبـنـي ورتــب حسـابـاتـي=او تدري شلـون ؟! رتبنـي و بعثرهـا !!
مو مشكلـه لـو تصيـر اطـوّل مسافاتـي=المشكلـه لابـديـت احـسّـك اقصـرهـا
اكبـر عيوبـي : بديتـك مــن نهايـاتـي=واكبر عيوبك : لقيـت اوّلـك بآخرهـا !!
يـا مكتشـف عالمـي واقـدم حضاراتـي=حـرام كسـر الخواطـر بيـد جابرهـا ؟!
مـدام تقـدر علـى اللـي فـوق قدراتـي=لا تذخـر الفزعـه اللـي قلـت ذاخرهـا
رجعنـي لوقتـي او رجعـلـي اوقـاتـي=عاميـن تنطرنـي .. وعاميـن ناطـرهـا
وتقـبـل الــود والشـكـر وتحـيـاتـي=يـا ساكـن الـروح والـروح ومشاعرهـا
وروّق وركّـز وحـاول تفـهـم الآتــي:=فكـره تـأكـد قلـيـل الـلـي يفكـرهـا
لـو ان غيـري معـاك يسـوي سـواتـي=قلت : انت نعمه وهـو عاجـز يقدّرهـا !!