شعبيات - كنك الي مدح شعر ٍ براس قحطه

شعبيات (http://www.sh3byat.com/vb//index.php)

- قوافي البوح (http://www.sh3byat.com/vb//forumdisplay.php?f=13)

- - كنك الي مدح شعر ٍ براس قحطه (http://www.sh3byat.com/vb//showthread.php?t=13719)

كنك الي مدح شعر ٍ براس قحطه

ياجماعه زمنا ذا غريب ٍ عجيب=كل شي بزمنا صار به لخبطه
كل شخص ٍ غدا شاعر زمانه رهيب=ما تسمى جداره ذي هي الجحلطه
والله ان الشعر اصبح بليا رقيب=ومن حياة السمو لحالة المرمطه
المرض ينتشر لاصار مابه طبيب=وصار مابه طبيب ٍ ماسك مشرطه
الشعر فن راقي سهل لكن صعيب=مايجي هكذا والموهبه مربطه
الشعر ما تجيبه هو لك الي يجيب=ان خذا شي خله وان عطاك فعطه
والشعر ما تشخبط لك كلام ٍ غريب=ثم تقول الله الله تسلم الشخبطه
بيت مكسور والمعنى ركيك السريب=مايعدّل بوزنه صاحب المخرطه
يوم تقرا بعضها راكب ٍ شاص جيب=يضرب الخد والسواق ما يصفطه
من مطب بمطب ومن شعيب بشعيب=ما مسك خط لكن بالوعر ما انشطه
لا يلـفـّيـك ديره ولو ديارك قريب=و بذك بكثرما يقلب لك الاشرطه
فالشعر مستحيل تكون مخطي ومصيب=يا اظبط الشعر والا قل منيب اظبطه
ولا تجامل اخوك ولا تجامل صحيب=الردي قل ردي والزين لا تغمطه
لو يمط البكا طفل ٍ ويرضع حليب=قلت يسلم حليبك وجزل بالمطمطه
لا تصير انت مداح ٍ تغابى اللبيب=كنك الي مدح شعر ٍ براس قحطه