سالفه وقصيده واقتراح
 

السلام عليكم ورحمة الله وبركاته

السالفه هذي حاصله لي قبل ست سنوات

بعد ما تخرجت من الجامعه جلست سنه وثلاث شهور بدون وظيفه

وما خليت مكان وقتها ما قدمت عليه وكنت شايل من راسي


فكرة الواسطه نهائيا ولا كلمت احد

المهم شفت الشغله بتطول وانا بدون وظيفه قلت باروح لواحد

وباحط فيه قصيده ابيه يتوسط لي(قصيدة نفاق) وكنت مجبور

وقتها على ها الاسلوب لان الدنيا وقتها ضاقت بوجهي

رحت له ثالث ايام عيد الاضحى عام 1417 وكنت مجهز القصيده

واذكر اني اكتبها قبل صلاة الفجر ليلة العيد من الحره

اللي فيني وقلت:

بالسلام ابدا قصيدي وابتدي

---------------------لابو ناصر شيخنا عز ووقار

جيت اسوق الرجل يمك مقصدي

--------------------جيت اعايد لك وقصدي للمزار

الحكيم اللي برايه نقتدي

--------------------والحكيم ان دارت الاريا يشار

وان ذكر اشيوخ وكرام اليدي

----------------------المشايخ اصبحوا جنبه قصار

في المكارم صار شيخي الاوحدي

--------------------وفي النسب رافع راس الافتخار

وفي الظلام بنور فكره نهتدي

--------------------حكمة الدنيا خذاها باقتدار

وان جلس الطيب جنبه يرعدي

--------------------يدري ان الطيب جالس بالجوار

من سنامان حنا وانتم مسندي

-------------------ومسندك لا ثار في الهيجا اغبار

لك ربوع(ن) ما تهاب المعتدي

-------------------شايف(ن) للويل راجع باندحار

الشيوخ انجوم وانته الجدي

--------------------يلتجي بك من زمانه فيه بار

لا تخلي ذا الزمن لي يضهدي

-------------------طالبك طلبه يا بو ناصر قرار

ومع ذلك وبعد المدح هذا كله ما نفع لكن ربكم سهلها

وتوظفت بالمكان اللي ابيه انا من الاساس بدونه

-----------------------------------------------

والاقتراح

يا الربع اللي عنده سالفه وقصيده حاصله له شخصيا او

احد من ربعه فلا يبخل بها علينا هنا يعطينا السالفه

وقصيدتها

واذا كانت بدون سالفه فكلكم تدرون ان مكانها بالمجلس

الشعبي

وتسلمون يا غالين

وتقبلوا تحياتي
[ نوفمبر 01, 2001: تم تعديل الموضوع بواسطة : هاوي قصيد ]

[ نوفمبر 01, 2001: تم تعديل الموضوع بواسطة : هاوي قصيد ]

اولا / مبروك افتتاح هذا الصرح العملاق واللي يعتبر نقلة في عالم الشعر , اهني جميع القائمين عليه والاخوان الاعضاء ونفسي اخيرا(شوفو التواضع)..


ثانيا / انا سبحان الله ما احب الواسطة وازين لك ما جت الوظيفة بواسطة والحمدلله على التوفيق..


ثالثا / ما قلت لنا نكتب اي قصة ولا فيه قصص معينه..؟؟؟

يعني يصلح اي شي.......؟؟
لان اساسا كل القصايد تنكتب بسبب ولا؟؟؟

ضمير(هي .. هي)

[ نوفمبر 01, 2001: تم تعديل الموضوع بواسطة : رهف ]

اختي رهف ذلك الضمير الحي

اختي المباركه للمنتدى للجميع لانه للجميع

بالنسبه لسؤالك

فيه قصايد من خيال الشاعر وفيه قصايد بموقف غزلي الشاعر

ما يبي يقوله فهذي كلها بمجلس الشعر ولكن

فيه قصايد يكون لها سالفه وقصه مثل سالفتي وقصتي اللي فوق

فهذي اذا كان القصيده معها سالفه فمكانها هنا

اذا الشاعر يفضل تكون قصيدته بدون سالفه وحالاتها كثيره

جدا فمكانها بمنتدى مجلس الشعر

اما والله ان كان الشاعر صادم بسيارته ومره خويه وراح

مع خويه للحلاق ومن الحلاق راحوا لمطعم بخاري وجاهم عامل

هندي وتمشكلوا معهم وتهاوشوا وطلعوا من المطعم وصدموا

بسيارة خويه وجاهم ونش وسحب السياره للتشليح ويوم

طلعوا من التشليح حق السيارات ركبوا ليموزين وصدم بهم

راعي الليموزين اللي كانوا معه وشالوهم بالاسعاف

ويوم حطوهم بالاسعاف صدم سواق الاسعاف بسيارة مرور او

شرطه وبعد السوالف هذي كلها حط الشاعر قصيده يبين

موقفهم وحالتهم فهذي مكانها هنا لانها جمعت السالفه

والقصيده

اختي عسى ان اكون قد اوضحت لك الفرق متى تكون القصيده

هنا ومتى تكون القصيده بمجلس الشعر

وتسلمين اختي على سؤالك الذكي واللي يبين النقطه هذي

لكثيرين والف الف شكر

[ نوفمبر 01, 2001: تم تعديل الموضوع بواسطة : هاوي قصيد ]

اختي اذا فيه اي سؤال اساليه وانا مستعد بالاجابه

بتفصيل اكثر اذا رغبتي بذلك

وتسلمين اختي

اخوي : هاوي ....ماشاء الله عليك تدور واسطه

وانا موجود الله يهديك هذي كبيره,,,لكن مايخالف

<<<<<< خايف منه يخانقه وتوصل مواصيله

لاتزعل علي هذاالكتاب شاريه من المكتبه نبي بس

رضاك طال عمرك وحاط الصفحه ومستعد لكتابة

الموضوع ودخلت هالموضوع وقريته وانت خوفتن ..

يعني لازم يصدمون ويتبهذلون :D على شان ينشر

لهم سالفتهم والقصيده :D يعني لو ماجرى لهم

شي ماينشرون :D :D :D

تراي أمزح طال عمرك ابيك :D تضحك...

انا عارف تاتقول كثر حكيك :( :( سم سم..

مع السلامه...

:D :D :D :D :D :D :D :D :D :D

الحمد للي عزك وحقق لك مرادك دون منته وتستاهل وصح لسانك

هاوي قصيد

نتمنى لك التوفيق

قصيده رائعه ولكن وين اللي يقدير

صح لسانك وبيض الله وجهك

اخوي راعي العنود ما اقدر اقول الا بيض الله وجهك وبس

اخوي فهد الرويلي

الله يعز مقدارك ويحفظك لغاليك والله يحييك بين اخوانك يا غالي

وسعيدين والله بوجودك معنا وتقبل تحياتي

اخوي ملاحي الهبايب

مرحبا الف بمكانك وصح بدنك يا غالي وتقبل اعجابي بشخصك

الكريم ونبل اخلاقك