لاواهني اللي بنومه تهنا=مرتاح باله مايفكر ويحتار
اسامر النجمه وقلبي يونا=وعقلي تبهذل من كثيرات الأفكار
تضوي على لامسيت من ومنا=يالعنبوها كنها لاهب النار
اسباب خلٍ ياالله انه يحنا=راعي الخدود اللي مثل حمر الأزهار
ابوعيونٍ يوم شفته بجنا=عيون حرٍ طار من وسط الاوكار
ياوجد حالي كل لاجا تثنا=يحرم عليه الشبه في كل الأقطار
نوخ ركاب الحب في القلب بنا=صرح المحبه والمعزه والأسرار
من المحبه مرتوينٍ واكلنا=مير البلا ناسٍ تسمع للاشوار
اتلا العهد واضعانهم مع ضعنا=واثر البلا جانا من الناس الأشرار
جار البشر والوقت هذا امتحنا=بعده ترى والله بالكبد مسمار
بعده ترى لاشك حالي تدنا=كني كسير العظم مافاد جبار
والا كما زيزوم قومٍ مجنا=عن ديرته نيس ولاذكر واخبار
والا كما ملحاً خلوج تحنا=تبغى ولدها مير ناحره جزار
والا كما عودٍ كبير وتعنا=لانه طواه الفقر وعياله صغار
والا كما ورعٍ خطيرٍ يجنا=مذبوحة امه ويبغالها الثار
ذباحها ياالله لا تمتحنا=قدمه ذبحها ابوه ودموعه امطار
الشيب في راسي وانا صغير سنا=اليا لفتكم قولوا فلان في شهار

نــوخ ركــاب الـحــب فـــي الـقـلـب بـنــا
.................... صــــرح الـمـحـبـه والـمـعــزه والأســـــرار
قصيدة فيها عبق الماضي الجميل
الله عليك ياعبدالله