هي محاولة لكسر حاجز الغياب ليس الا:.........

فمان الله يا اطهر من وطت رجله شواطي سداب
توكل ياعسى دربك سهالة والسعد بابك

توكل يفتح الله لي فغيابك الف باب وباب
يفرّّجها عقب يتم الوناسة وشمة اطيابك

توكل نفسي الجزعة رضت وتقبلت الغياب
وانا وش عاد تعنيني الحياة فحضرة غيابك

توكل بس تكفى خذ قبل ترحل نصل لحراب
وانا بلثم جراحي بمصل صبري وافتل الشابك

حبيبي واعتذر عنها حبيبي والدمع غلاب
وانا ما اريد افارق والدموع تبلل ثيابك

على شاني ولو اخر طلب كفكف دموعك ذاب
فوادي..عيب تبكي ومعدنك في حزة مصابك

على شاني تقبّّع غشوة الضحكة تصيف اعشاب
وتنبت هالقفار الممحلة من بذرة اعشابك

بعد عمر الخوافي..نبض قافي..لمة الاصحاب
دخيلك لا تولي وجهة الاحزان محرابك

حبيبي ما اريد الحزن يطغي فخاتمة الكتاب
ترى كل يموت وخاتمة ذا الفصل تحيابك