يالعروبه فلسطين (عياد الرشيدي)
 

السلام عليكم


قصيده اهديها لكم




هذا الحجر بيدين طفل الحجاره ---كنه يقول ارمو وانا اصيب بالعين
هذا اليهودي لو يكبر شعاره ---- ملعون لامله ولا يعرف الدين
بالارض مدفع والسماء منه غاره--- بسم السلام يقول بكره وبعدين
وين السلام؟ وقصفهم وسط داره---القنبله والا الحجر فرق الاثنين
والطفل ياطونه وضاع بوقاره--- وقبله وطو بنت ومعاق ومسنين
وجدي وجود اللي مودع صغاره --- بالصبح ياهتف غصب حره فلسطين
وصى عياله خص ذات العباره----القدس حررها وكل الميدادين
وجمع حجر من سقف باقي عمار--- يوم هدموها مصاحبين الشياطين
كبر وهلل بالاله استخاره-----كنه يقول الموت حاضر ولا دين
واصبح عليهم مثل هد الصقاره-- وارعب يهودي بالحجر حذفت يمين
حتى ارتكاله هالحقير بعياره --- وصابه بمرمى قلب واعدم شرايين
ودمه نزف حتى تلطخ وزاره-- بدمه تحنت حرمته شعر ويدين
وطاح الشهيد وصاح طفل بزهاره--ياجعل ابوي بجنته والبساتين
والطفل يحلف غيب صدق وطهاره----انه بدرب ابوه صف الشهيدين
وقبل العصر في عز ركزت نهاره----فجر بنفسه وقال ياقدس تحيين
ياقدس انتي قدس وانتي مناره--- يامعرج محمد وقدس المسلمين
القدس دمرها اليهود بحقاره----في مسجده دارو يهودٍ ونجسين
ملعونة المذهب وقوم الدعاره----ردو عن المسجد جموع المصلين
وجدي وجود اللي تشيل الحجاره--- اطفال صاحو يالعروبه فلسطين


وسلامتكم
اخوكم / عياد الرشيدي

صح السانك

وهذا هو دور الشعر


لك تقديري

صح لسانك اخوي عيّاد الرشيدي
 

بيض الله وجهك على هالقصيده وهالشعور الجميل اللي ما يستغرب على ابناء هذا المجتمع

تحياتي وتقديري

اخوك صالح السبيل

أخوي عياد الرشيدي

صح لسانك ولا هنت

شعور ليس مثله شعور .

تقبل تحياتي ,,,,,,,

أخوك / عبدالله مران

(1)- http://www.eqla3.com/cgi-bin/sh3r/u...ic&f=5&t=000753

(2)- http://www.eqla3.com/cgi-bin/sh3r/u...ic&f=5&t=000864

(3)- http://www.eqla3.com/cgi-bin/sh3r/u...ic&f=5&t=001095