|
قُلي مما تخاف ؟
موضوع / تحقيق تم نشره في احد المجلات الشعبية ( زمان ) الخوف الوجه الاخر للشجاعه.. ومن لايخاف من شيء ((جبان)) <-- حلوها عاد كيف مدري :D حدد اطباء النفس المخاوف المرضيه للانسان بعشرين نوعا وهي: المرتفعات,الاماكن المفتوحه,القطط,الزهور,<-- علماء على عيني وراسي بس فيه احد يخاف من الزهور ؟ :D الناس,الماء,البرق,الرعد.الاماكن المرتفعه.الاماكن المقفله.الكلاب.الحصان.السحالي. الصاعقه.الميكروبات.الجسد الميت.العدد.الظلام.الثعابين.النار. وتلك الحالات المرضيه تتخذ شكلا لفصولها في حياة كل شخص منا وتلك ظواهر طبيعيه وبالتالي لايوجد انسان بلا مخاوف فالمساحه التي يحتلها الخوف موجوده في كل انواع النفس البشريه وتتفاوت بين مخاوف كبيره مرهقه وصغيره عابره فهو انفعال يتولد عند الشعور باقتراب الخطر الذي يهدد الامن النفسي.. وهو يختلف باختلاف الاعمار والثقافات كما يختلف عند الذكور وعند الاناث. وكما يقول الامام الغزالي رحمه الله (لولا الخوف والغضب لم يملك الانسان مايدفع به الاذى عن نفسه) ونحن هنا نقتحم عوالم الخوف بدواخلنا لمعرفة تلك الظاهره اللافته للانتباه والمتزايده في هذا العصر.. فتاة تقول اخاف الحشرات بكل انواعها بدءا من النمل فما يتملكني من خوف تجاهها يشعرني انها قادره على الحاق الاذى والاضرار بي حتى وانا ادرك انها لاتملك ذلك ولكن تبقى هي مصدر خوفي الوحيد والدائم.. ( اغلب البنات عندهم نفس المشكله واولهم حضرتي ):D واخرى تقول:اخاف من الرسوب في الدراسه فمتى مانقص معدلي الدراسي اصبت بااحباط شديد وهلع متزايد وكأني في عيون الناس غبيه وأولهم أبي! وقد يتخذ الخوف شكلاً مغايراً وخاصه عن الرجل حيث يعرف عند علماء النفس (بالخوف الاجتماعي) وهو الخوف من المجتمع ويصاب به الرجال عادة اكثر من النساء تبعاً لطبيعة اعمالهم التي تقتضي التعامل مع المحيط الاوسع وهو المجتمع وهذا مايؤكده دكتور جامعي حيث يقول امارس التدريس في الجامعه منذ اربع سنوات ولازلت في كل محاضره القيها على الطلاب اشعر انها المحاضره الاولى لي في عالم التدريس وذلك بااختلاف الفصول والطلاب فذلك الشعور لايفارقني واحمد الله ان طلابي لايعلمون عنه..والا كانت مصيبه! ويقول شاب اخر:ان هذا الخوف الذي ينتابني عند حضور أي مناسبه يجعلني اشعر وكأني في هذا المكان مدعو مجامله وان ليس لي مكاناً في هذا الحفل وهذا التوتر دعاني الى العزله والاعتذار كثيرا عن حضور تلك المناسبات. وهناك صوره اخرى من صور الخوف القاتم-وهو الخوف من ركوب الطائره فيروي لنا احدهم يقول : سافرت في اول رحله على الطائره وكانت المطبات الهوائيه كثيره لدرجة جعلتني لااستقر على كرسي الطائره وذلك ماسبب لي الخوف البالغ، زاده ورسخه صديق لي في تلك الرحله كان شديد التشاؤم وواسع الاطلاع على كوارث الانسانيه فكان اول حديثه من اول الرحله الى اخرها عن كوارث الطيران!!!!!!!!!!!!!!!!!!! وبعض الفتيات لهن بعض المخاوف الطريفه تقول(اخاف ركوب السياره مع السائق مهما كانت جنسيته حتى لو اضطريت الى المشي على الاقدام ولاارتاح الامع ابي او احد اخوتي اشعر ان السياره بقيادة سائق ما تقودني الى الهلاك) ونضيف الى اشكالية الخوف المحرج(يقول احد الشباب) اخاف من الجمال! فهو يربكني يجعلني في وضع غير مستقر يعني بالشعبي اصبح (ملخوماً) ( الجِمال يا قراء بكسر الجيم مو بفتحها لاحد يوهقني :D ) اخيرا ً لايجب ان يقلق احد خوفاً من شيء ما فالخوف صفه طبيعيه ملاصقه للنفس البشريه فهو جزء من تكوين الانسان فالطفل يبدأ خوفه من اول يوم من الاشياء الكبيره حتى يصل الى اخر عمره ... والخوف معه يلازمه ولايفارقه .. فيجب توظيف النفس مع مصادر الخوف حتى لاتتمكن منا مخاوفنا فنصبح ضحايا لها. - انتهى الموضوع - الحين كل وحده / واحد .. يجي يقولنا من ايش يخاف وبصراحة ؟ :D علشان نكمل التحقيق :D |
رد : قُلي مما تخاف ؟
عن نفسي :D اخاف من الحشرات والحيوانات بكل انواعها واخااف من المرتفعات جدااا لدرجة دايم احلم اني اطيح من جبل او من لعبه في الملاهي :D ومره موقف حصل لي ما انساه طول عمري بسبب حشره ايام رمضان قبل سنتين كان وقتها طالع في الشرقيه حشره غريبه وحتى كاتبين عنها بالجرايد شكلها كان غريب مره ، كيف اوصفها لكم مربعه مدري كيف كنها دبابة او همر :D وصغيره تخوف من قلب المهم ايام العشرة الاواخر قلت لازم اروح الجامع علشان أخشع وأعتكف :D رحت للجامع ودخلت وصلينا وخشعنا وقام الشيخ يقرا ويبكي وانا ابكي معه وخاشعه جدا .. في هذه اللحظات اناظر في اللي قدامي الا والله شي يسرح ويمرح فوق راسها واركز الا والله الحشره اللي شفتها بالجريده لحظتها قسم بالله مدري وش جاني قمت انتفض من الخوف :D وصار البكى ماعاد هو بكى خشوع صار خوف من الحشره :D وراح الخشوع وراح كل شي وجلست اراقب الحشره لاتجيني :D وجا وقت الركوع وانا حالتي حاله الركوع كان اهون اللي خلاص حسيت اني ماقدر اتحمل وقت السجود وتعرفون ان سجود صلاة القيام يطول وربي ماقدرت رفعت راسي اشوف الحشره جاتني والالا (ياربي سامحني بس والله غصبن عني ) عاد تجيني افكار مدري شتبي افكر ان اللي وراي بعد تشوف فوق راسي حشره وخايفه وماتدري وش تسوي :D افكار لحظتها مدري وش تبي :D وبس عاد خلصنا صلاه بدون ماتجيني هالحشره ولله الحمد :D :D |
رد : قُلي مما تخاف ؟
إقتباس:
:D :D :D :D ياحبيلك يانوره حسيت انه فيلم هندي .. فيه تشويق غير طبيعي إلى حد ماتجي نهاية الفيلم هههههههههههه وينتصر الخير على الشر ههههههههههههه الحمدلله على السلامه tsh6 كفاره ان شاء الله :D |
رد : قُلي مما تخاف ؟
انا عاد مشكلتي مشكله ماعندي مشكله اطلع اماكن عاليه لكن المصيبه نزولها وهذي مشكله جديده بالنسبة لي :D واللحين شغلي الشاغل في مجمعات السوق مثلاً أنه أول شي انبش على المصعد الكهربائي أو على الأقل إذا طلعت درج كهربائي مستحيل انزل منه .. تكون الطلعه بالدرج والنزول من مصعد :D جتى اتذكر مره , رحت عند ديموس محل اثاث في طريق الأمير عبدالله والدرج الكهربائي كان عالي وطويل مره .. فطلعت عادي بثقه على أنه انا بانزل من المصعد .. تفاجأت انه مافيه :D طبعا كانت مناحه هذاك اليوم الين مالقيت حل :D خليتهم يقفلون الدرج الكهربائي النازل حتى حضرتي تنزل منه :D ماباقي الاّ باقة ورد وتصير زفة عروس :D يعني أنا كنت عادي وما أعاني من هالمشكله .. الاّ من سنه تقريبا .. وما أتذكر أي موقف خلاني اخاف أو عندي رهبه من هالشي .. يعني فجأه وانا اختك :frown: هذي حكايتي مع الزمان :D |
رد : قُلي مما تخاف ؟
هههههههههههههههه ياحبيلكم كلياتكم انا عاد عندي مشكله الطيارات اللحين ماكنت اخاف للدرجة هذي في الفتره الأخيره صرت اخاف مره أدعية و قرآن وتسبيح وتهليل كني احتضر الله يحسن خاتمتنا :frown: <- تذكرت وحزنت على نفسها :D |
رد : قُلي مما تخاف ؟
الحين ليه مافيه الا بنات في الموضوع مسوين مملكة المرأه :D ؟ إقتباس:
صدقيني لو انك خاشعه ما ناظرتي اول مره في راسها ولا ركزتي ثاني مره :D يا ناس في الصلاة يحاول الواحد يركز في مكان السجود و ما يتلفت <<< صورة وجه مفهي في نقشة الموكيت حق المسجد :D إقتباس:
نوره قد دخلت في اذني حشره و انا اصلي في البر المهم قعدت اختبرها و احاول اسمع وش يقول الامام لقيت اني اسمع الامام فاكتشفت انها حشره غير ضاره و تركتها :D الواحد يحاول يتحكم في ردة فعله الى اخر لحظه :D اما انا ما اخاف الا من الله ثم الاسد و بس الله يوسع صدرك بالعافيه tsh6 tsh6 |
رد : قُلي مما تخاف ؟
انا ما اخاف الا من ادرة شعبيات فاقع قلبي
خخخخخخخخ |
الخوف : d مدري .. أحس حالي ما أخاف ذاك القد ! تقدرين تقولين أقرف من الحشرات والحيوانات بس ما أخاف منها يعني لمّا ألمس أرنب أو خيل أو أي شي كذا وأحسه ينبض يعععع بس خوف لا الحمدلله .. والمرتفعات .. نو كومنت ! اعتبرها لعبتي tsh3 كل ما ارتفعت أكثر أنبسط أكثر tsh3 بـ صراحة خوفي الوحيد من شغله يمكن تضحكون علي فيها .. أنا صحيح أحب الظلام والليل والسهر .. بس وقسمن من تدق الساعه 12 الليل يدق بـ قلبي جرس الخوف وتبداني الهواجيس والوساويس أعوذ بـ الله ..! ليش ..! لـ ألحين أنا ما أدري : ( ما أقول إلا .. " يا ليل صدق من سماك موحش ودماس / سواد الليل جلاّب الهموم " |
رد : قُلي مما تخاف ؟
انا مااخاف من الظلام
ولا من الحيوانات ولا من المرتفعات بالعكس احبها .. اقرف من الحشرات بقوووه يعني تجيني كذا مدري وش اسميها حالة تشنج لاشفت الحشره اصلا ولااحط عيني عليها مااحب شكلها وهي تمشي امممممممم وش اخاف منه ؟؟ ايه صح اخاف من الكهرباء بقووووه يعني صعب اعدل الاسلاك او شيء زي كذا احس بيشفطني وطبعا هذا نتيجة لتجربة مريره مع الكهرباء :frown: وش بعد اممممم ايه تجيني لحظة خوف ماادري شلون اذا شفت فيلم واحد يركض وشي يلحقه يمممممممه قلبي يطربق طربقه ::heart:: هذي اكره لقطات الافلام عندي خصوصا لاصار يلحقه بسكين والا شيء زي كذا <<<بزر:D |
^ ^ وااااو يا عبدالله .. شكل الساراسير يهووووس tsh3 اشي مخطط واشي كاروهـ واشي تكسير شي عـ الموضه مررررهـ :content: << تبلد الإحساس :p إيييه صج .. حلاتها جذي وأنت نايم تلاقيها تمشي على فيسك ورجل تدغدغ خدك والثانيه تدخل في غمازتك واااااااااااو :icon120: وإلا تلاقي واحد يسترخي على صدرك والثاني على عينك والثالث يلف ويدور على خدودك والباقي يلعبون حبشه في رقبتك :content: |
رد : قُلي مما تخاف ؟
[QUOTE=أنثى الضجيج;227750][CENTER][B][FONT="Arial"][SIZE="3"][COLOR="Gray"]الخوف : d
أنا صحيح أحب الظلام والليل والسهر .. بس وقسمن من تدق الساعه 12 الليل يدق بـ قلبي جرس الخوف وتبداني الهواجيس والوساويس أعوذ بـ الله ..! ليش ..! لـ ألحين أنا ما أدري : ( ههههههههههههههههههههههههه موب عاقله سندريلا :) انا اقرف من الحشرات الله يكرمكم بصفه عامه والقوارض وخصوصا الفار اذا شفته في مكان اقعد قرفان طول اليوم واخاف من بكره :) وخايف وخايف وخايف وخايف والله من قبري ومن تربه تغطيني ............. وسيره تنقطع بعدي ما يبقى غير كلماتي :( |
رد : قُلي مما تخاف ؟
هههههههههههههههههههههههههههههههههههههههههههههههههه ههههههههههههههه من اللي نسف رد عبدالله ؟ :D <-- بريئة :D قلت احذفوا الصوره بس :D عبدالله قسم قلت الصوره بس :D <-- خافت ياحبي لك ياللي طعتيني :D الحين أتنفس الصعداء ولي عودة بتعليقات وتحليلات لكل الشخصيات اللي مرت هنا :D |
رد : قُلي مما تخاف ؟
ّ
موضوع سمين للغايه (: واحسن ما فيه خالد العنقري وخوفه من اداره شعبيات (: الجازي وهي توقف المصعد ( مدري ليه عجبني هالشي ) وبرضو اكتشفنا ان بيننا اول كهربائية سعوديه (: ( بيلسان ) وبس (: |
رد : قُلي مما تخاف ؟
نواره موضوع حلووو ..وياكثره انا اخاف واكره كره شديد الصراصيرررر:frown: ... وبعد اخاف من الثعااابين مووت لدرجة اليوم اللي اشوفها لو صوره احلم فيهاااا :frown: ..... القطاووه بعد تخوووفني جداااا:frown: واخااف من افلاام الرعب جدااا لدرجة اذا شفتها النوم هذا ماعرفه ..:frown: <<<وشهوله تشوفينها خخخ |
رد : قُلي مما تخاف ؟
إقتباس:
الجازي :D أدري انك تقصدين النهايه بايخه بس هذا اللي حصل :D وبعدين ماتدرين اني اكتب قصص بس توقف معي النهايه ماعرف اختم القصه :D |
| الوقت المعتمد في المنتدى بتوقيت جرينتش +4.
الوقت الان » 22:41. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع