بعد غياب أتمنى أن تنال رضاكم ياشعبيات الحب والأبداع":)

يتوهبك المدى ياناعس الطرفين يالمجمول = ويأخذ من مدى حسنك طموحاته ومأموله
وليامنه تثنى قدك المياس عرض وطول = يجمّعه المدى ويتوه في عرضه وفي طوله
جميل(ن) كل ماتقبل يشيل القلب منك أحمول = ونحيل(ن) كل ماتدبر تشيل القلب وأحموله
غريب(ن) تكتب الدنيا مدى في صفحة المجهول = تباشربك مقاديم السنين ومنك مذهوله
تغنابك ترانيم الوله يالفاتن العطبول = وخلفك كل الأسماء جات معروفه ومجهوله
وتزهربك فياف البيد وطيور الفضاء لك جول = وتشقابك قلوب(ن) في هواك سنين مقتوله
تجي مابين حد العقل واللأّعقل والمعقول = تغير في مفاهيم الزمن وتصير معقوله
وتجي مثل العزيز لياحتمى الكلمه بفعل وقول = وتجي كنك كريم(ن) كبريائه واكب أفعوله
ولكن لك ثلاث أسنين رتبك الفراق أفصول = ومزج كل الفصول أفراق حتى ذبت بفصوله
لك الله كم تمناك الوصل فالموعد المأمول = لجل لقياك نبض الشوق يمك يسرج أخيوله
وأنا سقت الأماني للأمل وأثر الأمل مقتول = خساره كم سنه وأغلى الأماني تتبع أفلوله
حبيبي كم بعثلك قلبي رساله مع المرسول = ولكن للأسف ضاعة مراسيله ومرسوله
أدورلك من أجزال البيوت النادر المقبول = لجل لامن قروها تصير في سيرتك مقبوله
وأنا ماجيت أحدد للمفارق من هو المسؤل = ترى ماهمني جور الفراق ومن هو مسؤله
أنا جيت أطعن الفرقاء بسيف(ن) بالوصل مسلول = شهرته في يميني لو أسيوف الغدر مسلوله
ويتوهبك المدى ياناعس الطرفين عرض وطول = ليامن تثنى قدك فعرضه وفي طوله

الرسالة الأصلية كتبت بواسطة حسين آل ذيبان (مشاركة 227321) الاخ / عبيد البديري تفاصيل جميلة وترانيم عاشق تعزف الصدق في قيثارة الوله. يتسامح قلب المحب عندما يكون الوصال هو نسمة الحياة أنا جيت أطعن الفرقاء بسيف(ن) بالوصل مسلول شهرته في يميني لو أسيـوف الغـدر مسلولـه عبيد البديري جميل ماكتبت وصح لسانك ياغالي تقبل تحياتي وتقديري حسين

الرسالة الأصلية كتبت بواسطة ابوفيصل العلاني (مشاركة 227322) بسم الله الرحمن الرحيم صح لسانك حتى ترضى

الرسالة الأصلية كتبت بواسطة الجازي (مشاركة 227398) أنا جيت أطعن الفرقاء بسيف(ن) بالوصل مسلول شهرته في يميني لو أسيـوف الغـدر مسلولـه عبيد البديري .. والله زمان ياعبيد عن شعبيات .. :) وين الناس .. ؟ صح لسانك و نبضك .. كم أسعدنا قراءة شِعرك .. / حرفك البهيج .. لا تغيب عن قوافي البوح .. نتأمل أن تتحفنا بمشاركاتك وتفاعلك مع الآخرين كما في السابق .. حتى تجد من يتفاعل مع روائعك .. أرق التحايا .. http://www.sh3byat.com/vb/images/icons/damn.gif

الرسالة الأصلية كتبت بواسطة متعب فهد (مشاركة 227399) صح لسااااااااااااااااااانك واجااااااااااااااد بنانك مدد بلاعدد دمت بهذا الابداع والتألق وتقبل خالص الود وابيض الورد اخوك / متعب