|
اشوف دنيانا علينا تغيرت
بسم الله الرحمن الرحيم
السلام عليكم ورحمة الله وبركاته هذا رجل من قبيلة العجمان ويدعى جرمان كان قد اسن وكف بصره وهو في شبابه من الشجعان ومعروف بالطيب والشهامه والنخوه* ارسل له احد اصدقائه كيسا من القهوه والهيل وهذا الصديق اسمه عبيان فقال حامل الكيس انه لا يعرف جرمان* اذا جاء الحي فليسال عن الشايب العمى فبلغت هذه الكلمه اسماع جرمان واستاء جدا ان صديقه لم يجد الا هذه الصفه لتدل عليه وكيف نسى ماضيه وشجاعته وفروسيته لذلك عمد الى رمي الهديه بالنار وقال هذه القصيده: يا راكب من عندنا عيدهيه ---------------------حايل ثلاث سنين واليوم حايل ملفاك عبيان حما دقلة الفلا -------------------------لا قلدوا لباتهن الشلايل ظفر اليا غطا السبايا كراره --------------------ثم صار دم الخيل مثل الوشايل قليل هدات الضحى وسط مجلس ----------------------لا قطع الفراغ ثون المفايل صديقي لي عبيان دفع لي هديه ----------------------ولا وصف جرمان وافي الخصايل اشوف دنيانا علينا تغيرت --------------------عذرا تدور في بعلها البدايل عشنا بها يوم تلينا زمامها --------------------ويوم تلتنا واسعفت للمخايل ياما غلبناهم نهار بركضه ---------------------تلقى قطيع الحصن فيها همايل يا سعود باوصيك مني وصيه ------------------والاجواد ما تنسى وصاة الاوايل اوصيك مني باربع خل غيرها ------------------فيها على الصبيان تاخذ نفايل اوصيك لا تصلح وربعك تحارب --------------------ولا تتبع الهونا تحوش الفشايل والثالثه بالضيف في ليلة الدجا --------------------لا خلوا الضيفان بعض الهزايل والرابعه بالاجنبي لا وزابكم -----------------------لو قام عامين فلا بد شايل ومن طق كلب الجار قد حس باله -------------------وبكوة غرير الجار تمحي الجمايل وسلامتكم وسامحونا على الصور جميع الحقوق للمؤلف بدر الحمد في كتابه قالت الصحراء |
اخوي
هلا فيك مرة اخرى يازين علومك ولو انك بعيد بعدين انتهت المجاملات فك لنا هالطلاسم ترانا جيل الموبايل ( يا صغري ) قليل هدات الضحى وسط مجلس ----------------------لا قطع الفراغ ثون المفايل (ثون المفايل) لو سمحت يعني البيت مهوب واضح وش معناه ترى معنا من انحاء العالم العربي والخليج متابعين والقلوب وحدة لو اختلفت الهجات يا سلام على اهلنا الأولين يقولون عنهم اللي يبون لكن بالله شوفو الحساسية المفرطة والحرص على الرفيق والجار والقريب والصديق ومن طق كلب الجار قد حس باله ************* وبكوة غرير الجار تمحى الجمايل شكرا على الإختيار وادري لاتقولون ياحبه للهذر خلاص مع السلامة |
اقول اخوي بو نوت
تراني مشرف ولا تحرجني بالاسئله اللي مالها داعي ههههههه عندك من الشيبان اللي تسالهم وتقبل تحياتي وعاجز عن الشكر اخوي وتحياتي مره اخرى |
ثون المفايل وحسب ما فهمت
المفايل هي الفلا وتعرف الفلا او لا? الفلا هي الارض الجرداء بغيت احط ضحكه لكن باصير رسمي لاني مشرف ههههههههههههههههههههههههههه والمعنى اعتقد بشكل عام قطع الفرجه وعسى محاولتنا للشرح صحيحه وتقبل تحياتي |
| الوقت المعتمد في المنتدى بتوقيت جرينتش +4.
الوقت الان » 12:56. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع